ah09034

Adest namque pascha Christi nobis venerandum | In quo ipse resurrexit | In quo cuncti adoremus | Deum videlicet patrem ac unigenitum simul Dominum Jesum Christum | Qui nostram propter salutem carnem sumi voluit et pro nobis incarnari | Ex benedicta virgine casta matre Maria | Atque peregit valde stupenda magnalia | Ipse est Deus verus atque homo qui cum patre cuncta gubernat | Ipse est salus vera atque virtus qui cum patre cuncta largitur | Regens gubernansque continens et salvans solus cum patre simul sanctoque spiritu | Personis in tribus venerantes unum dicamus nostra Deus summe terge proba | Jam debitas hodie rex laudes gratas respice | Quem modulando tua plebs reboat nunc devota | Te sempiternum viventem per saecula