Salve crux arbor vitae praeclara | Christi vexillum thronus et ara | O crux profanis terror et ruina tu christianis virtus es divina salus et victoria | Tu properantis contra Maxentium tu proeliantis juxta Danubium Constantini gloria | Favens Heraclio perdis cum filio Chosdroe profanum | In hoc salutari ligno gloriari decet christianum | Crucis longum latum sublime profundum sanctis propalatum quadrum salvat mundum sub quadri figura | Medicina vera Christus in statera crucis est distractus pretiumque factus solvit mortis jura | Crux est nostrae libra justitiae sceptrum regis virga potentiae | Crux caelestis signum victoriae belli robur et palma gloriae | Ligni vitae crux verus surculus triumphalis fideli titulus | Vectis botri typici bajulus quem fert credens uterque populus | Tu scala tu ratis tu crux desperatis tabula suprema | Tu de membris Christi decorem traxisti regum diadema | Per te nobis crux beata crux cruore consecrata sempiterna gaudia det superna gratia
Et lignum crucis benedictum in quo deus pependit et Jesus Nazarenus hoc signum apparebit in caelo cum dominus venerit judicare saeculum autem per ignem vitam vivamus cum deo semper recolimus
