|
Hac in die mentes pie caeli jungant harmoniae plausus et tripudia | Qua conscendit ad divina sponsa Christi Katherina sublimi victoria | Virgo dolens christianos a profanis ut profanos subici martyrio | Christum palam confitetur neque super hoc veretur opponi Maxentio | Cujus victus documentis et conclusus argumentis quaerit adjutoria | Graecos quaerit oratores et in Graecis meliores hinc surgunt litigia | Ad certamen provocatur datur locus disputatur succumbit rhetorica | Gaudet virgo rex inflatur credit et martyrizatur turba philosophica | Virgo decus puellare virgo proles regia formae comprovincialies vincens elegantia | Tua stet in dicione res imperatoria tantum diis ne detrectes dare sacrificia | Ad haec virgo quid Maxenti quid dixisti bestia nescit verus declinari Deus per pluralia | Unde diis plura tuis dans articularia miser a divinitate transis ad daemonia | Resipisce resipisce protinus a diis hisce Christo te concilia | Caecus caeca veneraris falsus falsa deprecaris similis similia | Rex ad ista pertubatur furit frendet stomachatur latrat exit hominem | Rota fieri mandatur paganorum dum rotatur sternit multitudinem | Hinc hinc maga rapiatur hinc venefica trahatur ad squalorem carceris | Assunt mox apparitores mox lanistae mox tortores jussa complent sceleris | Luce carcer perlustratur angelorum deputatur virgini solacium | Visitatur a regina Christi datur disciplina subitur martyrium | Virgo caput et mamillas offert comitatur illas insigne prodigium | Nam mamilla dat cruorem caput lactis sudat rorem commutando proprium | Tibi Christe laus et honor virtus et imperium | Tu beatae Kartherinae nobis da consortium |
Sq |
Catharinae |
|
|
Alleluia Hodie beata virgo Catharina cum triumpho martyrii cellos petiit hodie Christum videre mervit quem dilexit |
Al |
Catharinae |
|
|
Alleluia Qui creavit omnia caelum terramque Maria vocavit ad caelestia Catherinam cum gloria |
Al |
Catharinae |
|
|
Alleluia Jesu Christe auctor vitae qui in festo Catharinae laudes nobis concede promere ejus nos precibus in adversis tuere |
Al |
Catharinae |
|
|
Alleluia Ex tumba sancte Katherinae resudat semper oleum sacrum quo liniti sanantur egri |
Al |
Catharinae |
|
|
Alleluia Virgo sancta Catharina Graeciae gemma urbe Alexandrinae costi regis filia |
Al |
Catharinae |
|
|
Alleluia Beata Virgo Katherina tua prece nos reclina in amena paradysi gaudia |
Al |
Catharinae |
|
|
Alleluia Ut rosa pre spina prefulget sic Katherina inter sydereas caeli matrona choreas |
Al |
Catharinae |
|
|
Alleluia Regis costi filia manum misit ad fortia dum obtinuit victoriam qua Christi gloriam predicavit |
Al |
Catharinae |
|