O Materne pastor alme Christique clare yerarcha | Qui Gallica rura replesti sana doctrina | Cum sociis sacris enoda nostra piacla | Tu principis apostolorum executus es praecepta | Euchario Valerioque subjugando pia colla | Jam comes itineris Galliam docturus praeveniris morte prima | Sed quamquam convioli lugeant te sacri vere liber a secunda | Deponeris ac pausitas hic quater denos heu jam soles sub querela | En repedant consocii jussu magistri te suscitant voce clara | Surge Materne linque funebria fortis adesto Christi jam vernula victurus successu totidem annos episcopi sacra cura | Quis non stupescat tanta miracula tam inaudita tamque deifica quae Christus pro nostrae causa salutis per te fecit o toparcha | Tu celebrantibus servulis clemens tutor esto tua festa
Ave pastor optime Ave Petris caelestis clavigeri apostolorum principis comparet socie Ave Martialis Jesu Christi Domini apostole quia secutus es virgo flore juvenili Dominum ac salvatorem mundi Jesum Christum ac magistrum tuum tu primus eripuisti de tenebris gentes Occiduas nam adquisisti Galliarum magnum principem Stephanum ete omnem Aquitaniae populum in regno caelorum alleluia
O Petre petra ecclesiae isto beatus nomine quo Petrus a Christo petra non petra Christus a Petro | Tu es Petrus qui filii confessor es primus dei hinc primus in membris manens ob quod Cephas vocatus es | Adest dies quo Romula in urbe consecratus es in quo catedrae nobilis scandens thronum subs tolleris | Collata ergo gloriae in te potestas affluens ligata solvat crimina portasque averni obstruat | Hinc pastor ut piissimus oves guberna creditas intus forisque pervigil ne subruamur protege | Haec clavae illa caelica solvens catenas criminum illic reos inducito quod clarus adstas janitor | Ut cum polorum principi recisa membra junxeris sit trinitati gloria per cuncta semper saecula amen
