Veniet dominus et salvos nos faciet tunc aperientur oculi caecorum et aures surdorum audient tunc ascendet claudus quasi cervus et clara erit lingua mutorum
Sanctissimus namque Gregorius cum preces effunderet ad dominum ut musicum tonum ei desuper in carminibus dedisset tunc descendit spiritus sanctus super eum in specie columbae et illustravit cor ejus et sic demum exorsus est canere ita dicendo
Res est admirabilis virgo venerabilis parit sed intacta | Operante spiritu sine viri coitu genetrix est facta | Cardine de supero rore salutifero venter fecundatur | Peperit fecunditas et sacra virginitas integra servatur | Sicut ros in gramine descendit in virgine verbum summi patris | Patrem non deseruit et mortalem induit formam alvo matris | Sicut terram pluvia sic divina gratia virginem fecundat | Sanctus eam spiritus a peccato penitus abluit et mundat | Non est opus hominis sed est opus numinis et magnae virtutis | Quae virum non noverat concipit et generat auctorem salutis
