Miserere deus miserere plebi tuae a malo defende miserere nobis | Bonae pastor moriens pro grege oves tuas veniam concede miserere nobis | Pro peccatis hac delictis nostris acclines te exoramus Christe miserere nobis | Rector rerum omnibus succurre et plebem tuam a clade defende | Virtus magna potentia salus libera nos a gentiles malos | Mitte domine de caelis tuis libera nos de gentis paganis | Caeli iram repelle a nobis et gratiam impertire cunctis | Ne derelinquas plebem supplicantem quam creasti tu domine sanctae | Christe deus tu sana infirmis et requiem tribue defunctis
Penitentes orate flectite genua deo deprecemur dominum deum nostrum ut indulgentiam criminum et remissionem peccatorum nobis donare dignetur | Erigite vos orate flectite genua deo deprecemur dominum deum nostrum ut lapsis manum porrigat et praesidium quod ab eo inquirunt clementer impertiat | Erigite vos orate flectite genua deo deprecemur dominum deum nostrum ut reminiscentes mala quae gessimus deinceps vitemur insidias inimici ut quos diabolus persuasione sua ab altario dei subtraxerat patrona revocet effusio lacrimarum | Erigite vos completa oratione vestra omnes pari voce indulgentiam a domino postulemus | Tu pastor bonae animam tuam pro ovibus posuisti tu pastor bonae tribus vicibus | Prosternimus preces ante faciem tuam exaudi placare indulge domine et miserere nobis | Deprecemur dominum ut remissionem peccatorum et pacem nobis donare dignetur
