Celebremus conversionem sancti Pauli apostoli quia hodie ex persecutore effectus est vas electionis ideo gaudent angeli laetantur archangeli et collaudant in caelis filium dei
Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia
Hodie caelesti sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia
Hodie vas electionis et habitaculum spiritus sancti beatissimus Gregorius pontifex ex hac luce subtractus ad aeternam regni caelestis sedem est translatus