Full text: 
Concentu parili hic te Maria veneratur populus teque piis colit cordibus | Generosi Abrahae tu filia veneranda regia de Davidis stirpe genita | Sanctissima corpore castissima moribusque omnium pulcherrima virgo virginum | Laetare mater et virgo nobilis Gabrielis archangelis quae oraculo credula genuisti clausa filium | In cujus sacratissimo sanguine emundatur universitas perditissimi generis ut promisit deus Abrahae | Tu virga arida Aaron flore speciosa te figurat Maria sine viri semine nato Florida | Tu porta jugiter serata quam Ezechielis vox testatur Maria soli deo pervia esse crederis | Sed tu tamen mater virtutum tu nobis exemplum cupisti commendare subisti remedium pollutis statutum matribus | Ad templum detulisti tecum mundandum qui tibi integritatis decus deus homo genitus adauxit intacta genetrix | Laetare quam scrutator cordis et renum probat habitatu proprio singulariter dignam sanctam Mariam | Exsulta cui parvulus arrisit tunc Maria qui laetari omnibus et consistere suo nutu tribuit | Ergo quique colimus festa parvuli Christi propter nos facti ejusque piae matris Mariae | Si non dei possumus tantam exsequi tardi humilitatem forma sit nobis ejus genetrix | Laus patri gloriae qui suum filium gentibus et populo revelans Israel nos sociat | Laus ejus filio qui suo sanguine nos patri reconcilians supernis sociavit civibus | Laus quoque sancto spiritui sit per aevum
Genre: 
Mass

Sequence

Feast: 
Fulltext source: 
CZ-Pn XIV D 12, f. 322v (added by )
Notes: 
full text submitted by Eva Vergosová and Rastislav Luz;