Ave sponsa insponsata | Ave per quam orbis lapsi facta est erectio | Ave per quam occumbentis est Adae surrectio | Ave per quam primae matris est Aeve redemptio | Sancta Maria ora pro nobis |...
Dum transisset Maria mater domini de hoc mundo apostoli lacrimas fundebant prae gaudio jam pergis gloriosa ante conspectum domini intercede pro nobis ad dominum
Mater domini nostri Jesu Christi preces nostras exaudi oramus omnes ut ad dominum deum interpellare digneris ut per tua merita liberet nos a periculo mortis
Dicit Maria putas qualis est ista salutatio quia conturbata est anima mea ut per angelum dici audeam mater domini et quia paritura sum regem qui claustrum virginitatis meae non violet
Fundata est domus domini super verticem montis Sion et super cacumen ejus mater exsultet ecclesia et venient ad eam omnes gentes et laetabuntur quia in ea decantant vox laetitiae
Maria virgo non est tibi similis in filiabus Jerusalem tu mater regis regum tu domina angelorum tu regina caelorum beata viscera tua et benedictus fructus ventris tui