In nomine domini dei nostri ambulavimus nos et omnes populi quoniam in Sion facta est lex et verbum domini de Jerusalem regnabit dominus in aeternum alleluia
Filii Sion convertimini ab omnibus iniquitatibus vestris et jam non erit in vobis sterilitas et angustia facite vobis cor novum spiritum rectum alleluia quia nolo mortem peccatoris dicit dominus alleluia alleluia alleluia
Alleluia Aggaei et Zachariae | Lauda anima mea dominum laudabo dominum in vita mea psallam deo meo quamdiu fuero nolite confidere in principibus | In filiis hominum in quibus non est salus | Exibit spiritus ejus et revertetur in terram suam in illa die peribunt omnes cogitationes eorum | Beatus cujus deus Jacob adjutor ejus spes ejus in domino deo ipsius | Qui fecit caelum et terram mare et omnia quae in eis sunt | Qui custodit veritatem in saeculum facit judicium injuriam patientibus dat escam esurientibus dominus solvit compeditos | Dominus illuminat caecos dominus erigit elisos dminus diligit justos | Dominus custodit advenas pupillum et viduam suscipiet et vias peccatorum disperdet | Regnabit dominus in saecula deus tuus Sion in generationem et generationem
