ah09005

Omnes gentes plaudite manibus deus enim datur hominibus natum Mariae pulsate precibus ut nos solvat mundi nexibus | Per hanc matrem venit laetitia qua deletur Evae tristitia osculatur pacem justitia terra dedit promissa gaudia | Nutu patris vis amoris hortum matris inflammavit | Tellus rorem stella solem virgam florem germinavit | Virgo virga designatur mundus florem admiratur per quem Christus figuratur | Hac in valle tenebrarum pater salus animarum distributor gratiarum | Fons signatus porta clausa patet sine viri causa admiratur hoc natura | Talis namque genitura decet deum parit pura creatorem creatura | Hic in sole collocavit suum tabernaculum visitavit ambulantem lux in nocte populum | Consolati visa luce cognoverunt dominum quem venturum exspectabant redemptorem omnium | Virgo munda virgo pia templum dei caeli via dona nobis caritatem et cum sanctis unitatem | Decaecatum praesta visum redde nobis paradisum ubi finis est laborum plenitudo gaudiorum