a06937

Tertio in flore mundus adhuc cum pubesceret in decore juventutis seculum pulcresceret atque prolis subter omnes laetos caeli cardines germinando pullularet humana feliciter | Natus est homo in mundo patriarcha nobilis Abraham Dei amicus puer fidelissimus heber aurea de stirpe oriundus extitit a quo coepit Hebraeorum diffamari populus | Huic sterilis beata sarra sanctum peperit filium cui nomen dedit bonus Dei angelus clausus adhuc vulva matris Isaac vocatus est quem in Dei holocaustum pater iustus obtulit | Hic Rebecca de conjuge Jacob sanctum Domini habuit prolem quem Deus dilexit in specie hic duodecim quaternis genuit de matribus filios a quibus gens est Israhel lectissima | Qui beatus patriarcha filium carissimum genuit in senectute Joseph nomen indidit quem dilexit super omnes natos singulariter hic paterna relevabat senectute jugiter | Fecit illi pater suus tunicam talariam vario polimitoque contextam de stamine erat pulcher in aspectu venustus in specie liliis ad instar nitens roseus ut rosula | Hic in nocte soporatus presagum per spiritum vidit somnia que patri fratribusque retulit que invidie tulerunt dictis seminarum odiique cum livore ministrabant fomitem | Segetum albentes spicas putabam nos falcibus resecare sicque meum ligatum manipulum stabat vestros adorare conspexi fasciculos haec dicente corda fratrum altus dolor obruit | Vidi solem atque lunam sed et stellas undecim me insomnis adorare venerandis radiis obquam causam duris eum pater dictis corripit tacitus tamen rem clausam voluebat sub pectore |