a07031

Laudem Christo plebs dicata concinnat in saeculis qui sacravit sacerdotem comparem apostolis et remedia concessit exquisita populis | Exsultet chorus fidelis laetent in praecordiis de manu sacerdotali praecepturi hostiam Christi corporis perenni comitante gratia | Caelo refulgens lumen replevit discipulos et doctrina gratiarum pervenit in posteros regnum hoc sacerdotale quod presentes cernimus | Benedictionis donum et corona gloriae indumentum nuptiale praemium septemplici decoravit hunc doctorem Christus suo munere | Ipse populum et clerum per hujus suffragia protegat in suo templo pietatis dextera et attollat in futuro indulta facinora | Quaesumus tuam petentes aeternam clementiam annua recursionis per longa tempora ut hunc diem celebremus cum summa laetitia | Gloriam canamus patri cum honore debito filioque redemptori simul et paraclito qui regnat per infinita et aeterna saecula