|
|
Sedibus caeli nitidis receptos dicite athletas geminos fideles slavicae duplex columen decusque dicite gentis | Hos amor fratres sociavit unus unaque abduxit pietas eremo ferre quo multis celerent beatae pignora vitae | Luce quae templis superis renidet Bulgaros complent Moravos Bohemos mox feras turmas numerosa Petro agmina ducunt | Debitam cincti meritis coronam pergite o flecti lacrimis precantum prisca vos slavis opus est datores dona tueri | Quaeque vos clamat generosa tellus servet aeternae fidei nitorem quae dedit princeps dabit ipsa semper Roma salutem | Gentis humanae sator et redemptor qui bonus nobis bona cuncta praebes sint tibi grates tibi sit per omne gloria saeclum | Amen |
H |
Cyrilli et Methodii Pont., Conf. |
|
|
|
Lux o decora patriae slavisque amica gentibus salvete fratres annuo vos efferemus cantico | Quos Roma plaudes excipit complexa mater filios auget corona praesutum novoque firmat robore | Terras ad usque barbaras inferre Christum pergitis quot vanus error luserat almo repletis lumine | Noxis soluta pectora ardor supernus abripit mutatur horror veprium in sanctitatis flosculos | Et nunc serena caelitum locati in aula supplici adeste voto slavicas servate gentes numini | Errores mersos unicum ovile Christi congreget factis avitis aemula fides virescat pulchrior | Tu nos beata trinitas caelesti amore concita patrumque natos inclyta da persequi vestigia | Amen |
H |
Cyrilli et Methodii Pont., Conf. |
|
|
|
In sanctitate et justitia servierunt domino omnibus diebus suis ideo stolam gloriae induit illos dominus deus Israel |
A |
Cyrilli et Methodii Pont., Conf. |
|
|
|
Christe rex splendor gloriae laudes referimus tibi qui profluo miraculo sanctorum ornas atrium | Qui in pace ecclesiae florentes more lilii praedicaverunt populum ut replerent paradisum | Sumentes arma bellica contra hostis nequitiam scutum fidei gladium spiritus pugnant fortiter | In quorum ore deus est in quorum corde christus est in quorum mente pietas justitia et veritas | Orti de faece pulveris pro bonis suis meritis similes facti angelis fruuntur claris gaudiis | Te nunc oramus domine eorum nos munimine ab omni malo protege et vitam nobis tribue | Deo patri sit gloria eiusque soli filio cum spiritu paraclito et nunc et in perpetuum |
H |
Cyrilli et Methodii Pont., Conf. |
|
|
|
O quam speciosi pedes evangelizantium pacem evangelizantium bona dicentium Sion regnabit deus tuus |
A |
Cyrilli et Methodii Pont., Conf. |
|
|
|
Hi sacerdotes domini sacrati consecratores domini fideles atque pastores populi fuere impigro amore | Namque susceptae benedictionis dona servantes studuere lumbos fortiter cincti manibus coruscas ferre lucernas | Sicque suspensi vigilesque quando januam pulsans Dominus veniret obviaverunt properanti alacres pandere limen | Gloriae summum decus atque laudis rex tibi regum deitas perennis quicquid est rerum celebret per omne tempus et aevum |
H |
Cyrilli et Methodii Pont., Conf. |
|
|
|
Isti sunt viri sancti facti amici dei divinae veritatis praeconio gloriosi linguae eorum claves caeli factae sunt |
A |
Cyrilli et Methodii Pont., Conf. |
|
