Alleluia Quasi rosa plantata super rivos aquarum fructificate quasi Libanus odorem suavitatis habete florete flores quasi lilium et date odorem et frondete in gratiam et collaudate canticum et...
Alleluia offeretis domino septem diebus odorem suavitatis praeter holocaustum sempiternum altissimo facies litationes ejus et dies primus sanctus erit vobis in sempiternum
Aedificavit Noe altare domino et sumpsit ex omni peccu de mundo et ex omni ave munda et obtulit hostias ad altare et immolavit et cremavit et odoratus est dominus odorem suavitatis alleluia
Sanctificavit Moyses altare domino offerens super illud holocausta et inferens victimas fecit sacrificium matutinum in odorem suavitatis domino
deo in conspectu filiorum Israel alleluia
Estote imitatores dei sicut filii carissimi et ambulate in dilectione sicut et Christus dilexit nos et tradidit semet ipsum pro nobis oblationem et hostiam deo in odorem suavitatis alleluia