- Log in to post comments
Authoring information
Similar texts
| ah39188 Sq | Laus tibi Christe Quem magi deferentes sua munera (...) |
| ah53158 Sq | Laus tibi Christe | Qui humilis homo mundo apparens abjecta mundi colligis | Qui gratiam tuam usque ad ima vilissimaque porrigis | Qui parvulus ne quando tibi miracula desint divina mox parvulum cogis ad bella nova militem | Quem pugio coruscus non terreat neque laudes omnimodae vel opes omnes a statu mentis molliant | Quis non ad sinum properet tuum Christe qui de virgine nasci volens hunc gradum sacraveras | A conjugatis praecini dignatus es ore viduae continentisque viri benedici | Qui juvenis baptizari contentus a juvene tibi devoto etiam tuo adventu honorasti nuptias | Martyrio idoneos qui fecisti pusiones vagientes ut adhuc lactans lactantem haberes exercitum | Qui et ingratis praestas gratiam | Et recedentes ad te revocas | Nunc et semper sit laus tibi Christe |
| g00493.Tp1 Tp | Invocavi te altissime venturumquem longe cecinere prophetae gloria laus et honor Christe sic dicitur tibi rex pie qui venis salvare me et te vera fide in te blande suscepit et devote te volente et enim |
| g00599.Tp03 Tp | Laus tibi Christe super quem hodie spiritus sanctus in Jordane descendit et patris vox audita est ALLELUIA |
| ah50268 Sq | Laus tibi Christe qui es creator et redemptor idem et salvator | Caeli terrae maris angelorum et hominum | Quem solum deum confitemur et dominum | Qui peccatores venisti ut salvos faceres | Sine peccato peccati assumens formulam | Quorum de grege ut Chananaeam Mariam visitasti Magdalenam | Eadem mensa verbi divini illam micis hanc refovens poculis | In domo Simonis leprosi conviviis accubans typicis | Murmurat pharisaeus ubi plorat femina criminis conscia | Peccator contemnit compeccantem peccati nesciens paenitentem exaudis emundas foedam adamas ut pulchram facias | Pedes amplectitur dominicos lacrimis lavat tergit crinibus lavanda tergenda unguento unxit osculis circuit | Haec sunt convivia quae tibi placent o patris sapientia | Natus de virgine qui non dedignaris tangi de peccatrice | A pharisaeo es invitatus Mariae ferculis satiatus | Multum dimittis multum amanti nec crimen postea repetenti | Daemoniis eam septem mundans septiformi spiritu | Ex mortuis te surgentem das cunctis videre priorem | Hanc Christe proselytam signas ecclesiam quam ad filiorum mensam vocas alienigenam | Quam inter convivia legis et gratiae spernit pharisaei fastus lepra vexat haeretica | Qualis sit tu scis tangit te quia peccatrix quia veniae optatrix | Quidnam haberet aegra si non accepisset si non medicus adesset | Rex regum dives in omnes nos salva peccatorum tergens cuncta crimina sanctorum spes et gloria |
| ah53159 Sq | Laus tibi Christe patris optimi nate | Cui hodie dant flosculi primitivi martyrum laudes coronati | Quos impius persecutor recens progenitos te quaerens prostraverat | Mater gemit ab ubere raptum natum vicino partu fusum luci | Mucro ferit in parvorum minutis artubus papillis haerentibus | O miserum spectaculum plus lactis nivei ex his corpusculis fluebat quam sanguinis | Sed tu Christe coronis eosdem pretiosissimis adornasti protinus | Quorum precibus sacris placare domine | Et nos famulos tuos defende sedule | Ut saeculi prementis gemendos casus possimus vincere | Atque tui parentis optatos domos adire mereamur | Ubi sunt mansiones multae partae tuis servis |
| g02748 Al | Alleluia Laus tibi Christe |
| a07007 H | Christe verus rex sanctorum et sacrator martyrum tu es veritas et via vitaque credentium tu optantibus das votum et beatis bravium | Tibi laudum vota pandit cuncta coors fidelium qui servando et germano robur mox eximium concessisti ut vincerent dimicando zabulum | Praeses namque mundialis irae ad aram praecipit idolis litare vanis fortes Christi milites noxiumque hostiarum immolari sanguine | Illi poenas exspectabant Christi amore dediti dulce tunc illis cremari dulce ferrum perpeti validisque offerenda corpora suppliciis | Nos Christum nempe fatentes exsecramur idola et caelestem adorantes temnimus terrestria absit ut ritu profano inclynemus corpora | Haec loquentes obruuntur mille poenis martyres nexibus manus utrasque flexus invlovit rigor et calybs attrita colla duris ambit circulis | Nobilis per vulnus amplum porta justis panditur quosque Christus candidatis aggregat cohortibus miscet choris angelorum et coronat praemiis | State nunc hymnistae cuncti voce votis munere atque in laudem sanctorum vox cunctorum insonet hic dies et festa nobis sit sacratum gaudium | Gloria deo perenti in excelsis resonet gloriam canamus Christo atque sancto spiritui cui laus et potestas per aeterna saecula | Amen |
| ah47011b Ky | Rex magne domine quem sancti adorant eleison Kyrie eleison | Voces nostras tu pius digneris hodie rex caeli exaudire Kyrie eleison | Vivificandus est deus homo simul et cuncta eleison Kyrie eleison | O hagie infinite que judex noster nostras preces suscipe eleison Christe eleison | Fons et origo lucis perpetuae vita salus pax aeterne domine Christe eleison | Qui de supernis descendere voluisti propter hominem quem fecisti eleison Kyrrie eleison | Lux de luce deus deo genite redemptor noster eleison Kyrie | O beninge suscipe semper preces nostras voces que suplicantes Kyrie | Semper sit tibi gloria laus virtus potestas in aeterna saecula eleison | Servos tuos audi piissime eleison eleison |
| ah07256 Sq | Coaequalis patri per omnia | Ac spiritu divino rex regum tutans quae sunt omnia | Nunc digneris acceptare tuarum laudum nostra cantica | Tu regis summa ima tu torques lucentia sidera | Tibi exhibet Phoeba ac Titan digna famulitia | Te tremunt zabulorum loca taetrica nec non maria profunda | Tibi pipant omnia volatilia natatilia ac cuncta | Sicut vis et ubi vis venti perflant sic germina telluris virescentia | Prodeunt secundum mandata tua nam tu magne formasti omnia ista | Cherubin et Seraphin amore flagran[t] ante faciem tuam | Angelorum caterva te speculari concupiscunt per saecla | Suscipe nostra poemata quem turma prophetarum sancta | Dudum cecinit voce clara cecinit quem David cithara | Clara duodena apostolorum omnis societas exora | Inaestimabilem et pium Christum regem dominum qui regnat | Martyrum pontificum pariter caterva confessorum nec non virginum cuncta collegia candidula | Ut vitam sempiternam tribuat ejusdem clementia summa caritas sancta cunctis qui eum adorant | Sit tibi Christe honor laus cum ineffabili patre et sancto pneumate per saecula |