a03265

Praesulis exsultans celebret Germania laudes et Bonifatii opus martyris amificum | Ordinat hunc Roma mittitque Britannia mater doctorem populis et decus ecclesiae | Pontificem summum signorum fulmine clarum eloquio nitidum moribus egregium | Quem Francus Frisoque simul Saxoque ministrum aeternae vitae praedicat esse sibi | Quod terra moritur frumentum plurima confert semina fructumque multiplicare studet | Sicque sacerdotis domini laetissima crescit paucis ex granis glorificanda seges | Gloria summa patri compar sit gloria nato laus et in aeternum spiritus alme tibi