AGNUS Eructavit cor meum verbum bonum dico ego opera mea regi MISERERE | AGNUS Quem vidi quem amavi quem edidi quem dilexi MISERERE | AGNUS Da gaudiorum praemia da gratiarum munera dissolve litis vincula astringe pacis foedera DONA NOBIS
Plasmator hominis deus qui cuncta solus ordinans humum jubes producere reptantis et ferae genus | Qui magna rerum corpora dictu jubentis vivida ut serviant per ordinem subdens dedisti homini | Repelle a servis tuis quidquid per immunditiam aut moribus se suggerit aut actibus se interserit | Da gaudiorum praemia da gratiarum munera dissolve litis vincula astringe pacis foedera | Praesta pater piissime patrique compar unice cum spiritu paraclito regnans per omne saeculum
Hominis superne conditor qui cuncta solus ordinans humum jubes producere reptantis et ferae genus | Et magna rerum corpora dictu jubentis vivida per temporum certas vices obtemperare servulis | Repelle quod cupidinis ciente vi nos impetit aut moribus se suggerit aut actibus se interserit | Da gaudiorum praemia da gratiarum munera dissolve litis vincula astringe pacis foedera | Praesta pater piissime patrique compar unice cum spiritu paraclito regnans per omne saeculum
