Fulgebunt semper ovantes et gaudebunt justi et resplendentes virtute gaudebunt invicem tanquam facularum praefulgidae scintillae in eo quod semper veloces columbae mundi per arundineto discessi corpore sedem in fide discurrent in caelis perfruentes semper gaudentes et exultantes gloriose et resplendentes Christum confitentes pariter in aeternum
Alleluia fulgebunt justi et tanquam scintillae in arundineto discurrunt judicabunt gentes et dominabuntur populis et regnavit illorum deus in aeternum alleluia
Fulgebunt justi et tamquam scintillae in arundineto discurrunt judicabunt gentes et dominabuntur populis et regnavit illorum dominus in perpetuum alleluia alleluia
Vos sacerdotes domini vocabimini ministri dei nostri dicetur vobis | Fortitudinem gentium comedetis et in gloria earum superbietis | Pro confusione vestra duplici et rubore laudabunt partem suam | Propter hoc in terra sua duplicia possidebunt laetitia sempiterna erit eis | Quia ego dominus diligens judicium et odio habens rapinam in holocausto | Et dabo opus eorum in veritate et foedus perpetuum feriam eis | Et scient in gentibus semen eorum et germen eorum in medio populorum | Omnes qui viderint eos cognoscent illos quia isti sunt semen cui benedixit Dominus | Fulgebunt justi et tamquam scintillae in arundineto discurrent | Judicabunt nationes et dominabuntur populis et regnabit dominus illorum in perpetuum | Qui confidunt in illo intelligent veritatem et fideles in dilectione acquiescent illi | Quoniam donum et pax est electis ejus | Reddidit justis mercedem laborum suorum et deduxit illos in via mirabili | Et fuit illis in velamento diei et in luce stellarum per noctem | Transtulit illos per Mare Rubrum et transvexit illos per aquam nimiam | Inimicos autem illorum demersit in mare et ab altitudine inferorum eduxit illos | Ideo justi tulerunt spolia impiorum et decantaverunt Domine nomen sanctum tuum | Et victricem manum tuam laudaverunt pariter quoniam sapientia aperuit os mutorum et linguas infantium fecit disertas
Comments
CIST-sources have the small variant: Fulgebunt justi et tamquam scintillae in arundineto discurrent ET REGNABUNT in aeternum
As well as Dominican sources
Let's make this a new Cantus ID (with a variant number) so we can track these!