ah10030

Pangite celsa voce puro corde quoque eja | Socii votiva nunc celebrantes gaudia | Promite praeclara haec Jesu Christi trophea | Lustrentur pectora patescat vox indivise socia | Resultent organa conclamet mens puritatis conscia | O bone rex ave inclite in gloria dum spolia vendicas tibi tartarea Leviathan faucibus eruta | O bone rex salve nunc patris in dextera dum vitia diluis nostra letifera exhibita debiti venia | Tu sanctis triumphalem post victoriam perpetua tribuis praemia | Virtutum quoque nobis da propitius post vitia pia charismata | Ereptis tradis munera sempiterna das requiem praeparatum quo teneant luciflua jugiter moenia | Adducis nos Niliaca secus freta Jordanica cingis unda florentia virtutibus tribuis gramina | Perfrui tu dedisti his luce tua | Da quoque nobis coram te geri grata | Ut sicut illis tribuisti perennia | Concedas nobis ita regna quo semper tuba nostra | Te laudet per saecula