Canticum graduum Beati omnes qui timent dominum qui ambulant in viis ejus | Labores manuum tuarum quia manducabis beatus es et bene tibi erit | Uxor tua sicut vitis abundans in lateribus domus tuae filii tui sicut novellae olivarum in circuitu mensae tuae | Ecce sic benedicetur homo qui timet dominum | Benedicat tibi dominus ex Sion et videas bona Jerusalem omnibus diebus vitae tuae | Et videas filios filiorum tuorum pacem super Israel
Uxor tua sicut vitis abundans in lateribus domus tuae filii tui sicut novella olivarum in circuitu mense tuae sic benedicetur omnis homo qui timet dominum
Alleluia reversionis Aggaei et Zachariae Beatus vir qui timet dominum in mandatis ejus volet nimis | Potens in terra erit semen ejus generatio rectorum benedicetur | Gloria et divitiae in domo ejus et justitia ejus manet in saeculum saeculi | Exortum est in tenebris lumen rectis misericors et miserator et justus | Jucundus homo qui miseretur et commodat disponet sermones suos in judicio | Quia in aeternum non commovebitur | In memoria aeterna erit justus ab auditione mala non timebit paratum cor ejus sperare in domino | Confirmatum est cor ejus non commovebitur donec despiciat inimicos suos | Dispersit dedit pauperibus justitia ejus manet in saeculum saeculi cornu ejus exaltabitur in gloria | Peccator videbit et irascetur dentibus suis fremet et tabescet desiderium peccatorum peribit
