|
|
Ach homo perpende fragilis mortalis et instabilis quod vitare non poteris mortem quocumque jeris nam aufert te saepissime dum vivis libentissime |
Cn |
Ad Suffragium |
|
|
|
Exceptivam actionem verbum Patris excipit dum deludit rationem dum naturam decipit casualem dictionem substantivum recipit actioque passionem in hoc verbo concipit In hac verbi copula stupet omnis regula |
Cn |
|
|
|
|
Inter locos locum nescit locus a contrariis suum locum obstupescit exceptum ab aliis fit elinguis obmutescit fallitur in propriis et de suis erubescit logica fallaciis |
Cn |
|
|
|
|
Peregrinat a natura nominis positio dum in Dei transit jura hominis conditio novus color in vinctura nova fit constructio Novus tropus in figura nova fit translatio |
Cn |
|
|
|
|
Dum ab uno non recedit alteratur unitas dum in unum se concedit unitur alteritas in diversum idem cedit in idem diversitas suum tamen non excedit limitem simplicitas |
Cn |
|
|
|
|
Dum factoris et facturae mira fit conjunctio quis sit modus ligaturae quis ordo quae ratio quae sint vincla quae juncturae qui gumphi quae unio stupet sui fracto jure musica proportio |
Cn |
|
|
|
|
Artis suae de censura geometer fallitur dum immensus sub mensura terrenorum sistitur in directum qui natura circuli convertitur sphaeram claudit quadratura et sub ipsa clauditur In hac verbi copula stupet omnis regula |
Cn |
|
|
|
|
Solis lumen nube tectum nubis sub velamine nostrum vergit in defectum nec hebet in lumine in defectum dans effectum sol natus in Virgine nostrae nubis fert objectum lumen in caligine. |
Cn |
|
|
