|
Quae pura scandis aethera instar columbae candidae sacrum tibi quod fundimus carmen benigna suscipe | Te nascituram conspicit pater velut praefulgidum sidus repellens nubila mundumque spargens lumine | Praevente caeli munere adhuc puella moribus claris refulges inclyta lucis futurae praeviis | Terrena jam fastidiens ferves amore patriae quem nutris hinc ardentius Christi locata in atriis | Jesu tibi sit gloria castae parentis lilium cum patre et almo spiritu in sempiterna saecula | Amen |
H |
Catharinae Bononiensis |
5 years 2 months ago |
|
|
Verbum supernum prodiens e patris aeterni sinu qui natus orbi subvenis labente cursu temporis | Ilumina nunc pectora tuoque amore concrema ut cor caduca deserens caeli voluptas impleat | Ut cum tribunal judicis damnabit igni noxios et vox amica debitum vocabit ad caelum pios | Non esca flammarum nigros volvamur inter turbines vultu dei sed compotes caeli fruamur gaudiis | Patri simulque filio tibique sancte spiritus sicut fuit sit jugiter saeclum per omne gloria | Amen |
H |
Dom. 1 Adventus |
6 years 6 months ago |
EC-Qsf4; Breviarium Romanum (Rome 1632) |
|
Novus athleta domini collaudetur Dominicus qui rem conformat nomini vir factus evangelicus | Conservans sine macula virginitatis lilium ardebat quasi facula pro zelo pereuntium | Mundum calcans sub pedibus manum misit ad fortia nudus occurrens hostibus Christi suffultus gratia | Pugnat verbo miraculis missis per orbem fratribus crebros adjungens sedulis fletus orationibus | Trino deo et simplici laus honor virtus gloria qui nos prece Dominici ducat ad caeli gaudia | Amen |
H |
Dominici |
5 years 2 months ago |
|
|
Non illam crucians ungula non ferae non virgae horribili vulnere commovent hinc lapsi e superum sedibus angeli caelesti dape recreant | Quin et deposita saevitie leo se rictu placido projicit ad pedes te Martina tamen dans gladius neci caeli coetibus inserit | Te thuris redolens ara vaporibus quae fumat precibus jugiter invocat et falsum perimens auspicium tui delet nominis omine | A nobis abigas lubrica gaudia tu qui martyribus dexter ades deus une trine tuis da famulis jubar quo clemens animos beas | Amen |
H |
Martinae Virginis et Martyris |
6 years 5 months ago |
EC-Qsf 4 |
|
Tristes erant apostoli de Christi acerbo funere quem morte crudelissima servi necarant impii | Sermone verax angelus mulieribus praedixerat mox ore Christus gaudium gregi feret fidelium | Ad anxios apostolos currunt statim dum nuntiae illae micantis obvia Christi tenent vestigia | Galilaeae ad alta montium se conferunt apostoli Jesuque voti compotes almo beantur lumine | Ut sis perenne mentibus paschale Jesu gaudium a morte dira criminum vitae renatos libera | Deo patri sit gloria et filio qui a mortuis surrexit ac paraclito in sempiterna saecula |
H |
Comm. Apostolorum et Evangelistarum |
6 years 5 months ago |
|
|
O nimis felix meritique celsi nesciens labem nivei pudoris praepotens martyr nemorumque cultor maxime vatum | Serta ter denis alios coronant aucta crementis duplicata quosdam trina te fructu cumulata centum nexibus ornant | Nunc potens nostri meritis opimis pectoris duros lapides revelle asperum planans iter et reflexos dirige calles | Ut pius mundi sator et redemptor mentibus culpae sine labe puris rite dignetur veniens beatos ponere gressus | Laudibus cives celebrent superni te deus simplex pariterque trine supplices et nos veniam precamur parce redemptis | Amen |
H |
Joannis Baptistae |
6 years 5 months ago |
EC-Qsf 4; Breviarium Romanum (Rome 1632) |
|
Italae passim properate gentes ecce deserto Leonardus exit nomine afflatus populi salutem spirat ab ore | Igne fraternae pietatis ardens currit hac illac generosus heros cogit errantes docet imperitos firmat inermes | Fantis ad vocem gemit omne pectus et dolor tristi rigat ora fletu rura mutantur scelerum frequentes poenitet urbes | Ulla nec tardat facies pericli quidquid obsistit ruit ille victor pabulum vitae miseris in omnem porrigit horam | Qua sacrum diva jacet arte semen magna virtutis monumenta surgunt caritas ardet niveo fidesque splendet amictu | Nunc et excelsa residens in arce lumine adspectat patriam benigno dira nec fructum sinit ut laboris monstra profanent | Voce concordi polus atque terra canticum solvant triadi perenne mente quae totum sapienter aequa temperat orbem | Amen |
H |
Leonardi a Portu Mauritio |
5 years 2 months ago |
|
|
Sponso vocante ad asperum perfectionis verticem ad hunc relicto saeculo festina gressus dirigis | Translata nanque provide Francisci in hortum fertilem vernis redundas floribus fructusque profers uberes | Crucem paratam bajulans confixa Christo jugiter rigas columba lacrimis sponsi dolentis vulnera | Corpus flagellis opprimis et mente sursum tolleris ac sancta carne et spiritu jam vivis inter caelites | Nam vera caeli gaudia dum saepe volvis intime perfusa luce desuper arcana sacra perspicis | Jesu tibi sit gloria castae parentis lilium cum patre et almo spiritu in sempiterna saecula | Amen |
H |
Catharinae Bononiensis |
5 years 2 months ago |
|
|
En clara vox redarguit obscura quaeque personans procul fugentur somnia ab alto Jesus promicat | Mens jam resurgat torpida non amplius jacens humi sidus refulget jam novum ut tollat omne noxium | En agnus ad nos mittitur laxare gratis debitum omnes simul cum lacrimis precemur indulgentiam | Ut cum secundo fulserit metuque mundum cinxerit non pro reta puniat sed nos pius tunc protegat | Virtus honor laus gloria deo patri cum filio sancto simul paraclito in seculorum saecula | Amen
|
H |
Dom. 1 Adventus |
6 years 6 months ago |
EC-Qsf4; Breviarium Romanum (Rome 1632) |
|
Hymnum novae laetitiae dulci productum cantico noster depromat hodie chorus sancto Dominico | Vergente mundi vespere novum sidus exoritur et clausis culpae carcere praeco salutis mittitur | Doctrinam evangelicam spargens per orbis cardinem pestem fugat haereticam novum producens ordinem | Hic est fons ille modicus crescens in flumen maximum qui mundo jam mirificus potum largitur optimum | Trino deo et simplici laus honor virtus gloria qui nos prece Dominici ducat ad caeli gaudia | Amen |
H |
Dominici |
5 years 2 months ago |
|
|
Tu natale solum protege tu bonae da pacis requiem christiadum plagis armorum strepitus et fera proelia in fines age Thracios | Et regum socians agmina sub crucis vexillo Solymas nexibus eximae vindexque innocui sanguinis hosticum robur funditus erue | Tu nostrum columen tu decus inclytum nostrarum obsequium respice mentium Romae vota libens excipe quae pio te ritu canit et colit | A nobis abigas lubrica gaudia tu qui martyribus dexter ades deus une trine tuis da famulis jubar quo clemens animos beas | Amen |
H |
Martinae Virginis et Martyris |
6 years 5 months ago |
EC-Qsf 4 |
|
Paschale mundo gaudium sol nuntiat formosior cum luce fulgentem nova Jesum vident apostoli | In carne Christi vulnera micare tamquam sidera mirantur et quidquid vident testes fideles praedicant | Rex Christe clementissime tu corda nostra posside ut lingua grates debitas tuo rependat nomini | Ut sis perenne mentibus paschale Jesu gaudium a morte dira criminum vitae renatos libera | Deo patri sit gloria et filio qui a mortuis surrexit ac paraclito in sempiterna saecula |
H |
Comm. Apostolorum et Evangelistarum |
6 years 5 months ago |
|
|
Eia dux noster pater atque custos qui triumphator petis alta caeli quas tibi laeti canimus petenti suscipe laudes | Dum tibi plaudunt superi obviantes et rosis ornant iter atque palmis nos quoque in terris celebramus hymnis rite triumphum | Carne qui vivens humilis dolentis hic redemptoris socius fuisti nunc velut sidus properas ad ipsum tramite recto | Fulgido ac alto solio receptus judicis justi manibus coronam accipis gaudens rutilisque cingis tempora certis | Cuncta quae Christi reppulisti amore jam tenes dives duplicata centum principes inter meriti parata sede coruscans | Cum deo regnans pater alme ab astris respice et vide precibus tuere vineam electam digitoque forti protege natos | Laus sit excelsae triadi perennis quae tibi praebens superos honores det tuis nobis metiris beate gaudia vitae | Amen |
H |
|
5 years 2 months ago |
|
|
Decora lux aeternitatis auream diem beatis irrigavit ignibus apostolorum quae coronat principes reisque in astra liberam pandit viam | Mundi magister atque caeli janitor Romae parentes arbitrique gentium per ensis ille hic per crucis victor necem vitae senatum laureati possident | O Roma felix quae duorum principum es consecrata glorioso sanguine horum cruore purpurata ceteras excellis orbis una pulchritudines | Sit trinitati sempiterna gloria honor potestas atque jubilatio in unitate quae gubernat omnia per universa saeculorum saecula | Amen |
H |
Petri, Pauli |
6 years 5 months ago |
|
|
Haeresum surgunt nova monstra crescit militum Christi pietas et ardor scutaque invictae fidei tenent fortiter instant | Tu deus clamant homini parasti caelicum panem solidaque in arce Christe tu petro fidei dedisti esse magistrum | Jam phalanx pergit generosa morti obviam Jesum vocat hic Mariam alter implorat moriente matrem ore salutans | Sic diem fortes obeunt supremum hostis insani fera vis triumphat membra sparguntur temerata terram sanguis inundat | Sit patri virtus honor et potestas filio sit laus parilis per aevum flamini sancto resonent perenni cantica voce | Amen |
H |
Nicolai Pici et sociorum |
5 years 2 months ago |
|
|
Inter sorores optimas licet magistra praevia subesse gaudes omnibus abjecta quaeris munera | Optans adire patriam sponsique vultu perfrui nomen salutis invocans dulci sopore solveris | Corpus sepulcro conditum odore cunctos recreat et integrum post saecula mundo stupente cernitur | Nunc nostra corda et corpora a labe serves criminum agnique tandem caelicas fac nos adire nuptias | Jesu tibi sit gloria castae parentis lilium cum patre et almo spiritu in sempiterna saecula | Amen |
H |
Catharinae Bononiensis |
5 years 2 months ago |
|
|
Jesu redemptor omnium quem lucis ante originem parem paternae gloriae pater supremus edidit | Tu lumen et splendor patris tu spes perennis omnium intende quas fundunt preces tui per orbem servuli | Memento rerum conditor nostri quod olim corporis sacrata ab alvo virginis nascendo formam sumpseris | Testatur hoc praesens dies currens per anni circulum quod solus e sinu patris mundi salus adveneris | Hunc astra tellus aequora hunc omne quod caelo subest salutis auctorem novae novo salutat cantico | Et nos beata quos sacri rigavit unda sanguinis natalis ob diem tui hymni tributum solvimus | Jesu tibi sit gloria qui natus es de virgine cum patre et almo spiritu in sempiterna saecula |
H |
Nativitas Domini |
6 years 6 months ago |
EC-Qsf4; Breviarium Romanum (Rome 1632) |
|
Quem terra pontus sidera colunt adorant praedicant trinam regentem machinam claustrum Mariae bajulat | Cui luna sol et omnia deserviunt per tempora perfusa caeli gratia gestant puellae viscera | Beata mater munere cujus supernus artifex mundum pugillo continens ventris sub arca clausus est | Beata caeli nuntio fecunda sancto spiritu desideratus gentibus cujus per alvum fusus est | Jesu tibi sit gloria qui natus es de virgine cum patre et almo spiritu in sempiterna saecula |
H |
De BMV |
6 years 5 months ago |
Breviarium Romanum (Rome 1632) |
|
Deus tuorum militum sors et corona praemium laudes canentes martyris absolve nexu criminis | Hic nempe mundi gaudia et blanda fraudum pabula imbuta felle deputans pervenit ad caelestia | Poenas cucurrit fortiter et sustulit viriliter fundensque pro te sanguinem aeterna dona possidet | Ob hoc precatu supplici te poscimus piissime in hoc triumpho martyris dimitte noxam servulis | Laus et perennis gloria patri sit atque filio sancto simul paraclito in sempiterna saecula | Amen |
H |
Comm. unius Martyris |
6 years 5 months ago |
EC-Qsf 4; Breviarium Romanum (Rome 1632) |
|
Mentibus laetis jubilemus omnes plectra tangentes fidibus canoris inclytus quando Gabriel ab alto fulget Olympo | Virginis summae paranymphus adest hodie nobis simul angelorum plurimis Christum venerans triumphis concio tota | Coetus hinc noster Gabrielis almi concinat laudes celebretque nomen unus ex septem domino qui in aula jugiter astant | Nuntius caeli mediator idem exstat a summis Gabriel ubique laetus et mundo reserat secreta omnipotentis | Nuntia nobis Gabriel precamur pacis aeternae speciale munus quo poli tandem teneamus aulam semper ovantes | Praeset hoc nobis deitas beata patris ac nati pariterque sancti spiritus cujus resonat in omni gloria mundo | Amen |
H |
Gabrielis, Archang. |
5 years 2 months ago |
|
|
Martinae celebri plaudite nomini cives Romulei plaudite gloriae insignem meritis dicite virginem Christi dicite martyrem | Haec dum conspicuis orta parentibus inter delicias inter amabiles luxus illecebras ditibus affluit faustae muneribus domus | Vitae despiciens commoda dedicat se rerum domino et munifica manu Christi pauperibus distribuens opes quaerit praemia caelitum | A nobis abigas lubrica gaudia tu qui martyribus dexter ades deus une et trine tuis da famulis jubar quo clemens animos beas | Amen |
H |
Martinae Virginis et Martyris |
6 years 5 months ago |
EC-Qsf 4 |
|
Martyrum virtus validumque robur palma victorum decus et corona Christe rex tanti memorum triumphi vocibus adsis | Hac die sacra populus fidelis milites Christi fidei columnas agmen invictum celebrare digno carmine gesti | Inter hos ordo merito minorum undecim claros recolit sodales qui sua primi meruere morte tollere palmas | Fervidi sacro pietatis igne pabulum praebent populo salutis nec minae terrent deus ipse corda providus afflat | Sit patri virtus honor et potestas filio sit laus parilis per aevum flamini sancto resonent perenni cantica voce | Amen
|
H |
Nicolai Pici et sociorum |
5 years 2 months ago |
|
|
Nardi Maria pistici unxit beatos domini pedes rigando lacrimis et de tergendo crinibus |
H |
|
6 years 7 months ago |
EC-Qsf 18P16 |
|
Concinat plebs fidelium virginale praeconium matris Christi vestigium et novitatis gaudium | Pauperum primogenita dono caelesti praedita obtinet supra merita praemia vitae reddita | Novum sidus emicuit cando lucis apparuit nam lux quae lucem influit claram clarere voluit | Claris orta natalibus nec dum relictis omnibus vacat plenis affectibus pietatis operibus | Sub paupertatis regula patris Francisci ferula clara Christi discipula luce respersit saecula | Mundus et caro vincitur matris Christi connectitur Christo prorsus innititur pauperem pauper sequitur | Spretis nativo genere carnis et mundi foedere clauditur velut carcere dives superno munere | Clauditur velut tumulo nequeam subducta saeculo patet in hoc ergastulo solum dei spectaculo | Tegmina carnis vilia urgens famis inedia arcta quoque jejunia praestant orandi spatia | Virginis hujus merito laus patri sit ingenito gloria unigenito virtus summa paraclito | Amen |
H |
Clarae |
5 years 2 months ago |
|
|
Audi benigne conditor nostras preces cum fletibus in hoc sacro jejunio fusas quadragenario | Scrutator alme cordium infirma tu scis virium ad te reversis exhibe remissionis gratiam | Multum quidem peccavimus sed parce confitentibus ad nominis laudem tui confer medelam languidis | Concede nostrum conteri corpus per abstinentiam culpae ut relinquant pabulum jejuna corda criminum | Praesta beata trinitas concede simplex unitas ut fructuosa sint tuis jejuniorum munera | Amen |
H |
In tempore Quad. |
6 years 6 months ago |
EC-Qsf4; Breviarium Romanum (Rome 1632) |
|
Regali solio fortis Iberiae Hermenegilde jubar gloria martyrum Christi quos amor almis caeli coetibus inserit | Ut perstas patiens pollicitum deo servans obsequium quo potius tibi nil proponis et arces cautus noxia quae placent | Ut motus cohibes pabula qui parant surgentis vitii non dubios agens per vestigia gressus quo veri via dirigit | Sit rerum domino jugis honor patri et natum celebrant ora precantium divinumque supremis flamen laudibus efferant | Amen |
H |
Hermenegildi Martyris |
6 years 5 months ago |
EC-Qsf 4 |
|
Deus tuorum militum sors et corona praemium laudes canentes martyris absolve nexu criminis | Hic nempe mundi gaudia et blanda fraudum pabula imbuta felle deputans pervenit ad caelestia | Poenas cucurrit fortiter et sustulit viriliter fundensque pro te sanguinem aeterna dona possidet | Ob hoc precatu supplici te poscimus piissime in hoc triumpho martyris dimitte noxam servulis | Deo patri sit gloria et filio qui a mortuis surrexit ac paraclito in sempiterna saecula | Amen |
H |
Comm. unius Martyris TP |
6 years 5 months ago |
EC-Qsf 4 |
|
En noctis medium surgite propere cantemus domino jam nova cantica e caelo Gabriel nam venit omnibus vitae nuntius optimus | In gressus placida limina virginis quod prolem pariet caelitus instruit quae collum tumidi conterat aspidis ac Adae genus erigat | Alternis igitur jam chorus efferat exultans animo vocibus angelum humano generi qui nova tempora et caeli bona nuntiat | Sed quae vox hominum promere sufficit quae mundo Gabriel munera conferat sanctas hic animas quas deus advocat laetus ducit in aethera | Te princeps igitur inclyte quae sumus pro nobis miseris poscito gratiam fac et propitium qui valet omnia nobis ut veniam afferat | Amen |
H |
Gabrielis, Archang. |
5 years 2 months ago |
|
|
Nocte jam vulsa rutilantis astri splendor illustrat pugillum triumphos qui modo in campo cecidere fortes Gorcomiensi | Astra conscendunt deus ipse laetos excipit caeli domibus suprema luce donandos deus ipse merces factus in aevum | Plaudit et tellus celebratque sanctum martyrum nomen volitat per oras fama victorum meritosque digna laude rependit | O triumphali redimita serto martyrum Christi veneranda proles huc tuis adsis memor ac potenti nos prece salva | Sit patri virtus honor et potestas filio sit laus parilis per aevum flamini sancto resonent perenni cantica voce | Amen |
H |
Nicolai Pici et sociorum |
5 years 2 months ago |
|
|
En gratulemur hodie Christo regi jucundius in cujus aula gloriae jam jubilat Antonius | Francisci patris aemulus sic illi se contemperat ut fonte manans rivulus aquas vitae circumferat | Longe lateque diffluit sitique mortis aridos verbo salutis imbuit dans rore sacro vividos | Hic stigmatum qui bajulo patri natus innititur dum praedicat de titulo confixus ille cernitur | Sub tanto duce militans vincendo se non vincitur duci miles cohabitans jam bello non concutitur | Nos in campo certaminis patrum zelantes gloriam hic sub re nostri nominis vincamus ignominiam | Praestet hoc nati genitor hoc genitoris genitur ac par utrique conditor paraclitus hoc spiritus | Amen |
H |
Antonii Patavini |
5 years 3 months ago |
|
|
Fortem virili pectore laudemus omnes feminam quae sanctitatis gloria ubique fulget inclyta | Haec Christi amore saucia dum mundi amorem noxium horrescit ad caelestia iter peregit arduum | Carnem domans jejuniis dulcique mentem pabulo orationis nutriens caeli potitur gaudiis | Rex Christe virtus fortium qui magna solus efficis hujus precatu quaesumus audi benignus supplices | Deo patri sit gloria ejusque soli filio cum spiritu paraclito et nunc et in perpetuum | Amen |
H |
Pro nec Virgine nec Martyre |
6 years 7 months ago |
|
|
Generat virgo filias mentis maternae conscias Christi sponsas et socias corruptionis inscias | Clarum nomen effunditur sanctum nomen extenditur facto doctrina proditur virtus divina panditur | Construuntur caenobia vasti per orbis spatia crescit sororum copia claret matris notitia | Deficit virtus corporis morbo prolixi temporis sumit augmentum roboris virtus sacrati pectoris | Tandem languore premitur laeta nimis egreditur dies extrema clauditur spiritus caelo redditur | Te prosequentes laudibus piis faveto precibus adesto postulantibus tuis virgo supplicibus | Virginis hujus merito laus patri sit ingenito gloria unigenito virtus summa paraclito | Amen |
H |
Clarae |
5 years 2 months ago |
|
|
Ex more docti mystico servemus hoc jejunium deno dierum circulo ducto quater notissimo | Lex et prophetae primitus hoc praetulerunt postmodum Christus sacravit omnium rex atque factor temporum | Utamur ergo parcius verbis cibis et potibus somno jocis et arctius perstemus in custodia | Vitemus autem noxia quae subruunt mentes vagas nullumque demus callidi hostis locum tyrannidi | Flectamus iram vindicem ploremus ante judicem clamemus omnes cernui | Nostris malis offendimus tuam Deus clementiam effunde nobis desuper remissor indulgentiam | Memento quod summus tui licet caduci plasmatis ne des honorem nominis tui precamur alteri | Laxa malum quod fecimus auge bonum quod poscimus placere quo tandem tibi possimus hic et perpetim | Praesta beata trinitas concede simplex unitas ut fructuosa sint tuis jejuniorum munera | Amen |
H |
In tempore Quad. |
6 years 6 months ago |
EC-Qsf4; Breviarium Romanum (Rome 1632) |
|
Proles de caelo prodiit novis utens prodigiis caelum caecis aperuit siccis mare vestigiis | Spoliatis Aegyptiis transit dives sed pauperis nec rem nec nomen perdidit factus felix pro miseris | Assumptus cum apostolis in montem novi luminis in paupertatis praediis Christo Franciscus intulit | Fac tria tabernacula Petri secutus studia cujus exemplo nobili sponte reliquit omnia | Legi prophetae gratiae gratum gerens obsequium trinitatis officium festo solemni celebrat | Dum reparat virtutibus hospes triplex hospitium et beatarum mentium dum templum Christo consecrat | Domum portam et tumulum pater Francisce visita et hevae prolem miseram a somno mortis excita | Amen |
H |
Francisci |
5 years 3 months ago |
|
|
Egregie doctor Paule mores instrue et nostra tecum pectora in caelum trahe velate dum meridiem cernat fides et solis instar sola regnet caritas | Sit trinitati sempiterna gloria honor potestas atque jubilatio in unitate quae gubernat omnia per universa aeternitatis saecula | Amen |
H |
Conversio Pauli |
6 years 5 months ago |
EC-Qsf 4; Breviarium Romanum (Rome 1632) |
|
Sanctorum meritis inclyta gaudia pangamus socii gestaque fortia gliscens fert animus promere cantibus victorum genus optimum | Hi sunt quos fatue mundus abhorruit hunc fructu vacuum floribus aridum contempsere tui nominis asseclae Jesu rex bone caelitum | Hi pro te furias atque minas truces calcarunt hominum saevaque verbera his cessit lacerans fortiter ungula nec carpsit penetralia | Caeduntur gladiis more bidentium non murmur resonat non querimonia sed corde impavido mens bene conscia conservat patientiam | Quae vox quae poterit lingua retexere quae tu martyribus munera praeparas rubri nam fluido sanguine fulgidis cingunt tempora laureis | Te summa o deitas unaque poscimus ut culpas abigas noxia subtrahas des pacem famulis ut tibi gloriam annorum in seriem canant | Amen |
H |
Comm. plurimorum Martyrum |
6 years 5 months ago |
EC-Qsf 4; Breviarium Romanum (Rome 1632) |
|
Iste quem laeti colimus fideles cujus excelsos canimus triumphos hac die Joseph meruit perennis gaudia vitae | O nimis felix nimis o beatus cujus extremam vigiles ad horam Christus et virgo simul adstiterunt ore sereno | Hinc stygis victor laqueo solutus carnis ad sedes plácido sopore migrat aeternas rutilisque cingit tempora sertis | Ergo regnantem flagitemus omnes adsit ut nobis veniamque nostris obtinens culpis tribuat supernae munera pacis | Sint tibi plausus tibi sint honores trine qui regnas deus et coronas aureas servo tribuis fideli omne per aevum | Amen |
H |
Josephi |
5 years 2 months ago |
|
|
Laetae devote celebret minorum turba Paschalem recolens frequenter quam pio sanctam venerans synaxim arsit amore | Dum puer pascit pecus iste seque pane jam pasci cupit angelorum hunc in excelsis meruit patente cernere caelo | Jugiter sacras inhians ad aras dum cibum vitae meditatur haeret totus et sancto liquefactus igne lucet et ardet | Increpans hostes fidei fidelis pane ait Christum recipi sacrato martyrem non dat gladius sed ipsum prompta voluntas | Qui quoad vixit coluit supernum tam pie panem reserat beatos morte jam clausos oculos velutque vivus adorat | Christe Paschalis meritis ut omnes corde nos mundo facias precamur caelica ut digne mereamur esca saepe cibari | Amen |
H |
Paschalis Baylon |
5 years 2 months ago |
|
|
Jesu lux vera mentium nos illustra diluculo tot signis per Antonium opaco fulgens saeculo | Hic nautis in naufragio signo salutis adfuit quibus sub lucis radio viae ducatum praebuit | Haereticum lux fidei signo purgat dum jacitur ab alto vasis vitrei fragilitas non frangitur | Irrisor lucis gratiae signorum languet clericus post votum surgens gloriae santi fit testis publicus | Per hunc nos pater luminum signes et lux de lumine illustratoris hominum cum spiritus munimine | Amen |
H |
Antonii Patavini |
5 years 3 months ago |
|
|
O clara luce clarior lucis aeternae filia dies ista sollemnior tua colit sollemnia | Vitae labentis gaudia spernendo Christum sequeris pascentem inter lilia tuque cum Christo pasceris | Custos sacrarum virginum omni virtute praevia ducis ad sponsum dominum puellarum collegia | Francisco duce fortiter evincis trina proelia dum carnem vincis jugiter mundum atque daemonia | Jam nunc in regno luminum patri conregnans filia da te sequentium agminum recta fore vestigia | Sit patri nato flamini decus honor et gloria nosque commendent numini sanctae Clarae suffragia | Amen |
H |
Clarae |
5 years 2 months ago |
|
|
O sol salutis intimis Jesu refulge mentibus dum nocte pulsa gratior orbi dies renascitur | Dans tempus acceptabile da lacrimarum rivulis lavare cordis victimam quam laeta adurat caritas | Quo fonte manavit nefas fluent perennes lacrimae si virga paenitentiae cordis rigorem conterat | Dies venit dies tua in qua reflorent omnia laetemur et nos in viam tua reducti dextera | Te prona mundi machina clemens adoret trinitas et nos novi per veniam novum canamus canticum | Amen |
H |
In tempore Quad. |
6 years 6 months ago |
EC-Qsf 4; Breviarium Romanum (Rome 1632) |
|
In caelesti collegio novus collega colitur in sanctorum rosario novellus flos producitur | Franciscus florens gratia forma factus humilium laetus potitur gloria sortis consors humilium | Metit de sparso semine plenae messis manipulum fallens sub terrae tegmine nostrae salutis aemulum | Hic carnis supercilium legi subjecit spiritu mundum vicit et vitium se victo victor inclytus | Linguae manus praeambula verbo paravit semitam et amplectuntur saecula doctrinam facto proditam | In paupertatis praedio minorum plantans vineam ostendit magisterio vitae vivendi lineam | Ad aeternas divitias turbas allexit pauperum quos ad caeli delicias lingua vocavit operum | Vita doctrina splenduit resplendet et miraculis sic praefuit quod profuit via lucerna populis | Summi regis palatio doctor lota discipulos saluti privilegio Christi praemuni famulos | De tenebris miseriae sequaces stellae praeviae quaeramus patrem gratiae consortes tandem gloriae | Amen |
H |
Francisci |
5 years 3 months ago |
|
|
Domare cordis impetus Elisabeth fortis inopsque deo servire regno praetulit | En fulgidis recepta caeli sedibus sidereaeque domus ditata sanctis gaudiis | Nunc regnat inter caelites beatior et premit astra docens quae vera sint regni bona | Patri potestas filioque gloria perpetuumque decus tibi sit alme spiritus | Amen |
H |
Elisabeth Reginae Portugalliae |
6 years 5 months ago |
EC-Qsf 4 |
|
Jesu corona virginum quem mater illa concipit quae sola virgo parturit haec vota clemens accipe | Qui pergis inter lilia septus choreis virginum sponsus decorus gloria sponsisque reddens praemia | Quocumque tendis virgines sequuntur atque laudibus post te canentes cursitant hymnosque dulces personant | Te deprecamur supplices nostris ut addas sensibus nescire prorsus omnia corruptionis vulnera | Virtus honor laus gloria deo patri cum filio sancto simul paraclito in saeculorum saecula | Amen |
H |
Comm. unius Virginis Martyris |
6 years 5 months ago |
EC-Qsf 4; Breviarium Romanum (Rome 1632) |
|
Splendor paternae gloriae adesto Jesu servulis ut queis micarit moribus Paschalis orbi concinant | Illum dies haec aurea terris refulgens attulit haec et decorum laurea victrice caelis retulit | Adhuc puer virtutibus excultus is nitentibus pia modesta sobria puraque vita claruit | Fervens minorum postmodum ingressus arctas semitas nil ad sinistram regulae ad dexteramve deviat | Hinc sancta membra saeviter flagris cruentis purpurat nullisque foedat sordibus casti pudoris lilia | Christum sequendo pauperem nil praeter hunc desiderat sed mundo in hoc ditescere sola cupit penuria | Ad usque mortem firmiter ut ver et ipse obediat vitae subit discrimina ne quando subdi desinat | Jesu tibi sit gloria merces perennis pauperum qui mente pura et simplici jussis tuis obtemperant | Amen |
H |
Paschalis Baylon |
5 years 2 months ago |
|
|
Laus regi plena gaudio qui merces militantium se ipsum dat Antonio militiae stipendium | Antoni vir egregie qui tuae quam praenoveras hic vivens arrhas gloriae Christum videns acceperas | Pro te digna dum moreris natorum fit commotio margaritae non funeris cujus fias possessio | Hujus honorem gloriae praedixeras in Padua quae tantis in te gratiae manet donis irrigua | Per te pater cum filio consolatorque spiritus a criminis contagio nos hic emundet funditus | Amen |
H |
Antonii Patavini |
5 years 3 months ago |
|
|
O sponsa Christi amabilis quae voce sponsi percita lares paternos deseris et vana mundi gaudia | Dum nanque pastor inclytus iter salutis indicat libenter istud arripis et curris inde fervida | Ipso magistro pervolas ornata zonis aureis prudentis instar virginis ad sacra matris limina | Hic mutati sarcinam cultus molestam detrahis et fune cingis hispidum amore Christi saeculum | En filiarum dulcia matrem sequuntur agmina sponsoque plenas gestiunt affere tecum lampades | Aeterna patri luminum sit luminique filio laus ac potenti flamini nunc et per omne saeculum | Amen |
H |
Inventio Clarae |
5 years 2 months ago |
|
|
Lustra sex qui jam peregit tempus implens corporis sponte libera redemptor passioni deditus agnus in crucis levatur immolandus stipite | Felle potus ecce languet spina clavi lancea mite corpus perforarunt unda manat et cruor terra pontus astra mundus quo lavantur flumine | Crux fidelis inter omnes arbor una nobilis silva talem nulla profert fronde flore germine dulce ferrum dulce lignum dulce pondus sustinent | Flecte ramos arbor alta tensa laxa viscera et rigor lentescat ille quem dedit nativitas et superni membra regis tende miti stipite | Sola digna tu fuisti ferre mundi victimam atque portum praeparare arca mundo naufrago quam sacer cruor perunxit fusus agni corpore | Sempiterna sit beatae trinitati gloria aequa patri filioque par decus paraclito unius trinique nomen laudet universitas | Amen |
H |
Dom. de Passione |
6 years 6 months ago |
EC-Qsf 4; Breviarium Romanum (Rome 1632) |
|
Plaude turba paupercula patre ditata paupere laudes propina pocula sacro depressa ubere | Hic simplex rectus humilis pacis cultor amabilis lumen in vase fictili ardens lucens in fragili | Vili contentus tegmine sancto calescens flamine vicit ardorem caumata Christi dum gestat stigmata | Carnem mundumque conterens hostes malignos proterens auream victor meruit aureolam dum docuit | Pauper nudus egreditur caelum dives ingreditur spargit virtutum munera aegris profligat vulnera | Verorum pater pauperum nos pauperes fac spiritu consortes redde superum erectos ab interitu | Patri nato paraclito decus honor et gloria sint hujus sancti merita nobis aeterna gaudia | Amen |
H |
Francisci |
5 years 3 months ago |
|
|
Opes decusque regium reliqueras Elisabeth dei dicata numini recepta nunc bearis inter angelos libens ab hostium tuere nos dolis | Praei viamque dux salutis indica sequemur o sit una mens fidelium odor bonus sit omnis actio tuis id innuit rosis operta caritas | Beata caritas in arce siderum potens locare nos per omne saeculum patrique filioque summa gloria tibique laus perennis alme spiritus | Amen |
H |
Elisabeth Reginae Portugalliae |
6 years 5 months ago |
EC-Qsf 4 |
|
Virginis proles opifexque matris virgo quem gessit peperitque virgo virginis festum canimus beatae accipe votum | Hujus oratu deus alme nobis debitas poenas scelerum remitte ut tibi puro resonemus almum pectore carmen | Sit decus patri genitaeque proli et tibi compar utriusque virtus spiritus semper deus unus omni temporis aevo | Amen |
H |
Comm. unius Virginis non Martyris |
6 years 5 months ago |
EC-Qsf 4; Breviarium Romanum (Rome 1632), p. lxviii |
|
Te Joseph celebrent agmina caelitum te cuncti resonent christiadum chori qui clarus meritis junctus es inclytae casto foedere virgini | Almo cum tumidam germine conjugem admirans dubio tangeris anxius afflatu superi flaminis angelus conceptum puerum docet | Tu natum dominum stringis ad exteras Aegypti profugum tu sequeris plagas amissum Solymis quaeris et invenis miscens gaudia fletibus | Post mortem reliquos sors pia consecrat palmamque emeritos gloria suscipit tu vivens superis par frueris deo mira sorte beatior | Nobis summa trias parce precantibus da Joseph meritis sidera scandere ut tandem liceat nos tibi perpetim gratum promere canticum | Amen |
H |
Josephi |
5 years 2 months ago |
|
|
Quam se deus mirabilem Paschale in almo praedicet noster chorus miracula ejus recensens concinat | Adest vocatus omnibus repente curat languidos parata queis sunt funera a mortis aufert faucibus | Hunc dum fides non haesitans matris dolentis invocat en surdus audit protinus caecusque cernit filius | Caesum securi sustinet quem vix cutis pars indicem ipsum sacerdos deprecans statim recepit integrum | Terram colonus aridam semel ligone percutit jugisque fontis rivulum armento et agris obtinet | Liquor sacro ex cadavere manat suavis triduo qui sanat insanabiles morbos tumores ulcera | Custos beati corporis auditur arca pulsibus lenis sonare in prosperis rebus tonare in tristibus | Almo precante famulo cor Christe nostrum suscita ne quando pulses januam stulto sopore torpeat | Amen |
H |
Paschalis Baylon |
5 years 2 months ago |
|
|
Magni parentis filiae redit triumphus virginis laeti minores gaudium sistris et hymnis exprimant | Tu virgo laudes accipe et corda nostra illumina quae clara mundo nasceris ut luce mundum repleas | Ipso paterno in limine primis ab annis aureo virtutis almae lumine fulges opaco saeculo | Manus egenis provida extendis ac per nuntios ipsis frequens cibaria tibi negata porrigis | Fame et flagellis asperis tenella membra conteris devota noctis integras insomnis horas pertrahis | Aeterna patri luminum sit luminique filio laus ac potenti flamini nunc et per omne saeculum | Amen |
H |
Inventio Clarae |
5 years 2 months ago |
|
|
Ad regias agni dapes stolis amicti candidis post transitum maris Rubri Christo canamus principi | Divina cujus caritas sacrum propinat sanguinem almique membra corporis amor sacerdos immolat | Sparsum cruorem postibus vastator horret angelus fugitque divisum mare merguntur hostes fluctibus | Jam pascha nostrum Christus est paschalis idem victima et pura puris mentibus sinceritatis azyma | O vera caeli victima subjecta cui sunt tartara soluta mortis vincula recepta vitae praemia | Victor subactis inferis trophaea Christus explicat caeloque aperto subditum regem tenebrarum trahit | Ut sis perenne mentibus paschale Jesu gaudium a morte dira criminum vitae renatos libera | Deo patri sit gloria et filio qui a mortuis surrexit ac paraclito in sempiterna saecula |
H |
In tempore Paschae |
6 years 6 months ago |
EC-Qsf4; Breviarium Romanum (Rome 1632) |
|
Decus morum dux minorum Franciscus tenens bravium in te vite datur vitae Christe redemptor omnium | Plaudat frater regnat pater concivis caeli civibus cedat fletus psallat coetus exsultet caelum laudibus | Demptum solo datum polo signorum probant opera ergo vivit nam adivit aeterna Christi munera | Pro terrenis votis plenis reportat dona gloriae quem decoras quem honoras summae deus clementiae | Hunc sequantur huic jungantur qui ex Aegypto exeunt in quo duce clara luce vexilla regis prodeunt | Regis signum ducem dignum insignit manu latere lux accedit nox recedit jam lucis orto sidere | Est dux fidus clarum sidus ducit relucet devia devitando demonstrando beata nobis gaudia | Mina gregem dux ad regem collisor hostis callidi nos conducas et inducas ad cenam agni providi | Amen |
H |
Francisci |
5 years 3 months ago |
|
|
Pater superni luminis cum Magdalenam respicis flammas amoris excitas geluque solvis pectoris | Amore currit saucia pedes beatos ungere lavare fletu tergere comis et ore lambere | Adstare non timet cruci sepulchro inhaeret anxia truces nec horret milites pellit timorem caritas | O vera Christe caritas tu nostra purga crimina tu corda reple gratia tu redde caeli praemia | Patri simulque filio tibique sancte spiritus sicut fuit sit jugiter saeclum per omne gloria | Amen |
H |
Mariae Magdalenae |
6 years 5 months ago |
EC-Qsf 4; Breviarium Romanum (Rome 1632) |
|
Maria castis osculis lambit dei vestigia fletu rigat tergit comis detersa nardo perlinit | Deo patri sit gloria ejusque soli filio cum spiritu paraclito nunc et per omne saeculum | Amen |
H |
Mariae Magdalenae |
6 years 5 months ago |
EC-Qsf 4; Breviarium Romanum (Rome 1632) |
|
Fortem virili pectore laudemus omnes feminam quae sanctitatis gloria ubique fulget inclyta | Haec sancto amore saucia dum mundi amorem noxium horrescit ad caelestia iter peregit arduum | Carnem domans jejuniis dulcique mentem pabulo orationis nutriens caeli potitur gaudiis | Rex Christe virtus fortium qui magna solus efficis hujus precatu quae sumus audi benignus supplices | Deo patri sit gloria ejusque soli filio cum spiritu paraclito nunc et in per omne saeculum |
H |
Pro nec Virgine nec Martyre |
6 years 5 months ago |
|
|
Caelitum Joseph decus atque nostrae certa spes vitae columenque mundi quas tibi laeti canimus benignus suscipe laudes | Te sator rerum statuit pudicae virginis sponsum voluitque verbi te patrem dici dedit et ministrum esse salutis | Tu redemptorem stabulo jacentem quem chorus vatum cecinit futurum aspicis gaudens humilisque natum numen adoras | Rex deus regum dominator orbis cujus ad nutum tremit inferorum turba cui pronus famulatur aether se tibi subdit | Laus sit excelsae triadi perennis quae tibi praebens superos honores det tuis nobis meritis beate gaudia vitae | Amen |
H |
Josephi |
5 years 2 months ago |
|
|
Vexilla regis prodeunt fulget crucis mysterium qua vita mortem pertulit et morte vitam protulit | Quae vulnerata lanceae mucrone diro criminum ut nos lavaret sordibus manavit unda et sanguine | Impleta sunt quae concinit David fideli carmine dicendo nationibus regnavit a ligno deus | Arbor decora et fulgida ornata regis purpura electa digno stipite tam sancta membra tangere | Beata cujus bracchiis pretium pependit saeculi statera facta corporis tulitque praedam Tartari | O crux ave spes unica hoc passionis tempore piis adauge gratiam reisque dele crimina | Te fons salutis trinitas collaudet omnis spiritus quibus crucis victoriam largiris adde praemium | Amen |
H |
Dom. de Passione |
6 years 6 months ago |
EC-Qsf4; Breviarium Romanum (Rome 1632), p. 366 |
|
Petre sol terris oriens Iberis lucis ut spargas radios per orbem quas tuo laeti canimus triumpho suscipe laudes | Per te in antiquos renovata mores clara Francisci soboles nitescit crescit et virtus rediviva largo munere caeli | Omne quod vitam maculat perosus mente constanti pereuntis aevi despicis pompam precibusque placas numinis iram | Artubus castis nimium severus te fame et diris crucias flagellis sternis et noctu lacerata duro stipite membra | Dignus hinc celsas habitare sedes saepe sublimis volitare in altum visus et mundi fugiens tumultum proximus astris | Nunc preces audi gemitusque nostros integros nobis sine labe mores et tuos nostris animis salubres ingere sensus | Annuat rerum sator et perenne sit decus patri genitaeque proli et tibi flamen deus unus omni tempore saeculi | Amen |
H |
Petri Alcantarae |
5 years 2 months ago |
|
|
Salve minorum gloria quae clara vita et nomine splendore ducis virginum choros ad agni nuptias | Tu pane pascis unico turbam sororum pauperum inane prorsus illico reples liquore vasculum | Tactu crucis tu pristinam reddis salutem languidis ejusque signo a corpore fugas potenter daemones | Matura tandem praemio conscendis alta siderum tibique eunti caelites plaudunt ovantes cantico | Quae corde sponsum deprecans claustro fugasti barbaros beata nos ab hostibus et a gehenna libera | Aeterna patri luminum sit luminique filio laus ac potenti flamini nunc et per omne saeculum | Amen |
H |
Inventio Clarae |
5 years 2 months ago |
|
|
Sedibus caeli nitidis receptos dicite athletas geminos fideles slavicae duplex columen decusque dicite gentis | Hos amor fratres sociavit unus unaque abduxit pietas eremo ferre quo multis celerent beatae pignora vitae | Luce quae templis superis renidet Bulgaros complent Moravos Bohemos mox feras turmas numerosa Petro agmina ducunt | Debitam cincti meritis coronam pergite o flecti lacrimis precantum prisca vos slavis opus est datores dona tueri | Quaeque vos clamat generosa tellus servet aeternae fidei nitorem quae dedit princeps dabit ipsa semper Roma salutem | Gentis humanae sator et redemptor qui bonus nobis bona cuncta praebes sint tibi grates tibi sit per omne gloria saeclum | Amen |
H |
Cyrilli et Methodii Pont., Conf. |
5 years 3 months ago |
|
|
Aurora caelum purpurat aether resultat laudibus mundus triumphans jubilat horrens avernus infremit | Rex ille dum fortissimus de mortis inferno specu patrum senatum liberum educit ad vitae jubar | Cujus sepulcrum plurimo custode signabat lapis victor triumphat et suo mortem sepulcro funerat | Sat funeri sat lacrimis sat est datum doloribus surrexit exstinctor necis clamat coruscans angelus | Ut sis perenne mentibus paschale Jesu gaudium a morte dira criminum vitae renatos libera | Deo patri sit gloria et filio qui a mortuis surrexit ac paraclito in sempiterna saecula |
H |
In tempore Paschae |
6 years 6 months ago |
EC-Qsf4; Breviarium Romanum (Rome 1632) |
|
Summi parentis unice vultu pio nos respice vocans ad arcem gloriae cor Magdalenae poenitens | Amissa drachma regio recondita est aerario et gemma deterso luto nitore vincit sidera | Jesu medela vulnerum spes una poenitentium per Magdalenae lacrymas peccata nostra diluas | Dei parens piissima Hevae nepotes flebiles de mille vitae fluctibus salutis in portum vehas | Uni deo sit gloria pro multiformi gratia peccantium qui crimina remittit et dat praemia | Amen |
H |
Mariae Magdalenae |
6 years 5 months ago |
Breviarium Romanum (Rome 1632) |
|
Hujus oratu deus alme nobis debitas poenas scelerum remitte ut tibi puro resonemus almum pectore carmen | Sit decus patri genitaeque proli et tibi compar utriusque virtus spiritus semper deus unus omni temporis aevo | Amen |
H |
Pro nec Virgine nec Martyre |
6 years 2 months ago |
|
|
Primo die quo trinitas beata mundum condidit vel quo resurgens conditor nos morte victa liberat | Pulsis procul torporibus surgamus omnes ocius et nocte quaeramus deum propheta sicut praecipit | Nostras preces ut audiat suamque dexteram porrigat et expiatos sordibus reddat polorum sedibus | Ut quique sacratissimo hujus diei tempore horis quietis psallimus donis beatis muneret | Jam nunc paterna claritas te postulamus affatim absint faces libidinous et omnis actus noxius | Ne foeda sit vel lubrica compago nostri corporis ob cujus ignes ignibus avernus urat acrius | Mundi redemptor quaesumus tu probra nostra diluas nobisque largus commoda vitae perennis conferas | Praesta pater piissime patrique compar unice cum spiritu paraclito regnans per omne saeculum |
H |
|
6 years 6 months ago |
EC-Qsf4; Breviarium Romanum (Rome 1632) |
|
Petri parentis optimi germen canamus inclytum qui pauperum pauperrimus extrema quaeque pertulit | Hic Christi amore saucius ut perditis succurreret stupenda paenitentiae exempla mundo praebuit | Sitim famemque sufferens et veste tectus hispida quidquid luendum est noxiis a se flagellis exigit | Loris revinctus ferreis exangue corpus conficit et singulis ex artubus emanat unda sanguinis | Dum flexo adorat poplite crucis sacratum stipitem crux emicat divinitus ipsumque splendor imbuit | Decus minorum suscipe laudes precesque supplicum tuos as alto mitius pater beate respice | Sit laus patri sit filio tibique sancte spiritus duc per Petri vestigia nos ad superna gaudia | Amen |
H |
Petri Alcantarae |
5 years 2 months ago |
|
|
Sidus etruscis rutilas ab oris surgit et noctis tenebras repellit ac die profert italis serenum plaudite cantu | Dulciter captus teneris sub annis matris Augustae laqueis amoris ad pedes ejus gemit atque pandit intima cordis | Corpus ut legi subigat tenellum saepe se diris cruciat flagellis et libens cena sibi jam parata pascit egenos | Condolens maestis animo benigno pauperi palmas aperit petenti languidos curat manibusque tergit tabida membra | Moribus castis hilarique vultu civium factus speculum suorum ejus extollunt celebrantque vitam laudibus omnes | Sint tibi plausus tibi sint honores trine qui regnas deus et coronas aureas servo tribuis fideli omne per aevum | Amen |
H |
Bernardini Senensis |
5 years 3 months ago |
|
|
Agnes nobilium gloria virginum quae nunc in superis inclyta sedibus regnas en meritae nos tibi pandimus laetis gaudia canticis | Quantis haec pateat vita periculis noscens quamque hominum corda potentibus mundus blanditiis attrahat expetis prudens omnia linquere | Te germana praeit clara facem gerens vanasque illecebras spernere saeculi haud ignara docet tu patrios lares fastum commoda deseris | Te mente intrepidam non fera verbera non vis non quatiunt dicta minacia sed Clarae praecibus firma loco manes sancti propositi tenax | Immani rabie concitus impetit te ferro patruus dextera sed minax extemplo riguit cumque sua fugam turba territus arripit | Induta hinc rigidis vestibus unice ut Christo placeas protinus ordinem Francisci ingrederis quaeris et arduam vitae currere semitam | Tu qui cuncta regis mitis ades deus Agnetis metiris carpere nos iter virtutis tribuas detur ut omnibus caeli praemia consequi | Amen |
H |
Agnetis Assisiensis |
5 years 2 months ago |
|
|
Lux o decora patriae slavisque amica gentibus salvete fratres annuo vos efferemus cantico | Quos Roma plaudes excipit complexa mater filios auget corona praesutum novoque firmat robore | Terras ad usque barbaras inferre Christum pergitis quot vanus error luserat almo repletis lumine | Noxis soluta pectora ardor supernus abripit mutatur horror veprium in sanctitatis flosculos | Et nunc serena caelitum locati in aula supplici adeste voto slavicas servate gentes numini | Errores mersos unicum ovile Christi congreget factis avitis aemula fides virescat pulchrior | Tu nos beata trinitas caelesti amore concita patrumque natos inclyta da persequi vestigia | Amen |
H |
Cyrilli et Methodii Pont., Conf. |
5 years 3 months ago |
|
|
Salutis humanae sator Jesu voluptas cordium orbis redempti conditor et casta lux amantium | Qua victus es clementia ut nostra ferres crimina mortem subires innocens a morte nos ut tolleres | Perrumpis infernum chaos vinctis catenas detrahis victor triumpho nobili ad dexteram patris sedes | Te cogat indulgentia ut damna nostra sarcias tuique vultus compotes dites beato lumine | Tu dux ad astra et semita sis meta nostris cordibus sis lacrimarum gaudium sis dulce vitae praemium |
H |
Ascensio Domini |
6 years 6 months ago |
EC-Qsf 4; Breviarium Romanum (Rome 1632) |
|
Miris modis repente liber ferrea Christo jubente vincla Petrus exuit ovilis ille pastor et rector gregis vitae recludit pascua et fontes sacros ovesque servat creditas arcet lupos | Patri perenne sit per aevum gloria tibique laudes concinamus inclytas aeterne nate sit superne spiritus honor tibi decusque sancta jugiter laudetur omne trinitas per saeculum | Amen |
H |
Vincula Petri |
6 years 5 months ago |
Breviarium Romanum (Rome 1632) |
|
Caelestis urbs Jerusalem beata pacis visio quae celsa de viventibus saxis ad astra tolleris sponsaeque ritu cingeris mille angelorum millibus | O sorte nupta prospera dotata patris gloria respersa sponsi gratia regina formosissima Christo jugata principi caeli corusca civitas | Hic margaritis emicant patentque cunctis ostia virtute namque praevia mortalis illuc ducitur amore Christi percitus tormenta quisquis sustinet | Scalpri salubris ictibus et tunsione plurima fabri polita malleo hanc saxa molem construunt aptisque juncta nexibus locantur in fastigio | Decus parenti debitum sit usquequaque altissimo natoque patris unico et inclyto paraclito cui laus potestas gloria aeterna sit per saecula | Amen |
H |
In Dedicatione Ecclesiae |
6 years 5 months ago |
EC-Qsf 4; Breviarium Romanum (Rome 1632) |
|
Gentis polonae gloria clerique splendor nobilis decus lycei et patriae pater Joannes inclyte | Legem superni numinis doces magister et facis nil scire prodest sedulo legem nitamur exequi | Apostolorum limini pedes viator visitas ad patriam ad quam tendemus gressus viamque dirige | Urbem petis Jerusalem signata sacro sanguine Christi colis vestigia rigasque fusis fletibus | Acerba Christi vulnera haerete nostris cordibus ut cogitemus consequi redemptionis pretium | Te prona mundi machina clemens adoret trinitas et nos novi per gratiam novum canamus canticum | Amen |
H |
Joannis Cantii Confessoris |
5 years 2 months ago |
|
|
Hortus minorum fertilis florem novellum germinat odore qui gratissimo mundi replevit ambitum | Miris nitens virtutibus signis refulget plurimis terris aquis et ignibus auraeque nimbis imperat | Ex fuste tellus arido in vita fructus protulit sanctis subacta gressibus iter dederunt flumina | Delapsa nix e nubibus suspensa caeli robore cunctis stupendam saeculis paravit aedem corpori | Extinxit ignis impetum agros rigavit imbribus jejuna fratrum corpora esca cibavit caelica | Praesens adest absentibus affert medelam languidis casus futuros prospicit motusque cordis detegit | Patri simul cum filio sanctoque laus sit flamini qui nos ad aulam gloriae Petri precatu dirigat | Amen |
H |
Petri Alcantarae |
5 years 2 months ago |
|
|
Se deo totum cupiens dicari saeculi pompis opibus relictis caelitus motus voluit minorum ducere vitam | Ordini adscriptus dei amore fervens semitas patris premit hinc fidelis et sacrum pandit resonat que Jesu nomen ubique | Nomen hoc signis radiisque pingi curat ac ejus retegens figuram bella compescit populisque pacem reddit amicam | Invocans nomen geminansque Jesu sanat aegrotos mala cuncta pellit luce collustrat misere sedentes mortis in umbra | Semper in vita fac ut ore corde nomen hoc sanctum veneremur omnes atque cum fructu repetamus inde ultima in hora | Sint tibi plausus tibi sint honores trine qui regnas deus et coronas aureas servo tribuis fideli omne per aevum | Amen |
H |
Bernardini Senensis |
5 years 3 months ago |
|
|
O virgo de prudentibus Clarae sororis aemula sponso tuo fis obvia gerens coruscam lampadem | Fervens te adurit caritas et mens dolori cedere malisque cunctis nescia fit sustinendo fortior | Dum membra vestis durior brevisque somnus edomat tibi dat unda poculum cibumque panis sufficit | Sed qualis o jucunditas pudico in ore cernitur quae mira cordi gaudia largitur abstinentia | Mens astra scandit libere imamque terram despicit ferme ac relictis artubus caeli potitur spiritus | Hinc ejus ardens anxia amore Jesum conspicis qui te puelli imagine suavi amantem recreat | Tandem beata convolas Agnes ad agni nuptias novumque cantas canticum choro recepta virginum | Tu jam supernam possidens sedem clientes aspice tutamque per semitam duc ad superna praemia | Sit increatum debitum decus parenti et filio cum spiritu paraclito in saeculorum saecula | Amen |
H |
Agnetis Assisiensis |
5 years 2 months ago |
|
|
Fallacis undas saeculi mundique fugit retia ducente Christi spiritu primis ab annis Didacus | Deserta dum petit loca corpusque castigat suum perfundit illum largius caelestis imber gratiae | Sublime mox scandit jugum Francisci iter per arduum et sancta per vestigia seque arctius ligat deo | Immunda quidquid appetit miratur et quidquid caro calcat relinquit negligit lucretur ut Christum sibi | Jesu tibi sit gloria qui magna solus efficis cum patre et almo spiritu per saeculorum saecula | Amen |
H |
Didaci Confessoris |
5 years 3 months ago |
|
|
Aeterne rex altissime redemptor et fidelium cui mors perempta detulit summae triumphum gloriae | Ascendis orbes siderum quo te vocabat caelitus collata non humanitus rerum potestas omnium | Ut trina rerum machina caelestium terrestrium et inferorum condita flectat genu jam subdita | Tremunt videntes angeli versam vicem mortalium peccat caro mundat caro regnat deus dei caro | Sis ipse nostrum gaudium manens Olympo praemium mundi regis qui fabricam mundana vincens gaudia | Hinc te precantes quaesumus ignosce culpis omnibus et corda sursum subleva ad te superna gratia | Ut cum repente coeperis clarere nube judicis poenas repellas debitas reddas coronas perditas | Jesu tibi sit gloria qui victor in caelum redis cum patre et almo spiritu in sempiterna saecula |
H |
Ascensio Domini |
6 years 6 months ago |
EC-Qsf 4; Breviarium Romanum (Rome 1632) |
|
Quicumque Christum quaeritis oculos in altum tollite illic licebit visere signum perennis gloriae | Illustre quiddam cernimus quod nesciat finem pati sublime celsum interminum antiquius caelo et chao | Hic ille rex est gentium populique rex judaici promissus Abrahae patri ejusque in aevum semini | Hunc et prophetis testibus isdemque signatoribus testator et pater jubet audire nos et credere | Jesu tibi sit gloria qui te revelas parvulis cum patre et almo spiritu in sempiterna saecula | Amen |
H |
Transfiguratio Dom. |
6 years 5 months ago |
EC-Qsf 4; Breviarium Romanum (Rome 1632) |
|
Quae patris ossa continet petamus urnam supplices illamque circum debita laeti canamus carmina | O divi amoris hostia Christi aemulator optime sanctique templum spiritus adesto nunc psallentibus | Pater minorum pauperum et forma paenitentiae memento quod simus tui quanvis inertes filii | Ne nos ab arce siderum quaeso tueri desinas et quas ab ore fudimus preces benignus excipe | Beata praesta trinitas concede simplex unitas nostri parentis ardua sequamur ut vestigia | Amen |
H |
Inventio Francisci |
5 years 2 months ago |
|
|
Alto ex olympi vertice summi parentis filius ceu monte desectus lapis terras in imas decidens domus supernae et infimae utrumque junxit angulum | Sed illa sedes caelitum semper resultat laudibus deumque trinum et unicum jugi canore praedicat illi canentes jungimur almae sionis aemuli | Haec templa rex caelestium imple benigno lumine huc o rogatus adveni plebisque vota suscipe et nostra corda jugiter perfunde caeli gratia | Hic impetrent fidelium voces precesque supplicum domus beatae munera patrisque donis gaudeant donec soluti corpore sedes beatas impleant | Decus parenti debitum sit usquequaque altissimo natoque patris unico et inclyto paraclito cui laus potestas gloria aeterna sit per saecula | Amen |
H |
In Dedicatione Ecclesiae |
6 years 5 months ago |
|
|
Corpus domas jejuniis caedis cruento verbere tu castra paenitentium miles sequaris innocens | Sequamur et nos sedulo gressus parentis optimi sequamur ut licentiam carnis refraenet spiritus | Rigente bruma providum praebes amictum pauperi sitim famenque egentium esca potuque sublevas | O qui negasti nemini opem roganti patrium regnum tuere postulant cives Poloni et exteri | Sit laus patri et filio tibique sancte spiritus preces Joannis impetrent beata nobis gaudia | Amen |
H |
Joannis Cantii Confessoris |
5 years 2 months ago |
|
|
Tibi Christe splendor patris vita virtus cordium in conspectu angelorum votis voce psallimus alternantes concrepando melos damus vocibus | Collaudamus venerantes omnes caeli principes sed praecipue fidelem medicum et comitem Raphaelem in virtute alligantem daemonem | Quo custode procul pelle rex Christe piissime omne nefas inimici mundo corde et corpore paradiso redde tuo nos sola clementia | Gloriam patri melodis personemus vocibus gloriam Christo canamus gloriam paraclito qui deus trinus et unus exstat ante saecula |
H |
Raphaelis, Archang. |
5 years 2 months ago |
|
|
Praeclara custos virginum intacta mater numinis caelestis aulae janua spes nostra caeli gaudium | Inter rubeta filium columba formosissima virga e radice germinans nostro medelam vulneri | Turris draconi impervia amica stella naufragis tuere nos a fraudibus tuaque luce dirige | Erroris umbras discute Syrtes dolosas amove fluctus tot inter deviis tutam reclude semitam | Jesu tibi sit gloria qui natus es de virgine cum patre et almo spiritu in sempiterna saecula | Amen |
H |
Conceptio Mariae |
5 years 3 months ago |
|
|
Caelestis agni nuptias o Juliana dum petis domum paternam deseris chorumque ducis virginum | Sponsumque suffixum cruci noctes diesque dum gemis doloris icta cuspide sponsi refers imaginem | Qui septiformi vulnere fles ad genu deiparae sed crescit infusa fletu flammasque tollit caritas | Hinc morte fessam proxima non usitato te modo solatur et nutrit deus dapem supernam porrigens | Aeterne fili par patri et par utrique spiritus soli tibi sit gloria | Amen |
H |
Julianae de Falconeriis Virginis |
5 years 2 months ago |
|
|
Inopem canamus Didacum caeli bonis praedivitem humilem canamus Didacum ad celsa vectum sidera | Christi potens o dextera quae suscitat de pulvere egenum et inter principes in sede sublime locat | En qui reliquit omnia illustribus miraculis late coruscat inclytus | Corpus flagellis saepius quot asperis afflixerat odore fragrat plurimo et membra sanat languida | Summo patri sit luminum natoque patris gloria et cum beato spiritu cunctis in aevum saeculi | Amen |
H |
Didaci Confessoris |
5 years 3 months ago |
|
|
Veni creator spiritus mentes tuorum visita imple superna gratia quae tu creasti pectora | Qui diceris paraclitus altissimi donum dei fons vivus ignis caritas et spiritalis unctio | Tu septiformis munere digitus paternae dexterae tu rite promissum patris sermone ditans guttura | Accende lumen sensibus infunde amorem cordibus infirma nostri corporis virtute firmans perpeti | Hostem repellas longius pacemque dones protinus ductore sic te praevio vitemus omne noxium | Per te sciamus da patrem noscamus atque filium teque utriusque spiritum credamus omni tempore | Deo patri sit gloria et filio qui a mortuis surrexit ac paraclito in saeculorum saecula | Amen |
H |
Dom. Pentecostes |
6 years 5 months ago |
EC-Qsf 4; Breviarium Romanum (Rome 1632) |
|
Fratrum minorum conditor Francisce da nos aureis quas tu dedisti legibus fidos alumnos obsequi | Discamus a te pauperem arctamque vitam ducere et esse mundi amantibus qua pauperes despectui | Ignita Christi caritas qua tu vel hoc in saeculo totus flagrabas intima et nostra adurat pectora | Inflicta Christo vulnera quae tu refers in corpore da cogitatu fervido jugique nos perpendere | Fac prosequamur omnibus fratrum salutem viribus nec improbo perterriti labore nec periculis | Praesta beata trinitas ut quae parens sanctissimus praecepta nobis tradidit haec exequamur seduli | Amen |
H |
Commem. Francisci |
5 years 3 months ago |
|
|
Trina Francisci soboles parentis dic tui laudes et urbe Roma prode quae coram fidei magistro mira peregit | Namque bissenos ubi vix alumnos legerat Romam properemus inquit pastor ut princeps in ovile nostrum munera fundat | Illius nobis patet aula dextram maximus tendet minimis id arbor celsa portendit mihi visa summos flectere ramos | Jamque Franciscus reverenter astat alteri Petro rogitans pusillum ut gregem firme statuat valere crescere jussum | Cui tiaratus pater haec reponit magna tu fili petis hinc rogandum ut mihi detur placitura Christo discere jussa | Fac deus simplex pariterque trine hic ducem nostrum dociles sequamur ut tibi laudis modulemur hymnum omne per aevum | Amen |
H |
Commem. Francisci |
5 years 3 months ago |
|
|
Regis superni nuntia domum paternam deseris terris Teresa barbaris Christum datura aut sanguinem | Sed te manet suavior mors poena poscit dulcior divini amoris cuspide in vulnus icta concides | O caritatis victima tu corda nostra concrema tibique gentes creditas Averni ab igne libere | Sit laus patri cum filio et spiritu paraclito tibique sancta trinitas nunc et per omne saeculum | Amen |
H |
Teresiae Virginis |
6 years 5 months ago |
EC-Qsf 4 |
|
Salve repertum maximo labore corpus inclyti patris sibi quod stigmate conforme Christus reddidit | Vano diu conamine te quaesiere filii arsere frustra suavia libare sacris ossibus | Beata praesta trinitas concede simplex unitas nostri parentis ardua sequamur ut vestigia | Amen |
H |
Inventio Francisci |
5 years 2 months ago |
|
|
Nullis te genitor blanditiis trahit non vitae caperis divitis otio gemmarumve nitore regnandive cupidine | Diris non acies te gladii minis nec terret perimens carnificis furor nam mansura caducis praefers gaudia caelitum | Nunc nos e superum protege sedibus clemens atque preces dum canimus tua quaesitam nece palmam pronis auribus excipe | Sit rerum domino jugis honor patri et natum celebrant ora precantium divinumque supremis flamen laudibus efferant | |
H |
Hermenegildi Martyris |
6 years 5 months ago |
EC-Qsf 4 |
|
Te deprecante corporum lues recedit improbi morbi fugantur pristina redeunt salutis munera | Phthisi febrique et ulcere diram redactos ad necem sacratas morti victimas ejus rapis e faucibus | Te deprecante tumido merces abactae flumine tractae dei potentia sursum fluunt retrogradae | Cum tanta possis sedibus caeli locatus poscimus responde votis supplicum et invocatus subveni | O una semper trinitas unitas da supplicante cantio aeterna nobis praemia | Amen |
H |
Joannis Cantii Confessoris |
5 years 2 months ago |
|
|
Christe sanctorum decus angelorum rector humani generis et auctor nobis aeternum tribue benignus scandere regnum | Angelum nobis medicum salutis mite de caelis Raphael ut omnes sanet aegrotos pariterque nostros dirigat actus | Hinc dei nostris genetrix Maria totus et nobis chorus angelorum semper assistat simul et beata concio tota | Praeset hoc nobis deitas beata patris ac nati pariterque sancti spiritus cujus resonat in omni gloria mundo |
H |
Raphaelis, Archang. |
5 years 2 months ago |
|
|
En dies lucet veneranda nobis qua decus nostrum jubar et corona doctor et pastor penetravit astra promite cantum | Indolem nactus placidam benignam matris ut voto domino dicatum se videt promptus penetrat libensque claustra minorum | Eloquens mitis facilis modestus moribus castus facie decorus omnibus carus sibi corda nexu vinxit amoris | Sanctus hinc vivens merito vocatus acta dum patris calamo notantem spiritu mire placideque raptum cernit Aquinas | Sint patri summo genitoque verbo ac tibi verax utriusque flamen cum quibus regnas deus unus idem laudis honores | Amen |
H |
Bonaventurae |
5 years 3 months ago |
|
|
Summi parentis unice vultu pio nos respice vocans ad arcem gloriae cor Margaritae poenitens | Amissa drachma regio recondita est aerario et gemma deterso luto nitore vincit sidera | Jesu medela vulnerum spes una poenitentium per Margaritae lacrimas peccata nostra diluas | Dei parens piissima hevae nepotes flebiles de mille vitae fluctibus salutis in portum vehas | Uni deo sit gloria pro multiformi gratia peccantium qui crimina remittit et dat praemia | Amen |
H |
Margaritae Cortonensis |
5 years 2 months ago |
|
|
Mundi redemptor optime qui morte mortem destruis tuam crucem sanctissimam omnes ad astra tollimus | Dilexit illam Didacus amore dulci saucius illamque post te fortiter consors triumphi sustulit | Carnem rebellem comprimens escam malorum pessimam sensusque confixit tuae tecum ipse confixus cruci | Tandem ad beata praemia athleta fortis evolans suavi sopore solvitur charae crucis complexibus | Te Christe clementissime veniam precamur supplices tu pro tuis fidelibus audi precantem Didacum | Amen |
H |
Didaci Confessoris |
5 years 3 months ago |
|