Haec est generatio querentium dominum requirentium faciem dei Jacob tollite portas principes vestras et elevamini portae aeternales et introibit rex gloriae quis est iste rex gloriae dominus fortis et potens dominus potens in proelio
Prima sabbati psalmus David domini est terra et plenitudo ejus orbis terrarum et universi qui habitant in eo | Quia ipse super maria fundavit eum et super flumina praeparavit eum | Quis ascendet in montem domini aut quis stabit in loco sancto ejus | Innocens manibus et mundo corde qui non accepit in vano animam suam nec juravit in dolo proximo suo | Hic accipiet benedictionem a domino et misericordiam a deo salutari suo | Haec est generatio quaerentium eum quaerentium faciem dei Jacob | Attollite portas principes vestras et elevamini portae aeternales et introibit rex gloriae | Quis est iste rex gloriae dominus fortis et potens dominus potens in praelio | Attollite portas principes vestras et elevamini portae aeternales et introibit rex gloriae | Quis est iste rex gloriae dominus virtutum ipse est rex gloriae
Adest dies sanctus dei claro resplendens lumine quo victor ad caelos potens rex Christus exsultans petit Quem turba tunc cum laudibus fortem resultans praedicat regem triumphantem sequens intrat polorum januas Hoc tunc videntes principes hinc obstupescunt protinus quis sit tonans interrogant tanti ducis hic transitus Reddunt quibus mox praevia haec angelorum tum agmina rex gloriae fortis potens est iste virtutum deus Claustra ast patent mox omnia gaudent in alto milia Christum sedentem cum vident laetum superna gloria O rex supernae gloriae qui patris in dextra sedes tu nos vide clemens tuos nunc deprecantes servulos Da spem fidem et catholicam da caritatis munera grates pias rite ut tibi reddamus omni tempore
