Canticum graduum Memento domine David et omnis mansuetudinis ejus | Sicut juravit domino votum vovit deo Jacob | Si introiero in tabernaculum domus meae si ascendero in lectum strati mei | Si dedero somnum oculis meis et palpebris meis dormitationem | Et requiem temporibus meis donec inveniam locum domino tabernaculum deo Jacob | Ecce audivimus eam in Ephrata invenimus eam in campis silvae | Introibimus in tabernaculum ejus adorabimus in loco ubi steterunt pedes ejus | Surge domine in requiem tuam tu et arca sanctificationis tuae | Sacerdotes tui induantur justitiam et sancti tui exsultent | Propter David servum tuum non avertas faciem christi tui | Juravit dominus David veritatem et non frustrabitur eam de fructu ventris tui ponam super sedem tuam | Si custodierint filii tui testamentum meum et testimonia mea haec quae docebo eos et filii eorum usque in saeculum sedebunt super sedem tuam | Quoniam elegit dominus Sion elegit eam in habitationem sibi | Haec requies mea in saeculum saeculi hic habitabo quoniam elegi eam | Viduam ejus benedicens benedicam pauperes ejus saturabo panibus | Sacerdotes ejus induam salutari et sancti ejus exsultatione exsultabunt | Illuc producam cornu David paravi lucernam christo meo | Inimicos ejus induam confusione super ipsum autem efflorebit sanctificatio mea
Si ascendero in lectum strati mei memores tu mei domine | Si dedero somnum oculis meis et palpebris meis dormitationem aut requiem temporibus meis memores tu mei domine | Donec inveniam locum domino tabernaculum deo Jacob memores tu mei domine | Gloria et honor patri et filio et spiritu sancto memores tu mei domine | Sicut erat in principio et nunc et semper et in saecula saeculorum amen memores tu mei domine | Si ascendero in lectum stratus mei memores tu mei domine | Te precor domine auctor lucis et diei ne derelinquas me sed memores tu mei | Per diem salvasti nos domine et nocte custodi no Jesu Christe
