Authoring information
Similar texts
| ah37067 Sq | Ancilla Christi maria mater dei pauperem (...) |
| 007677Pzb Psl | Stella jucunda pro... Maria cujus sum vernula defero nuntia ex David progenia septiformis cujus caeli fenestra pulchra es et decora quae caelorum domina angelorum suffragia parce nostra atque cuncta crimina regina Christi mater Christi fons origo lucerna deprecamur o alpha parce nostra delicta per immensa saecula |
| 507024 Al | Alleluia O consolatrix pauperum Maria tuis precibus auge virtutum numerum in caritate Christi quos tu de mortis manibus per filium humilium mater eripuisti |
| 203472 A | O Maria mater pia veniae (...) |
| 850372 [M] | Inviolata integra et casta es Maria quae es effecta fulgida caeli porta o mater alma Christi carissima suscipe pia laudum praeconia nostra ut pura pectora sint et corpora te nunc flagitant devota corda et ora tua per precata dulcissima nobis concedas veniam persaecula o benigna o regina o Maria quae sola inviolata permansisti |
| ah40074 Sq | Salve mater Christi o inclyta (...) |
| ah54143 Sq | Mane prima sabbati surgens dei filius nostra spes et gloria | Victo rege sceleris rediit ab inferis cum summa victoria | Cujus resurrectio omni plena gaudio consolatur omnia | Resurgentis itaque Maria Magdalenae facta est praenuntia | Ferens Christi fratribus ejus morte tristibus exspectata gaudia | O beati oculi quibus regem saeculi morte jam deposita prima est intuita | Haec est illa femina cujus cuncta crimina ad Christi vestigia ejus lavit gratia | Quae dum plorat et mens orat facto clamat quod cor amat Jesum super omnia | Non ignorat quem adorat quid precetur sed deletur quod mens timet conscia | O Maria mater pia stella maris appellaris operum per merita | Matri Christi coaequata dum fuisti sic vocata sed honore subdita | Illa mundi imperatrix ista beata peccatrix laetitiae primordia fuderunt in ecclesia | Illa enim fuit porta per quam salus est exorta haec resurgentis nuntia mundum replet laetitia | O Maria Magdalena audi vota laude plena apud Christum chorum istum clementer concilia | Ut fons summae pietatis qui te lavit a peccatis servos suos atque tuos mundet data venia | Amen dicant omnia |
| ah54246 Sq | O Maria stella maris pietate singularis pietatis oculo | Nos digneris intueri ne cuncteris misereri naufraganti saeculo | In hac valle lacrimarum nihil dulce nihil carum suspecta sunt omnia | Quid hic nobis erit tutum cuni nec ipsa vel virtutum tuta sit victoria | Caro nobis adversatur mundus carni suffragatur in nostram perniciem | Hostis instat nos infestans nunc se palam manifestans nunc occultans rabiem | Et peccamus et punimur et diversis irretimur laquis venantium | O Maria mater dei tu post deum summa spei tu dulce refugium | Tot et tantis irretiti non valemus his reniti nec vi nec industria | Consolatrix miserorum suscitatrix mortuorum mortis rumpe retia | Intendentes tuae laudi nos attende nos exaudi nos a morte libera | Quae post Christum prima sedes inter Christi coheredes Christo nos adnumera | Jesu mitis et benigne cujus nomen est insigne dulce salutiferum | Munus nobis da salutis in defectu constitutis plenitudo munerum | Pater fili consolator unus deus unus dator multiformis gratiae | Solo nutu pietatis fac nos simplae trinitatis post spem frui specie |
| ah53097 Sq | Alle caeleste nec non et perenne luia | Dic paraphonista cum mera symphonia | Turba et canora palinodias canta | Nam omnis usia hanc Christi genetricem die ista | Congaudet exortam per quam sibi sublatam capit vitam | Davidica stirpe sata Davidis ad sceptra est regenda prole fecundata | Nec gravidata viscera sunt tamen per ulla patris membra sed ex fide sola | Ab arce summa angelus astat Maria inquit alma | Ave plena gratia sacra et benedicta feminas inter omnes paritura | Regem qui dira mortis vincula damnabit mira cum potentia suum plasma solvens sponte sua atque beata donans vitam | Fit mox puella verbis credula et puerperam stupet et castam natum gestans speciosum forma regentem cuncta orbis regna | Haec est virgo non irrigata sed dei gratia florigera | Haec est sola cunctorum hera materna obscurans piacula | Velut rosa decorans spineta sic quod laedat nil habet Maria | Virgo Eva quod contulit prima Christi sponsa effugat Maria | O virgo sola mater casta nostra crimina | Solve dans regna quis beata regnant agmina | Potens enim cuncta ut mundi regina et jura cum nato omnia decernis in saecla et ultra subnixa es in gloria | Cherubim electa seraphim et agmina nam juxta filium posita sedes in dextera rutilat virtus lampas et socia | Nativitas unde gaudia nobis hodie affert annua | Et resonat camoenis aula in laude tua virgo Maria | Gaudet per climata orbis ecclesia dicens alleluia | Quod et palatia caeli clamant dindima usque dantia praeconia |
| 007298Pa [M] | Ut stella clarissima et ut Titan in astra fulgida velut luna pulcherrima inthronizata throno praefulgido amicta veste nivea cum stola persplendida circumtexta aureis bracteolis fulgidis Ceraunis guttulisque albis circumdata floribus violarum rosarum et liliorum o niveale decus flos paradisiacus tu clarior caelo splendidior Phoebo angelis beatior caelisque excellentior tibi jubilant omnia tellus montes et maria abyssus et pelagus cunctaque reptilia o insignis meritorum ac praecelsa regina caelorum nobilitas orbis terrarum tu radix Jesse perspicua Davidisque regis filia ave mater gloriae seu splendor vitae perpetuae gaude laetare jucundare in aeterna gloria o benedicta et electa ante saecula dele nostrorum piacula et da caelestem patriam ubi vera gaudia et omnia suavia tu mater Christi dulcissima da nobis in illis particulam ad caelestem patriam |