ah54140

Hodierne festum lucis et sollemne vitae ducis pro victrice lancea | Decantemus laudes ei quem transfixit vice rei haec salutis framea | Omnis utriusque sexus te stringebat culpae nexus et mortis angustia | Psalle illi qui resolvit culpam poenam pro te solvit vitae dans remedia | Ave ferrum triumphale intrans pectus tu vitale caeli pandis ostia | Foecundata tu cruore felix hasta nos amore per te fixi saucia | Florens cruor quem fuderunt artus Christi quos foderunt clavorum fixoria | Fusa per te ac rigata et per clavos solidata nostra sunt praecordia | Salve Jesu Nazarene tu pro nobis mortis poenae affectus injuria | Placa patrem majestatis ut in aevum cum beatis nos coronet gloria alleluia