ah09010

Dies nobis laetabundus luce clarus et jucundus plenusque laetitia | In qua deus demonstrare voluit et declarare sua beneficia | Primum dies admiratur praesens atque conspicatur domini miraculum | Aqua Christum baptizavit et in vinum se mutavit per Mariae filium | Hic in flumine Jordane sancto praevio Joanne baptizatur hodie | Pater misit super eum praedilectum vocans eum in columbae specie | Magi dominum venerunt adorare attulerunt Christo dona mystica | Aurum regi thura deo offeruntque coram eo homini mortalia | Sancte spiritus benigne summe pater fili digne manens in caelestibus | Omnes velis te clamantes et hunc diem venerantes solvere criminibus