Jucundetur ecclesia dulce producens canticum de cujus horto lilia fructum reddunt mirificum | Fructu vitae jam vescitur ludovicus in gloria cujus vitae dignoscitur resplenduisse gratia | De quieto regimine gloriabantur subditi nullo pressi gravamine tutela regis inclyti | Impendebat obsequium infirmis et debilibus non negans beneficium personis indigentibus | Trino deo et simplici laus honor virtus gloria qui nos regis mirifici coronet per suffragia
Gaude mater ecclesia laetam agens memoriam quae novae prolis gaudia mittis ad caeli curiam | Praedicatorum ordinis dux et pater Dominicus mundi jam fulget terminis civis effectus caelicus | Carnis liber ergastulo caeli potitur gloria pro paupertatis cingulo stola dotatur regia | Fragrans odor de tumulo cum virtutum frequentia clamat pro Christi famulo summi regis magnalia | Trino deo et simplici laus honor virtus gloria qui nos prece Dominici ducat ad caeli gaudia | Amen
Novus athleta domini collaudetur Dominicus qui rem conformat nomini vir factus evangelicus | Conservans sine macula virginitatis lilium ardebat quasi facula pro zelo pereuntium | Mundum calcans sub pedibus manum misit ad fortia nudus occurrens hostibus Christi suffultus gratia | Pugnat verbo miraculis missis per orbem fratribus crebros adjungens sedulis fletus orationibus | Trino deo et simplici laus honor virtus gloria qui nos prece Dominici ducat ad caeli gaudia | Amen
Hymnum novae laetitiae dulci productum cantico noster depromat hodie chorus sancto Dominico | Vergente mundi vespere novum sidus exoritur et clausis culpae carcere praeco salutis mittitur | Doctrinam evangelicam spargens per orbis cardinem pestem fugat haereticam novum producens ordinem | Hic est fons ille modicus crescens in flumen maximum qui mundo jam mirificus potum largitur optimum | Trino deo et simplici laus honor virtus gloria qui nos prece Dominici ducat ad caeli gaudia | Amen
Incensum o Christe tuo sacri altaris lumen refulgens tibi dedicetur ut possit nostras ab luere culpas clementi respectu | Suavi canore hymnum deo nostro tibi favente vocibus jucundis divine virtutis imploremus omnes cumula sacra | Preces quesumus vespertinis hymnis aevo perenni placidus succurre Christe tuorum plebium in unum almae salvator | Vota fideli tuam exoramus pium affectum deum majestatis ut aure placatus tribuas salutem nobis et pacem | Gloria patri trino sempiterno gloria Christo spiritu quae sancto simul in unum laus et potestas personet semper
