|
|
L |
ALEPH Quomodo obtexit caligine in furore suo dominus filiam Sion projecit de caelo terram inclytam Israel et non est recordatus scabilli pedum suorum in die furoris sui |
|
|
L |
BETH Praecipitavit dominus nec pepercit omnia speciosa Jacob destruxit in furore suo munitiones virginis Juda dejecit in terram polluit regnum et principes ejus |
|
|
L |
GHIMEL Confregit in ira furoris omne cornu Israel avertit retrorsum dexteram suam a facie inimici et succendit in Jacob quasi ignem flammae devorantis in gyro |
|
|
L |
DALETH Tetendit arcum suum quasi inimicus firmavit dexteram suam quasi hostis et occidit omne quod pulchrum erat visu in tabernaculo filiae Sion effudit quasi ignem indignationem suam |
|
|
L |
HE Factus est dominus velut inimicus praecipitavit Israel praecipitavit omnia moenia ejus dissipavit munitiones ejus et replevit in filia Juda humiliatum et humiliatam |
|
|
L |
VAU Et dissipavit quasi hortum tentorium suum demolitus est tabernaculum suum oblivioni tradidit dominus in Sion festivitatem et sabbatum et in opprobrium et in indignationem furoris sui regem et sacerdotem |
|
|
L |
ZAIN Repulit dominus altare suum maledixit sanctificationi suae tradidit in manu inimici muros turrium ejus vocem dederunt in domo domini sicut in die sollemni |
|
|
L |
HETH Cogitavit dominus dissipare murum filiae Sion tetendit funiculum suum et non avertit manum suam a perditione luxitque antemurale et murus pariter dissipatus est |
|
|
L |
HETH Cogitavit dominus dissipare murum filiae Sion tetendit funiculum suum et non avertit manum suam a perditione |
|
|
L |
TETH Defixae sunt in terra portae ejus perdidit et contrivit vectes ejus regem ejus et principes ejus in gentibus non est lex et prophetae ejus non invenerunt visionem a domino |
|
|
L |
TETH Luxitque antemurale et murus pariter dissipatus est defixae sunt in terra portae ejus perdidit et contrivit vectes ejus regem ejus et principes ejus in gentibus non est lex et prophetae ejus non invenerunt visionem a domino |
|
|
L |
JOD Sederunt in terra conticuerunt senes filiae Sion consperserunt cinere capita sua accincti sunt ciliciis abjecerunt in terram capita sua virgines Jerusalem |
|
|
L |
CAPH Defecerunt prae lacrimis oculi mei conturbata sunt viscera mea effusum est in terra jecur meum super contritione filiae populi mei cum deficeret parvulus et lactens in plateis oppidi |
|
|
L |
LAMED Matribus suis dixerunt ubi est triticum et vinum cum deficerent quasi vulnerati in plateis civitatis cum exhalarent animas suas in sinu matrum suarum |
|
|
L |
MEM Cui comparabo te vel cui assimilabo te filia Jerusalem cui exaequabo te et consolabor te virgo filia Sion magna est enim velut mare contritio tua quis medebitur tui |
|
|
L |
NUN Prophetae tui viderunt tibi falsa et stulta nec aperiebant iniquitatem tuam ut te ad paenitentiam provocarent viderunt autem tibi assumptiones falsas et ejectiones |
|
|
L |
SAMECH Plauserunt super te manibus omnes transeuntes per viam sibilaverunt et moverunt caput suum super filiam Jerusalem haeccine est urbs dicentes perfecti decoris gaudium universae terrae |
|
|
L |
PHE Aperuerunt super te os suum omnes inimici tui sibilaverunt et fremuerunt dentibus et dixerunt devorabimus en ista est dies quam exspectabamus invenimus vidimus |
|
|
L |
AIN Fecit dominus quae cogitavit complevit sermonem suum quem praeceperat a diebus antiquis destruxit et non pepercit et laetificavit super te inimicum et exaltavit cornu hostium tuorum |
|
|
L |
SADE Clamavit cor eorum ad dominum super muros filiae Sion deduc quasi torrentem lacrimas per diem et noctem non des requiem tibi neque taceat pupilla oculi tui |
|
|
L |
COPH Consurge lauda in nocte in principio vigiliarum effunde sicut aquam cor tuum ante conspectum domini leva ad eum manus tuas pro anima parvulorum tuorum qui defecerunt in fame in capite omnium compitorum |
|
|
L |
RES Vide domine et considera quem vindemiaveris ita ergone comedent mulieres fructum suum parvulos ad mensuram palmae si occidetur in sanctuario domini sacerdos et propheta |
|
|
L |
SIN Jacuerunt in terra foris puer et senex virgines meae et juvenes mei ceciderunt in gladio interfecisti in die furoris tui percussisti nec misertus es |
|
|
L |
THAU Vocasti quasi ad diem sollemnem qui terrerent me de circuitu et non fuit in die furoris domini qui effugeret et relinqueretur quos educavi et enutrivi inimicus meus consumpsit eos |
