Deus qui es benedictus in saecula saeculorum suscipe preces archangelorum et orationem sancti N. libera populum ad te clamantem et mitte nobis auxilium de caelo sanctus deus sanctus fortis sanctus et...
Hodie sanctus Benedictus per viam orientis tramitem videntibus discipulis caelum tetendit hodie erectis manibus inter verba orationis efflavit hodie in gloria ab angelis susceptus est
Orabat sanctus Benedictus domine non aspicias peccata mea sed fidem hujus hominis qui rogat resuscitari filium suum et sub oculis omnium viventem puerum reddidit patri suo
Cumque sanctus Benedictus in cellam consisteret elevatis sursum oculis vidit sororis suae animam de corpore ejus egressam in columbae specie caeli secreta penetrare
Dum sanctissimus Benedictus calcato jam saeculo migraret ad Christum sanctus Maurus apud beatum Romanum in Gallia commoratus talem de eo videre promeruit visionem
Pater Benedictus osculum dans nobis prosecutus est nos cum omni congregatione usque ad januam monasterii et dedit sanctissimo Mauro regulam quam ipse sanctus manu sua scripserat