O acceptabilem deo ministrum Oswaldum qui dum in pauperum obsequio Christum suscepit a Christo in aeternum convivium suscipi meruit cujus gratiae novitatem ignea desuper spera comprobavit
Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis
Imitator domini Oswaldus dum pauperum pedes abluit et extersit felicem de hac vita exitum agens spiritum deo reddidit et ad caenam dei cum veste nuptiali in aeternum regnaturus introivit