- Log in to post comments
Authoring information
Similar texts
| h04356 HYMN | Aeterne rerum conditor noctem diemque qui regis et temporum das tempora ut alleves fastidium | Praeco diei jam sonat noctis profundae pervigil nocturna lux viantibus a nocte noctem segregans | Hoc excitatus lucifer solvit polum caligine hoc omnis erronum chorus vias nocendi deserit | Hoc nauta vires colligit pontique mitescunt freta hoc ipse petra ecclesiae canente culpam diluit | Surgamus ergo strenue Gallus jacentes excitat et somnolentos increpat Gallus negantes arguit | Gallo canente spes redit aegris salus refunditur mucro latronis conditur lapsis fides revertitur | Jesu labentes respice et nos videndo corrige si respicis lapsus cadunt fletuque culpa solvitur | Tu lux refulge sensibus mentisque somnum discute te nostra vox primum sonet et ore psallamus tibi |
| a06499 H | Fideles Christi properate mentem Babile fretum [...] tuae voce et cordae promite [...]num et laudem deo | Numerianus imperator ecce habitet aulam [...] caelorum non adorando sed ut macularet rabidos venit | Fidelis loci adgrababit almus dei sacerdos ba Babilas praecelsus ortum [...]ent mortem Christus erit potens | Christus corona nos ornare jubet opem fefellit quem jubet tyrannum ne patiamur limina ingredi impius ille | Signo se crucis armabit in fronte spiritu sancto repletus processit ovium regis et probabit dicens ab hinc recede | Audiens ista secessit in pudens frendens in c[...] pervenit ad domum tribunal sibi prepara[...] lussit et treno dolore | Offere in quid officio suo rebellem ill[...] in[...] qui verbis suis pro[...] | S[...] | Christus quem vado me obic[...] volum tuti per ejus arma et cru[...] | Tibi tyranne tribuit honorem u[...] nempe creatorem qui tibi corpus et [...] recalcitras ti | Furore caeco et turbo aspectu imper[...] ut per civitatem honus tum ferro et in ca[...] per trueretur pertra oretur | Tractus adduce ut prospiceret agra Tyrann quos ille odo cubit melior in quid imperator saeve [...] |
| 850202 VaHW | Exsultet jam angelica turba caelorum exsultent divina mysteria et pro tanti regis victoria tuba insonet salutaris | Gaudeat et tellus tantis irradiata fulgoribus et aeterni regis splendore illustrata totius orbis se sentiat amisisse caliginem | Laetetur et mater ecclesia tanti luminis adornata fulgoribus et magnis populorum vocibus haec aula resultet | Quapropter astantes vos fratres carissimi ad tam miram hujus sancti luminis claritatem una mecum quaeso dei omnipotentis misericordiam invocate ut qui me non meis meritis intra levitarum numerum dignatus est aggregare luminis sui claritatem infundens cerei hujus laudem implere perficiat | Vere dignum et justum est invisibilem deum patrem omnipotentem filiumque ejus unigenitum dominum nostrum Jesum Christum toto cordis ac mentis affectu et vocis ministerio personare qui pro nobis aeterno patri Adae debitum solvit et veteris piaculi cautionem pio cruore detersit | Haec sunt enim festa paschalia in quibus verus ille agnus occiditur cujus sanguine postes fidelium consecrantur | Haec nox est in qua primum patres nostros fílios Israel eductos de Aegypto mare rubrum sicco vestigio transire fecisti | Haec igitur nox est quae peccatorum tenebras columnae illuminatione purgavit | Haec nox est quae hodie per universum mundum in Christo credentes a vitiis saeculi et caligine peccatorum segregatos reddit gratiae sociat sanctitati | Haec nox est in qua destructis vinculis mortis Christus ab inferis victor ascendit nihil enim nobis nasci profvit nisi redimi profvisset | O mira circa nos tuae pietatis dignatio | O inaestimabilis dilectio caritatis ut servum redimeres filium tradidisti | O certe necessarium Adae peccatum quod Christi morte deletum est | O felix culpa quae talem ac tantum mervit habere redemptorem | O vere beata nox quae sola mervit scire tempus et horam in qua Christus ab inferis resurrexit haec nox est de qua scriptum est et nox sicut dies illuminabitur et nox illuminatio mea in deliciis meis | Hujus igitur sanctificatio noctis fugat scelera culpas lavat et reddit innocentiam lapsis et maestis laetitiam fugat odia concordiam parat et curvat imperia | In hujus igitur noctis gratia suscipe sancte pater incensi hujus sacrifícium vespertinum quod tibi in hac cerei oblatione sollemni per ministrorum manus de operibus apum sacrosancta reddit ecclesia | Sed jam columnae hujus praeconia novimus quam in honorem dei rutilans ignis accendit | Qui licet sit divisus in partes mutuati tamen luminis detrimenta non novit | Alitur enim liquantibus ceris quam in substantiam pretiosae hujus lampadis apis mater eduxit | Apis ceteris quae subjecta sunt homini animantibus antecellit | O vere beata nox quae expoliavit Aegyptios ditavit Hebraeos nox in qua terrenis caelestia junguntur | Oramus ergo te domine ut cereus iste in honorem tui nominis consecratus ad noctis hujus caliginem destruendam indeficiens perseveret atque in odorem suavitatis acceptus supernis luminaribus misceatur | Flammas ejus lucifer matutinus inveniat ille inqua lucifer qui nescit occasum ille qui regressus ab inferis humano generi serenus illuxit |
| a07015 H | Fabens redemptis voto abstinentiae occure fessis dux verus Emmanuel a quo dicata sanctius jejunia forma futuri noscitur ad gloriam opus caelestis regni esse januam | Cui sic consors clara sidus rutilans ignita lampas misceatur largitas utraque libans celsa quisnam dextera riteque compos ut alis pennigera volatu pernix poliatus intima | Insigne cujus Moyses misterium dei amicus extitit oraculo raptus Elias caeli curro igneo fultu tuaetur Ninive cum civibus quod verbi claret veritatis nuntius | Passim deinde tu magister caelibum quater dierum decies curriculo victor triumphans paradise heremo morsu delicti abluens jejunio prorsus retentans temptatori callido | Quod nos sequentes visitatim decimas saltim dierum nunc litamus hostias tu quoque mitis jugis indulgentia et holocausta effice pinguissima quo expiemur sordium piacula | Poculum esto vitae sitientibus fons aquae vivae regni sors denarius gulae qui austo in Adam cecidimus surgendo in te jejunando dapibus reficiamur cum supernis civibus | Qui contritorum usus sacrificio adest latroni in crucis patibulo nobis adesto caelitus tu domine nostri memento nos de throno respice quos redemisti tuo sacro sanguine | Judex ut ipse cum tremendus veneris praeviam crucem angelorum humeris terrorem mundum tubaque concusseris cum sanctis ipsis innovati gloriam dextram tenentes evadamus tartara | Praestaque summa trinitas potentia cuncta qui regis saeculorum saecula ut te fruentes sine fine gloria lux angelorum et dies perennius sol ipse nobis vigeas perpetuus | Amen |
| a07042 H | Rex angelorum domine qui mundum verbo continens adesto nostris praecibus qui prospicis cuncta solus | Accipe quod oferimus nostrae primitiae munus qui Moysi praecipiens rerum dare primitias | Sati sacro altario primitiasque litamus quaestu Christe suscipias et postulata tribuas | Parce precamur frugibus simulque cunctis germinus nec grandinis interitus labores nostros diluas | Ut cunctaque salvaverisque nostro victo pertinet legitimae offerimus de munerumque debitum | Qui pro humano genere sacro fudisti sanguine ut nos amorte eriperes dextera tua protege | Suscipe rerum domine primitias plebi tuaeque tibi obtulimus in templo hoc sanctissimae | Salvaque tua gratiam quem hos abentes habentes munera misericors vocatus es tu propter nos omnipotens | Inspiraque principibus ut pie regat populos qui sanctis ab altissimo cuncta regis in saeculo | Da clericis concordiam da plebibus custodiam ut sequoque ab invidem caritatis ad socient | Solve captivos domine compeditosque redime cunctos dispersos congrega et pacis tuae condona | Praesta |
| 920079 PS | In finem pro iis qui commutabuntur testimonium Asaph psalmus | Qui regis Israel intende qui deducis velut ovem Joseph qui sedes super cherubim manifestare | Coram Ephraim Benjamin et Manasse excita potentiam tuam et veni ut salvos facias nos | Deus converte nos et ostende faciem tuam et salvi erimus | Domine deus virtutum quousque irasceris super orationem servi tui | Cibabis nos pane lacrimarum et potum dabis nobis in lacrimis in mensura | Posuisti nos in contradictionem vicinis nostris et inimici nostri subsannaverunt nos | Deus virtutum converte nos et ostende faciem tuam et salvi erimus | Vineam de Aegypto transtulisti et ejecisti gentes et plantasti eam | Dux itineris fuisti in conspectu ejus plantasti radices ejus et implevit terram | Operuit montes umbra ejus et arbusta ejus cedros dei | Extendit palmites suos usque ad mare et usque ad flumen propagines ejus | Ut quid destruxisti maceriam ejus et vindemiant eam omnes qui praetergrediuntur viam | Exterminavit eam aper de silva et singularis ferus depastus est eam | Deus virtutum convertere respice de caelo et vide et visita vineam istam | Et perfice eam quam plantavit dextera tua et super filium hominis quem confirmasti tibi | Incensa igni et suffossa ab increpatione vultus tui peribunt | Fiat manus tua super virum dexterae tuae et super filium hominis quem confirmasti tibi | Et non discedimus a te vivificabis nos et nomen tuum invocabimus | Domine deus virtutum converte nos et ostende faciem tuam et salvi erimus |
| 920098 PS | Psalmus ipsi David dominus regnavit irascantur populi qui sedet super cherubim moveatur terra | Dominus in Sion magnus et excelsus super omnes populos | Confiteantur nomini tuo magno quoniam terribile et sanctum est | Et honor regis judicium diligit tu parasti directiones judicium et justitiam in Jacob tu fecisti | Exaltate dominum deum nostrum et adorate scabellum pedum ejus quoniam sanctum est | Moyses et Aaron in sacerdotibus ejus et Samuel inter eos qui invocant nomen ejus invocabant dominum et ipse exaudiebat eos | In columna nubis loquebatur ad eos custodiebant testimonia ejus et praeceptum quod dedit illis | Domine deus noster tu exaudiebas eos deus tu propitius fuisti eis et ulciscens in omnes adinventiones eorum | Exaltate dominum deum nostrum et adorate in monte sancto ejus quoniam sanctus dominus deus noster |
| ah47109.1 Ky | Kyrieleison Auctor caelorum Deus aeterne | Kyrie Ab omni malo tu nos defende | Kyrie Tu qui regis polum nos exaudi | Christe Christe de caelis succurre nobis | Christe Peccata nostra nobis indulge | Christe Nostras voces tu Deus exaudi | Kyrie Nostra delicta tu dimittendo | Protege Deus clamantes ad te Kyrie |
| ah54069 Sq | Celsa lux Sion ave martyr Pantaleon | Clare lucifer qui puer senatorem patem spernis idolatram | Summi filius ut patris esses praedulcis adoptivus in coelis | Athleta quam fortis jussa regis tu contemnis Maximiani principis | Vexilla domini crucis alma nunc secutus pulchra sanctorum curia | Jussus artem tu medicinae corporalis edoceri docillis | Morbos curas mentes informas praepotens divino medicamine | Puer purus ac benevolus mitis clemens misericors | Vinculatum solvis puerum serpentino ligamine | Vas electionis futurus omni sorde purgatus | Sumpsisti pneumatis munera dignus ante baptisma | Erroribus gentilem emancipans parentem sana fide perenni reddis parenti | Et medicos de terris tu aemulos prosternis paralytici gressu caecique visu | Ignis incendium superans fide flammivomum | Despicis ferarum morsus victor ferocium | O gemma martyrum splendida cunctis portus salutis candelabrum lucis | Qui mari deditus ac rotae colligatus es tandem ense decollatus | Nos commenda nos propios regi regum servulos | Quo nos tecum in coelorum ducat clemens regiam | In qua sibi laus est aeterna |