Genre:
Full text:
Nunc luce alma splendescit per orbem haec dies ecce gloriosa | Almi recolamus Petri voce celsa Gratanter modulos accommodet lingua | Vincentis amorem ob supernum crucis sacrae trophaea Meritum gloriamque praelatam in caelesti gloria | Puro corde fraterna jubiletque turba Qui a Christo ligandi solvendique dona | Accipiens claviger effectus nostra resolvens vincula Sublevando aetheris sedibus potestate nos tradita | Jungat coetui sancto culmine in poli paradisique amoenia Ubi adorat ordo te Christe psallendo harmonica voce cantica | Nova sanctorum resonantium voce angelicus melica Cum majestatem supernam tuam poscentes humiliter almam | Cui digna nos cum illis resonemus una rhythmica in excelsis carmina Caelestique in gloria trinum atque unum jugiter veneremur in arva | Celsa potestas angelica Ovans te laudat in gloria | Virtutes caeli te glorificant per astra Qui patris sedes ad dexteram Nostra exaudi angelorum et famulorum jungens voces precamina | Quorum vocibus ut caterva Glorificet semper te et nostra | Regnantem jure cum sanctis in aeternum
Fulltext source:
AH 37 276
Text submitted by:
AH volume:
37
AH item number:
276
