Copiosae caritatis Nicolae pontifex qui cum deo gloriaris in caeli palatio conscende supplicamus ad te suspirantibus ut exutos gravi carne pertrahas ad superos
En qui flammis caritatis in dei proximique amore flagravit quanto fulgore circumfulsus caeli secreta penetravit en qui retentus carne angelis interfuit
Quae dum lacrimosa ad eum medullitus ingemuerat a peste mox curatur qua misere languerat septem quippe nequitiis verbo medicus effugatis ignivit cor ejus incendio ardentissimae caritatis