Search chants

Displaying 34901 - 34950 of 62543
Cantus ID Genre Incipit Usual Feast
a01992 H Haeresum surgunt nova monstra crescit militum Christi pietas et ardor scutaque invictae fidei tenent fortiter instant | Tu deus clamant homini parasti caelicum panem solidaque in arce Christe tu petro fidei dedisti esse magistrum | Jam phalanx pergit generosa morti obviam Jesum vocat hic Mariam alter implorat moriente matrem ore salutans | Sic diem fortes obeunt supremum hostis insani fera vis triumphat membra sparguntur temerata terram sanguis inundat | Sit patri virtus honor et potestas filio sit laus parilis per aevum flamini sancto resonent perenni cantica voce | Amen Nicolai Pici et sociorum
a01993 H Nocte jam vulsa rutilantis astri splendor illustrat pugillum triumphos qui modo in campo cecidere fortes Gorcomiensi | Astra conscendunt deus ipse laetos excipit caeli domibus suprema luce donandos deus ipse merces factus in aevum | Plaudit et tellus celebratque sanctum martyrum nomen volitat per oras fama victorum meritosque digna laude rependit | O triumphali redimita serto martyrum Christi veneranda proles huc tuis adsis memor ac potenti nos prece salva | Sit patri virtus honor et potestas filio sit laus parilis per aevum flamini sancto resonent perenni cantica voce | Amen Nicolai Pici et sociorum
a01994 H Laetae devote celebret minorum turba Paschalem recolens frequenter quam pio sanctam venerans synaxim arsit amore | Dum puer pascit pecus iste seque pane jam pasci cupit angelorum hunc in excelsis meruit patente cernere caelo | Jugiter sacras inhians ad aras dum cibum vitae meditatur haeret totus et sancto liquefactus igne lucet et ardet | Increpans hostes fidei fidelis pane ait Christum recipi sacrato martyrem non dat gladius sed ipsum prompta voluntas | Qui quoad vixit coluit supernum tam pie panem reserat beatos morte jam clausos oculos velutque vivus adorat | Christe Paschalis meritis ut omnes corde nos mundo facias precamur caelica ut digne mereamur esca saepe cibari | Amen Paschalis Baylon
a01995 H Splendor paternae gloriae adesto Jesu servulis ut queis micarit moribus Paschalis orbi concinant | Illum dies haec aurea terris refulgens attulit haec et decorum laurea victrice caelis retulit | Adhuc puer virtutibus excultus is nitentibus pia modesta sobria puraque vita claruit | Fervens minorum postmodum ingressus arctas semitas nil ad sinistram regulae ad dexteramve deviat | Hinc sancta membra saeviter flagris cruentis purpurat nullisque foedat sordibus casti pudoris lilia | Christum sequendo pauperem nil praeter hunc desiderat sed mundo in hoc ditescere sola cupit penuria | Ad usque mortem firmiter ut ver et ipse obediat vitae subit discrimina ne quando subdi desinat | Jesu tibi sit gloria merces perennis pauperum qui mente pura et simplici jussis tuis obtemperant | Amen Paschalis Baylon
a01996 H Quam se deus mirabilem Paschale in almo praedicet noster chorus miracula ejus recensens concinat | Adest vocatus omnibus repente curat languidos parata queis sunt funera a mortis aufert faucibus | Hunc dum fides non haesitans matris dolentis invocat en surdus audit protinus caecusque cernit filius | Caesum securi sustinet quem vix cutis pars indicem ipsum sacerdos deprecans statim recepit integrum | Terram colonus aridam semel ligone percutit jugisque fontis rivulum armento et agris obtinet | Liquor sacro ex cadavere manat suavis triduo qui sanat insanabiles morbos tumores ulcera | Custos beati corporis auditur arca pulsibus lenis sonare in prosperis rebus tonare in tristibus | Almo precante famulo cor Christe nostrum suscita ne quando pulses januam stulto sopore torpeat | Amen Paschalis Baylon
a01997 H Petre sol terris oriens Iberis lucis ut spargas radios per orbem quas tuo laeti canimus triumpho suscipe laudes | Per te in antiquos renovata mores clara Francisci soboles nitescit crescit et virtus rediviva largo munere caeli | Omne quod vitam maculat perosus mente constanti pereuntis aevi despicis pompam precibusque placas numinis iram | Artubus castis nimium severus te fame et diris crucias flagellis sternis et noctu lacerata duro stipite membra | Dignus hinc celsas habitare sedes saepe sublimis volitare in altum visus et mundi fugiens tumultum proximus astris | Nunc preces audi gemitusque nostros integros nobis sine labe mores et tuos nostris animis salubres ingere sensus | Annuat rerum sator et perenne sit decus patri genitaeque proli et tibi flamen deus unus omni tempore saeculi | Amen Petri Alcantarae
a01998 H Petri parentis optimi germen canamus inclytum qui pauperum pauperrimus extrema quaeque pertulit | Hic Christi amore saucius ut perditis succurreret stupenda paenitentiae exempla mundo praebuit | Sitim famemque sufferens et veste tectus hispida quidquid luendum est noxiis a se flagellis exigit | Loris revinctus ferreis exangue corpus conficit et singulis ex artubus emanat unda sanguinis | Dum flexo adorat poplite crucis sacratum stipitem crux emicat divinitus ipsumque splendor imbuit | Decus minorum suscipe laudes precesque supplicum tuos as alto mitius pater beate respice | Sit laus patri sit filio tibique sancte spiritus duc per Petri vestigia nos ad superna gaudia | Amen Petri Alcantarae
a01999 H Hortus minorum fertilis florem novellum germinat odore qui gratissimo mundi replevit ambitum | Miris nitens virtutibus signis refulget plurimis terris aquis et ignibus auraeque nimbis imperat | Ex fuste tellus arido in vita fructus protulit sanctis subacta gressibus iter dederunt flumina | Delapsa nix e nubibus suspensa caeli robore cunctis stupendam saeculis paravit aedem corpori | Extinxit ignis impetum agros rigavit imbribus jejuna fratrum corpora esca cibavit caelica | Praesens adest absentibus affert medelam languidis casus futuros prospicit motusque cordis detegit | Patri simul cum filio sanctoque laus sit flamini qui nos ad aulam gloriae Petri precatu dirigat | Amen Petri Alcantarae
a02001 H Christe sanctorum decus angelorum rector humani generis et auctor nobis aeternum tribue benignus scandere regnum | Angelum nobis medicum salutis mite de caelis Raphael ut omnes sanet aegrotos pariterque nostros dirigat actus | Hinc dei nostris genetrix Maria totus et nobis chorus angelorum semper assistat simul et beata concio tota | Praeset hoc nobis deitas beata patris ac nati pariterque sancti spiritus cujus resonat in omni gloria mundo Raphaelis, Archang.
a02002 H Martyr dei Venantius lux et decus Camertium tortore victo et judice laetus triumphum concinit | Annis puer post vincula post carceres post verbera longa fame frementibus cibus datur leonibus | Sed ejus innocentiae parcit leonum immanitas pedesque lambunt martyris irae famisque immemores | Verso deorsum vertice haurire fumum cogitur costas utrimque et viscera succensa lampas ustulat | Sit laus patri si filio tibique sancte spiritus da per preces Venantii beata nobis gaudia | Amen Venantii Martyris
a02003 H Athleta Christi nobilis idola damnat gentium deique amore saucius vitae pericla despicit | Loris revinctus asperis e rupe praeceps volvitur spineta vultum lancinant per saxa corpus scinditur | Dum membra raptant martyris languent siti satellites signo crucis Venantius e rupe fontes elicit | Bellator o fortissime qui perfidis tortoribus e caute praebes poculum nos rore gratiae irriga | Sit laus patri sit filio tibique sancte spiritus da per preces Venantii beata nobis gaudia | Amen Venantii Martyris
a02004 H Dum nocte pulsa lucifer diem propinquam nuntiat nobis refert Venantius lucis beate munera | Nam criminum caliginem Stygisque noctem depulit veroque cives lumine divinitatis imbuit | Aquis sacri baptismatis lustravit ille patriam quos tinxit unda milites in astra misit martyres | Nunc angelorum particeps adesto votis supplicum procul repelle crimina tuumque lumen ingere | Sit laus patri sit filio tibique sancte spiritus da per preces Venantii beata nobis gaudia | Amen Venantii Martyris
a02005 H Quae pura scandis aethera instar columbae candidae sacrum tibi quod fundimus carmen benigna suscipe | Te nascituram conspicit pater velut praefulgidum sidus repellens nubila mundumque spargens lumine | Praevente caeli munere adhuc puella moribus claris refulges inclyta lucis futurae praeviis | Terrena jam fastidiens ferves amore patriae quem nutris hinc ardentius Christi locata in atriis | Jesu tibi sit gloria castae parentis lilium cum patre et almo spiritu in sempiterna saecula | Amen Catharinae Bononiensis
a02006 H Sponso vocante ad asperum perfectionis verticem ad hunc relicto saeculo festina gressus dirigis | Translata nanque provide Francisci in hortum fertilem vernis redundas floribus fructusque profers uberes | Crucem paratam bajulans confixa Christo jugiter rigas columba lacrimis sponsi dolentis vulnera | Corpus flagellis opprimis et mente sursum tolleris ac sancta carne et spiritu jam vivis inter caelites | Nam vera caeli gaudia dum saepe volvis intime perfusa luce desuper arcana sacra perspicis | Jesu tibi sit gloria castae parentis lilium cum patre et almo spiritu in sempiterna saecula | Amen Catharinae Bononiensis
a02007 H Inter sorores optimas licet magistra praevia subesse gaudes omnibus abjecta quaeris munera | Optans adire patriam sponsique vultu perfrui nomen salutis invocans dulci sopore solveris | Corpus sepulcro conditum odore cunctos recreat et integrum post saecula mundo stupente cernitur | Nunc nostra corda et corpora a labe serves criminum agnique tandem caelicas fac nos adire nuptias | Jesu tibi sit gloria castae parentis lilium cum patre et almo spiritu in sempiterna saecula | Amen Catharinae Bononiensis
a02008 H O clara luce clarior lucis aeternae filia dies ista sollemnior tua colit sollemnia | Vitae labentis gaudia spernendo Christum sequeris pascentem inter lilia tuque cum Christo pasceris | Custos sacrarum virginum omni virtute praevia ducis ad sponsum dominum puellarum collegia | Francisco duce fortiter evincis trina proelia dum carnem vincis jugiter mundum atque daemonia | Jam nunc in regno luminum patri conregnans filia da te sequentium agminum recta fore vestigia | Sit patri nato flamini decus honor et gloria nosque commendent numini sanctae Clarae suffragia | Amen Clarae
a02010 H Magni parentis filiae redit triumphus virginis laeti minores gaudium sistris et hymnis exprimant | Tu virgo laudes accipe et corda nostra illumina quae clara mundo nasceris ut luce mundum repleas | Ipso paterno in limine primis ab annis aureo virtutis almae lumine fulges opaco saeculo | Manus egenis provida extendis ac per nuntios ipsis frequens cibaria tibi negata porrigis | Fame et flagellis asperis tenella membra conteris devota noctis integras insomnis horas pertrahis | Aeterna patri luminum sit luminique filio laus ac potenti flamini nunc et per omne saeculum | Amen Clarae, inventio
a02011 H O sponsa Christi amabilis quae voce sponsi percita lares paternos deseris et vana mundi gaudia | Dum nanque pastor inclytus iter salutis indicat libenter istud arripis et curris inde fervida | Ipso magistro pervolas ornata zonis aureis prudentis instar virginis ad sacra matris limina | Hic mutati sarcinam cultus molestam detrahis et fune cingis hispidum amore Christi saeculum | En filiarum dulcia matrem sequuntur agmina sponsoque plenas gestiunt affere tecum lampades | Aeterna patri luminum sit luminique filio laus ac potenti flamini nunc et per omne saeculum | Amen Clarae, inventio
a02012 H Salve minorum gloria quae clara vita et nomine splendore ducis virginum choros ad agni nuptias | Tu pane pascis unico turbam sororum pauperum inane prorsus illico reples liquore vasculum | Tactu crucis tu pristinam reddis salutem languidis ejusque signo a corpore fugas potenter daemones | Matura tandem praemio conscendis alta siderum tibique eunti caelites plaudunt ovantes cantico | Quae corde sponsum deprecans claustro fugasti barbaros beata nos ab hostibus et a gehenna libera | Aeterna patri luminum sit luminique filio laus ac potenti flamini nunc et per omne saeculum | Amen Clarae, inventio
a02013 H Agnes nobilium gloria virginum quae nunc in superis inclyta sedibus regnas en meritae nos tibi pandimus laetis gaudia canticis | Quantis haec pateat vita periculis noscens quamque hominum corda potentibus mundus blanditiis attrahat expetis prudens omnia linquere | Te germana praeit clara facem gerens vanasque illecebras spernere saeculi haud ignara docet tu patrios lares fastum commoda deseris | Te mente intrepidam non fera verbera non vis non quatiunt dicta minacia sed Clarae praecibus firma loco manes sancti propositi tenax | Immani rabie concitus impetit te ferro patruus dextera sed minax extemplo riguit cumque sua fugam turba territus arripit | Induta hinc rigidis vestibus unice ut Christo placeas protinus ordinem Francisci ingrederis quaeris et arduam vitae currere semitam | Tu qui cuncta regis mitis ades deus Agnetis metiris carpere nos iter virtutis tribuas detur ut omnibus caeli praemia consequi | Amen Agnetis Assisiensis
a02014 H O virgo de prudentibus Clarae sororis aemula sponso tuo fis obvia gerens coruscam lampadem | Fervens te adurit caritas et mens dolori cedere malisque cunctis nescia fit sustinendo fortior | Dum membra vestis durior brevisque somnus edomat tibi dat unda poculum cibumque panis sufficit | Sed qualis o jucunditas pudico in ore cernitur quae mira cordi gaudia largitur abstinentia | Mens astra scandit libere imamque terram despicit ferme ac relictis artubus caeli potitur spiritus | Hinc ejus ardens anxia amore Jesum conspicis qui te puelli imagine suavi amantem recreat | Tandem beata convolas Agnes ad agni nuptias novumque cantas canticum choro recepta virginum | Tu jam supernam possidens sedem clientes aspice tutamque per semitam duc ad superna praemia | Sit increatum debitum decus parenti et filio cum spiritu paraclito in saeculorum saecula | Amen Agnetis Assisiensis
a02015 H Caelestis agni nuptias o Juliana dum petis domum paternam deseris chorumque ducis virginum | Sponsumque suffixum cruci noctes diesque dum gemis doloris icta cuspide sponsi refers imaginem | Qui septiformi vulnere fles ad genu deiparae sed crescit infusa fletu flammasque tollit caritas | Hinc morte fessam proxima non usitato te modo solatur et nutrit deus dapem supernam porrigens | Aeterne fili par patri et par utrique spiritus soli tibi sit gloria | Amen Julianae de Falconeriis Virginis
a02016 H Jam satis culpis scelerique diro jam satis caeco dedimus furori ad sacras quisque lacrimas dolensque convolet aras | Magdala Etruscis rediviva in oris pulchrior noxis rediens ab ipsis edocet primae lacrimis juventae tergere sordes | Morte dum spectat misera peremptum criminis foedi comitem repente horret ac deflens maculas vetustas altera surgit | Surgit et fuso sine lege crine foedat antiqui speciem decoris dat latex potum tenuesque mensas suppetit herba | Sic fame et ferro rigidisque flagris delet admissas reparatque culpas caelitum tandem socianda turmis sidera scandit | Qui creas mundum genitor superne nate qui mundi scelus abstulisti spiritus semper par utrique regnans parcite lapsis | Amen Margaritae Cortonensis
a02017 H Novus athleta domini collaudetur Dominicus qui rem conformat nomini vir factus evangelicus | Conservans sine macula virginitatis lilium ardebat quasi facula pro zelo pereuntium | Mundum calcans sub pedibus manum misit ad fortia nudus occurrens hostibus Christi suffultus gratia | Pugnat verbo miraculis missis per orbem fratribus crebros adjungens sedulis fletus orationibus | Trino deo et simplici laus honor virtus gloria qui nos prece Dominici ducat ad caeli gaudia | Amen Dominici
a02018 A Quam decora immaculata suavis et decora es o pulcherrima mulierum hortus conclusus et fons signatus ostende mihi faciem tuam sonet vox tua in auribus meis vox enim dulcis tuis loquens fidelibus qui elucidant me vitam aeternam habebunt Conceptio Mariae
a02019 A O quam magnus pontifex cui supremus opifex ita magna fecit magnum natu magnum statu magnum vita signis cummunita cum felice fine Ludovice Christus te perfecit Ludovici Toul.
a02020 A O vas omnis gratiae et verae scientiae praesul contentivum da salutis et virtutis tu doctrinam gentibus divinam quae sit lumen ad caeli cacumen nostri directivum Ludovici Toul.
a02021 A O quem ad regnum supernum suscepit deus puerum velut Israelitam nos precantes te laudantes Ludovice viventes pudice deo gratos semper fac paratos ad aeternam vitam Ludovici Toul.
a02022 A O zelator fidei persecutor haereticorum lumen virtutum exterminator Turcarum praedicator egregius doctor populorum Joannes fidelissimus ordinis minorum Joannis Capistranensis
a02023 A Dedit se ut liberaret populum et acquireret sibi nomen aeternum alleluia Nominis Jesu
a02025 A O Wigberte sacerdos Christi Wigberti
a02026 A Gaude caelum terra plaude festum adest dignum laude beatorum vulnerum Christi pii redemptoris quem collaudat vox dulcoris hominis interioris dulcedine dragmatum
a02027 I Adoremus summi regis pretiosa vulnera vigilanter offeramus ipsi laudum munera
a02028 R Surge mundi
a02028a V Per quae tua vulnera sacrosancta libera gregem tuo sanguine redemptum rex gloriae
a02029 R Agnus sine macula mundana piacula vulnerum cruore tergens tabernacula caeli fecit pervia flagranti amore
a02029a V Ad deum accedite et illuminamini et facies vestrae non confundentur
a02030 R Mira providentia diva sapientia domum quam fundavit ex gentis malitia praesidis militia flagris cruentavit
a02030a V Lana munda tingitur sanguine concilii dum flagellis cingitur caro dei filii
a02031 R Stolas tingunt martyres genas pingunt virgines in agni cruore ex fontibus vulnerum debriantur plurimum angeli dulcore
a02031a V Ad Christum accedite mundi corde edite bibite pocula salutis
a02032 R Haedi tincta sanguine tunica talaris est cruoris unguine caro salutaris purpurata stipite sacri torcularis
a02032a V Torcular calcavi solus et de gentibus non est vir mecum
a02033 R Templum tabernaculi pellibus caprinis rubricatis tergitur atque jacinthinis sic verbum altissimi vulnerum sentinis purpuratum corpore protegit ab imis
a02033a V Cui diximus sub umbra tua vivemus in gentibus
a02034 R Christus vulneratus est pro nostris peccatis pro mundi sceleribus attritus est gratis o insignis gratia honor libertatis immolato filio redit venumdatis
a02034a V O ineffabilis dilectio caritatis ut servum redimeres filium tradidisti
a02035 R Vir indutus lineis altramento femoris pinxit tau crucis in fronte inebrians cruoris fonte moerentis in vinculis
a02035a V Angelus exterminator ubi vidit tau signatos signo postes consecratos impunitos deserit
a02036 R O sacratum corpus Christi qui tot poenas pertulisti vulneratum lanceatum diris vinclis coartatum ciba nos in hora mortis reseratis regni portis intruduc ad gaudia

Pages

No search term provided.