Salve regina misericordiae vita dulcedo et spes nostra salve ad te clamamus exsules filii Evae ad te suspiramus gementes et flentes in hac lacrimarum valle alleluia ergo advocata nostra illos tuos misericordes oculos ad nos converte et Jesum benedictum fructum ventris tui nobis post hoc exsilium ostende o clemens o pia o dulcis Maria
Sanctus ave nobilis virga Jesse ave auctrix salutis nostrae o Maria | Sanctus ave fons misericordias ave spes et vita veniae o Maria | Sanctus ave regina caelestis curiae nos perduc de hac valle miseriae o Maria | Dominus deus sabaoth salve lux mundi verbum patris Jesu nos salva ob honorem matris | Pleni sunt caeli in excelsis vera hostia caro viva fac ut laetemur cum virgine diva | Benedictus qui venit in nomine domini integra deitas verus homo da nos perfrui caelesti domo hosanna in excelsis
Mariae preconio serviat cum gaudio fervens desiderio verus amor | Amoris suffragio praesentetur filio matris in obsequio cordis clamor | Ave salus hominum virgo decus virginum te decet post Dominum laus et honor | Tu rosa tu lilium cujus Dei filium carnis ad conubium traxit odor | Ave manans satie fons misericordiae vera mentis sauciae medicina | Tu pincerna veniae tu lucerna gratiae tu superna gloriae es regina | Ave carens carie speculum munditiae venustans ecclesiae sacramentum | Tu finis miseriae tu ver es laetitiae pacis et concordiae condimentum | O felix puerpera nostra pians scelera jure matris impera redemptori | Da fidei foedera da salutis opera da in vitae vespera bene mori
