ah09043

Sacrosanctum corpus ave Jesu Christi tu persuave nobis es edulium | Ave Jesu verbum suave dei patris per quod a vae coetus fit fidelium | Lumen caeli splendor patris nos illustra prece matris tuae pastu caelico | Verum corpus ave Christi tu nos cruce redemisti sanguine non modico | Esto nobis medicamen virtus victus lux levamen et vitae communio | Jesu salve salve Christe tuorum sanctorum siste nos in contubernio | Ecce tibi laudes damus venerantes te rogamus te tibique canimus | Salve dulcis et benigne salve cuncta laude digne tibi benedicimus | Vere tu delectas sensus omnes pastu dansque census meritorum omnibus | Parce nostris jam peccatis et da nos te nosse satis | Jesu nunc sis exoratus quod nos et nostri conatus semper tibi placeant | Ut a te non separemur sed crescamus et salvemur sancti tui moneant