ah09083

Salve sanctarum sanctissima | Ave piarum piissima | Stirpis regia vitae via laus sanctorum spes reorum virgo Maria | Tu solaris stella maris clausus hortus vitae portus plena gratia | Nam illa saeva mulier Eva decipi digna fraude maligna | Jus subit mortis abstulit sortis primae gaudia carens patria | Sed diram tulit mortem primam reddidit sortem virgo Maria | Conceptu sacro suo miroque partu tuo plena gratia | Namque regali ac prophetali stemmate orta vitae fit porta virgo Maria | Quae sine viro ordine miro genuit deum hominem verum plena gratia | Sed ut sol radio sic suo filio virgo Maria | Pulchrior videtur castior habetur plena gratia | O qualis femina cunctorum domina | Post deum unica spesque salvifica | Ergo tuorum vota servorum suscipe pia virgo Maria | Dans prece pia date venia caeli gaudia plena gratia