Domine salvum fac imperatorem nostrum qui per te corroboravit fidei fundamentum benedic vitam ejus et contere virtutes inimicorum suorum et resistentes ei continuo corruant corruant quia facis judicium et justitiam super terram alleluia
Alme mundi Rex Christe qui regis saecla et arva sataque cuncta tu gubernas astra supra marisque habitaculum | Ipse es qui vocaris alpha et o initium et finis lapis quadrus angularis et concordia Qui facis prisca nobis praesentia quaesumus ut concedas cui superni chori canunt te laudantia | Per suffragia praecursoris tui atque baptistae qui inter vates solus major manet plus quam propheta | Una cum illo angelico agmine tuum mirabile collaudare nomen valeat phalanx nostra jam nunc omnis turba fidei subjecta levet in excelsa canoraque sancta domino dicentia | Dignus es accipere laudes cui canunt Cherubim alleluia alleluia hagie rex aeterne | Qui solus regnas cum patre et paraclito per immortalia saeculorum saecula
Christe qui regnas in caelis et sedes ad dextram patris et habitas inter angelos et archangelos thronos dominationes et apostoli tui te laudant et martyres tui hymnum cantant et confessores in paradiso voces concordant et dicunt o beati omnes qui gloriam deo dicunt et habitant cum eo in pace quia omnes qui propter deum laboraverunt in terris illos perducit ad caelestia regna nos autem oportet te laudare et benedicere quia tu nos de terris ad caelos vocare dignatus es alleluia
Comments
see g00125