ah54156

Simplex in essentia septiformis gratia nos reformet spiritus | Cordis lustret latebras et carnis illecebras lux emissa caelitus | Lex praecessit in figura lex poenalis lex obscura lumen evangelicum | Spiritalis intellectus literalis fronde tectus prodeat in publicum | Lex de monte populo paucis in cenaculo nova datur gratia | Situs docet nos locorum praeceptorum vel donorum quae sit eminentia | Ignis clangor buccinae fragor cum caligine lampadum discursio | Terrorem incutiunt nec amorem nutriunt quem infundit unctio | Sic in Sina lex divina reis est imposita | Lex timoris non amoris puniens illicita | Ecce patres praeelecti dii recentes sunt effecti culpae solvunt vincula | Pluunt verbo tonant minis novis linguis et doctrinis consonant miracula | Exhibentes aegris curam morbum damnant non naturam persequentes scelera | Reos premunt et castigant modo solvunt modo ligant potestate libera | Typum gerit jubilaei dies iste si diei requiris mysteria | In quo tribus milibus ad fidem currentibus pullulat ecclesia | Jubilaeus est vocatus vel dimittens vel mutatus ad priores vocans status res distractas libere | Nos distractos sub peccatis liberet lex caritatis et perfectae liberatis dignos reddat munere