Genre:
Full text:
Crucis arma fulgentia vidit Franciscus dormiens Christum dicentem audiens tua erunt haec omnia | Crucis vis et refugium haec crucis arma praebuit quibus Franciscis induit adversus adversarium | Crucis sacrata lectio Franciscum ter admonuit dum ter librum aperuit pro virtutis indicio | Crucis Christi devotio Francisci traxit studia cinctaque cordis gaudia cum omni desiderio | Crucis ut ad supplicia Christum Franciscus positum videt et audit monitum haec sequere vestigia | Crucis haerens vestigia crucis fructum consequitur quo corde carne pungitur et signatur indiciis | Crucis virtus et gratia nos consignet in frontibus in membris et in sensibus pro perenni custodia | Amen
Feast:
