Ego sum alpha et o. primus et novissimus initium et finis qui ante mundi principium et in saeculi vivo in aeternum manus meae quae vos fecerunt clavis confixae sunt propter vos flagellis caesus sum spinis coronatus sum aquam petii pendens et acetum porrexerunt in escam meam fel dederunt et in latus lancea mortuus et sepultus sum resurrexi vobiscum sum videte quia ego ipse sum et non est deus praeter me alleluia
Te aeternum unum deum omnipotentem in trinitate colimus qui in cruce proprio redemisti nos sanguine et mortis erebum superando triumphasti alta polorum regna te adoramus et glorificamus et petimus illo tecum cuncti perpetim laeti mereamur vocem audire dulcisonam tuam ita nobis dicentem
