ah09044

Salve corpus salvatoris vas dilectum vas amoris vas divinae gratiae | Vas perenne vas ornatum virginali ventre natum arte sapientiae | Salve thronus trinitatis solium divinitatis electorum gloria | En abyssus hic sophiae atque summae hierarchiae majestas plenaria | Dei splendor et figura est hic patris genitura speculum sine macula | Nam hic plena deitas corporali habitans et manens praesentia | Hic primum principium ens cunctorum entium qui firmavit aethera | Qui mensura pondere numero libramine condit cuncta cetera | Quis umquam mortalium tam ingens prodigium explicare potuit | Mari ventis imperans cuncta solus ordinans quem virgo parturiit | Terram palmo qui concludit mica panis hic includit o deum mirabilem | O quam large te exponis promptus mallis atque bonis praebens te esibilem | Cujus umquam cor pensavit plene aut excogitavit tam alta mysteria | Mundum continens pugillo signo tectus sic pusillo o mira clementia | O majestas infinta vis amoris inaudita amandi materia | Sedens super cherubim thronos atque seraphim excolendus latria | Ex quo per quem omnia una manu clauditur nobis factus hostia digitias contingitur | Cujus quaeso valeat os aut ac lingua promere quod deus hic lateat sub tantilla specie | O dei dignatio quis mirari sufficit | Quod tua plasmatio te in verbo conficit | Salve corpus reverendum cum stupore contingendum amoris incendium | Amor tuus amor fortis parem non habens consortis sic amantis nimium | Quo affectu trahebaris quo amore vincebaris cum tantum delectabaris esse cibus hominum | Nam te totum exhaudisti atque nobis impendisti supra modum dilexisti traducem mortalium | Quis pro tali caritate te amat in veritate Jesu dei salutare fac nos vere te amare hic et in perpetuum | Caro dei et non sinas Sion muros et ruinas sine nobis reparari fac ad illam nos quadrari virtute caelestium | Grates tantae caritati nos agamus sic amati omnis homo omni hora hoc aadora hoc honora corpus divinissimum