Exaudi domine deprecationem servorum tuorum et miserere populo tuo ut sciant omnes gentes quia tu es deus saeculorum miserere civitatis sanctificationis tuae domine deus noster alleluia
Exaudi domine populum tuum confitentem nomini tuo et dimitte peccata servorum tuorum et populi tui Israel et dona pluviam super terram quam dedisti patribus nostris domine deus noster
Exaudi nos domine qui exaudisti Ionam de ventre ceti exaudi nos clamantes qui exaudisti David prostratum et jacentem in cilicio clamantem et dicentem parce parce et defende plasma tuum deus noster
Inclina domine aurem tuam et exaudi aperi oculos tuo set vide et nunc domine deus noster salvos nos fac ut sciant omnia regna terrae quia tu es deus noster
Omnipotens deus supplices te rogamus et petimus ut intercessio archangelorum sit pro nobis ad te semper Michaelis et Gabrielis pariterque et Raphaelis ut digni offeramus domino hostias ad altare et...