ah39274

Salve festa dies Christi famulis celebris | Qua suum electum in caelis sanctis consociavit angelis | Qui puer et factis et dictis sanctis se praemunivit meritis | Ut natus est ipse virtutum simul crescunt germina | Divina praeventus gratia mundi sprevit munia | Non plus quam semel in die ubera sugere voluit quarta et sexta feria | Flore primaevo juventae vir dei exemplis virtutum sese munivit optimis | Undique cunctis exsistens utilis heredem Christum dominum eligens virgines puellas theatro auro redemit proprio | Inopem patrem fecitque divitem periclitantem in fame patriam abunde cibavit precibus deum invocans sedulis | Sede propria pellentibus suum pastorem et civibus sacerdos dei Nicolaus oleum negat salutis pro restitutione praesulis | Vinctis viduis et naufragis claudis languidis et damnatis invocatibus sanctum cunctis adfuit ipse adjutor consuetam opem fereus singulis | Dei electus Nicolaus in somnis principem Romanum benigne deterrens liberavit insontes | Istum conventum nimis reum in tuis laudibus devotum precamur duc tecum ut gaudentes pariter | Januam paradisi ingredi mereamur