H
Hymn (and hymn verses if listed together in the same record)
Mass / Office:
Office
Rite:
Franco-Roman
Related chants
Displaying 951 - 1000 of 1750 chants| Cantus ID | Genre | Full text | Usual feast |
|---|---|---|---|
| a02863 | H | Post ut occasum resolvit vitae et hominem reddidit arduum tribunal alti victor ascendit patris inclytam caelo reportans passionis gloriam | Macte judex mortuorum macte rex viventium dexter in parentis arce qui cluis virtutibus omnium venturus inde justus ultor criminum | Te senes et te juventus parvulorum te chorus turba matrum virginumque simplices puellulae voce concordes pudici perstrepant concentibus | Fluminum lapsus et undae litorum crepidines imber aestus nix pruina silva et aura nox dies omnibus te concelebrent saeculorum saeculis | Gloria patri melodis per sonemus vocibus gloriam Christo canamus gloriam paraclito qui deus trinus et unus regnat ante saecula amen | |
| a03004 | H | Te centies mille legionum angeli concentu plaudunt et canora jubilant Christe Jesu alpha et omega omnipotens sepultus olim et vivens in saecula testis fidelis et verum principium | Qui mundi hujus dejecisti principem redimens orbem tuo almo sanguine sanctus et verus genitus ingeniti reserans clausum et apertum obstruens faciens deo regni sacerdotium | Tu verus agnus solus sine macula qui dextram patris collocatus solio solus egressus ab arce dominica similis Jaspis et sardino lapidi iris per gyrum smaragdum circuit | Tu dei pignus hominisque filius septies librum signatum signaculis solvere signa dignior repertus es agnus occisus septem pollens cornibus septeno fulgens et lumine flammeo | E throno produnt fulgura tonitrua septem ardentes ante thronum lampades septem ubique missi dei spiritus septem stellae micant agni dextera septem cui astant candelabra aurea | Sedentes circum quater seni primates amicti cuncti niveis cycladibus et laureatis diademata aureis aureas vehunt phialas aromatum aureis psallunt modulis et citharis | Stat ante thronum nitens mare vitreum bis bini fores item animalia homo per genus leo voce perstrepet juvencus ore promet sacerdotium petens ad astra more volans aquilae | Quattuor formis senis alis singulis ante et retro cuncta plena oculis vigiles semper dormiendi nescii vicissim sanctas ter clamantes jugiter illi qui erat est et qui venturus est | Gloria patri laus sapientia agno sedenti supra thronum in caelis cum patre regnat et cum sancto spiritu conexa simul tribus una deitas per infinita saeculorum saeculis | Amen | |
| a03005 | H | Urbis Romuleae jam toga candida septem pontificum destinat promicat missos Hesperiae quos ab apostolis assignat fidei prisca relatio | Hi sunt perspicui luminis indices Torquatus Ctesiphon atque Hesychius hinc Indalecius sive secundus est juncti euphrasio caecilioque sunt | Hi evangelica lampade praediti lustrant occiduae partis artentia quo sic catholicis ignibus ardeant ut cedant facibus furva nocentia | Accis continua proxima fit viris bis senis stadiis qua procul insident mittunt asseculas escula quaerere quo fessa dapibus membra reficerent | Illic discipuli idola gentium vanis inspiciunt ritibus excoli quos dum sic agere fletibus immorant terrentur potius auribus impiis | Mox insana fremens turba satellitum in his cum fidei stigmata nosceret ad pontem fluvii usque per ardua incursu celeri hos agit in fugam | Sed pons praevalido murice fortior in partes subito pronus resolvitur justos ex manibus hostium eruens hostes flumineo gurgite subruens | Haec prima fidei est via plebium inter quos mulier sancta Luparia sanctos aggrediens cernit et obsecrat sanctorum monita pectore collocans | Tunc Christi famula obsequio parens sanctorum instituit condere fabricam quo baptisterii unda patesceret et culpas hominum gratia tergeret | Illic sancta dei femina tingatur et vitae lavacro tincta renascitur plebs in continuo pervolat ad fidem et fit catholico dogmate multiplex | Post haec pontificum cara sodalitas partitur properans septem in urbibus ut divisa locis dogmata funderent et sparsis populos ignibus urerent | Per hos Hesperiae finibus indita illuxit fidei gratia praecoqua hinc signis variis atque potentia virtutum homine credere provocant | Exhinc justitiae fructibus incliti vitam multiplici faenere terminant consaepti tumulis urbibus in suis sic sparso cinere una corona est | Hinc te turba potens unica septies oratu petimus pectoris abditi ut vestris precibus sidus in aetheris portemur socii civibus angelis | Sit trino domino gloria unico patri cum genito atque paraclito qui solus dominus trinus et unus est saeculorum valide saecula continens | |
| a03006 | H | Aeterne rex altissime redemptor et fidelium quo mors soluta deperit datur triumphus gratiae | Quem lex subacta tartari marcens averno dispulit carens mucrone pessimo throno remisit patrio | Scandens tribunal dexterae patri potestas omnium collata Jesu est caelitus quae non erat humanitus | Un trina rerum machina caelestium terrestrium et infernorum condita flectat genu jam subdita | Nec sit salus ullo modo tuo foris vocabulo a quo creata cuncta sunt et recreata sancta sunt | Haec tanta Christi gratia nexum tulit peccaminum sumpsitque corpus proprium vectumque possidet polum | Tremunt videntes angeli versam vicem mortalium culpat caro et purgat caro regnat deus dei caro | Quae praeminet virtutibus summis procul caelestibus deus caro atque spiritus plenus deus verusque homo | Dicunt ex astris angeli demum reverti hujusmodi quem nos redire credimus regnare prorsus novimus | Tu Christe nostrum gaudium manens Olympo praeditum mundi regis qui fabricam mundana vincens gaudia | Hinc te precantes quaesumus ignosce culpis omnibus et corda sursum subleva ad te superna gratia | Ut cum rubenti coeperis clarere nube judicis poenas repellas debitas reddas coronas perditas | Presta pater | |
| a03007 | H | Lux vera lucis claritas lucis manens aeternitas laus in tenebris promitur precantibus splendor datur | Te tempus omnis temporis te quidquid in nobis viget collaudet in perpetuis aeternitatis saeculis | Deo patri sit | |
| a03008 | H | Rerum deus fons omnium qui rebus actis omnibus totius orbis ambitum censum replesti munerum | Non actibus fessus manens laboribus non saucius cunctis quietem das aegris curis ruant ne morbidis | Concede nunc mortalibus ulti malorum hostiis instare jam virtutibus et munerari prosperis | Terroris ut cum judicis horror supremus ceperit laetemur omnes invicem pacis repleti munere | Presta | |
| a03009 | H | Te deum laudamus te dominum confitemur | Te aeternum patrem omnis terra veneratur | Tibi omnes angeli tibi caeli et universae potestates | Tibi cherubim et seraphim incessabili voce proclamant | Sanctus sanctus sanctus dominus deus sabaoth | Pleni sunt caeli et terra majestatis gloriae tuae | Te gloriosus apostolorum chorus | Te prophetarum laudabilis numerus | Te martyrum candidatus laudat exercitus | Te per orbem terrarum sancta confitetur ecclesia | Patrem immense majestatis | Venerandum tuum verum et unicum filium | Sanctum quoque paraclytum spiritum | Tu rex gloriae Christe | Tu patris sempiternus es filius | Tu ad liberandum suscepturus hominem non horruisti virginis uterum | Tu devicto mortis aculeo aperuisti credentibus regna caelorum | Tu ad dexteram dei sedes in gloria patris | Judex crederis esse venturus | Te ergo quaesumus tuis famulis subveni quos pretioso sanguine redemisti | Aeterna fac cum sanctis tuis in gloria munerari | Salvum fac populum tuum domine et benedic hereditati tuae | Et rege eos et extolle illos usque in aeternum | Per singulos dies benedicimus te | Et laudamus nomen tuum in saeculum et in saeculum saeculi | Dignare domine die isto sine peccato nos custodire | Fiat domine misericordia tua super nos quemadmodum speravimus in te | |
| a03009.1 | H | Te deum laudamus te dominum confitemur | Te aeternum patrem omnis terra venerantur | Tibi omnes angeli tibi caeli et universae potestates | Tibi cherubim haec seraphim incessabili voce proclamant | Sanctus sanctus sanctus domine deus sabaoth pleni sunt caeli et terrae gloria majestatis gloriae tuae | Te gloriosus apostolorum chorus | Te prophetarum laudabilis numerus | Te martyrum candidatus laudat exercitus | Te per orbem terrarum sancta confitetur ecclesia | Patrem immensa majestatis | Ad venerandum tuum verbum unigenitum filium sanctum quoque paraclytum spiritum | Tu rex gloriae Christus | Tu patris sempiternus es filius | Tu ad liberandum suscepturus hominem non horruisti virginis uterum | Tu devicto mortis aculeo aperuisti credentibus regna caelorum | Tu ad dexteram dei sedes in gloria patris judex crederis esse venturus | Te ergo quaesumus domine tuis famulis subveni quos pretioso sanguine redemisti | Aeterna fac cum sanctis tuis in gloria munerari | Salvum fac populum tuum domine et benedic hereditati tuae | Et rege eos et extolle illos usque in saeculum et in saecula saeculorum amen | Per singulos dies benedicimus te et laudamus nomen tuum in aeternum et in saeculum saeculi | Dignare domine diem istum sine tribulatione et a peccato nos custodire | Miserere nobis domine miserere nobis | Fiat domine misericordia tua super nos sanctis speravimus in te | In te domine speravi non confundar in aeternum | Parce domine parce populo tuo et sedes in opprobrium hereditatem suam | |
| a03020 | H | Te Christe patris verbum virtus inclyta submissis laudum quaesumus praeconiis hujus diei festa caeleberrima superna semper fac nitere gratia quam frequentare nos dedisti annua | (...) | Cornelii, Cypriani |
| a03021 | H | Manus edocta variis nos agite sic digitis cunctis promantur labiis laudes deo cum angelis | Natum qui misit e coelis alvus quem fudit virginis qui passus est et in terris pius redemptor hominis | Sed surrexit a mortuis post ascendit et in coelis tuentibus discipulis dicentibusque angelis | O quid viri Galilaei admirando aspicitis sic veniet vir humilis quemadmodum jam vidistis euntem illum in coelis | |
| a03022 | H | Ob adventum carissimi nunc spiritus paracliti laetemur simul socii et carmen cordis intimi promamus voce gracili in conspectu altissimi | Ut nostra tergat scelera qui fidelium pectora sui replendo gratia sacra sibi fecit templa et qui linguarum varia conscendit modulamina | Coelitus missa gratia quae turris Babylonica disperserat circum circa nos foveat per tempora cujus fides et gloria per cuncta semper saecula | |
| a03023 | H | Psallere quod docuit musica egregia manus Davidica psallere condiscat ecclesia a Christo de Libano vocata sanguine cujus exstat redempta | Canite nova deo cantica concelebrando clara gaudia cujus instant festa praefulgida ornata nativitate sacrata unde canamus adest praecelsa | Concio praesens ferat fercula (...) | |
| a03024 | H | O Musae cicilides seu praestat pierides nunc ad vota faciles advenite celeres | Si remissa displicet vox acuta concrepet quae ne vos exasperet ima rursus insonet | Vos alternis congaudetis fidibus lyra canat dulcisonis si mavultis et jubetis modis cithara strepat hymnidicis | (...) | |
| a03030 | H | Ave Dunstane praesulum sidus decusque splendidum lux vera gentis Anglicae et ad deum dux praevie | Tu spes tuorum maxima dulcedo nec non intima spirans odorum balsama vitalium melliflua | Tibi pater nos credimus quibus te nil jucundius at te manus expandimus tibi preces effundimus | Offer sacerdos hostias Christo precum gratissimas quibus placatus criminum solvat catenas ferreas | Per quas Anglorum terminis ecclesiaeque filiis et nationes perfidae pestesque cedant noxiae | Per te pater spes unica per te proles pax unica et spiritus lux unica adsit nobis in saecula | Amen | Dunstani |
| a03036 | H | Salvete clarae virgines tutela praesens patriae virtutis et constantiae exemplar admirabile | Non vos chalybs rigentibus dum nectit arctus annulis nec laminis candentibus catasta terret ignea | Nec confragosa rupium calcata nudis plantulis fregere vos dispendia sed hinc fides fit acrior | Deinde victo saeculo caeli subiistis atria Ruffina fuso sanguine et Iusta digna nomine | Rosisque purpurantibus confessionis inclytae intexuistis candida integritatis lilia | Ergo triumphi nobilis sacris revinctae laureis palmas refertis duplices Agnum sequentes praevium | Te Dux corona Martyrum cum Patre Christe et Spiritu in Trinitate simplici aeterna laudent saecula | Justae et Rufinae |
| a03038 | H | Quid saeve tortor ungulis iudexque fractis virginum plusquam virilis indolis miraris indolentiam | Virtutis hoc altissimae agnosce munus perfide firmissimam constantiam quae debili dat sexui | Saevite in actus fictiles mercesque earum testeas sed non potestis conditas in his faces extinguere | quas ardor almi Luminis accendit et dulcissimus Sponsus cadentes excipit Christus bravium martyrum | Et nunc precantur sedulae pro gente Patrem et Filium et Spiritum Paraclitum qui regnat omne in saeculum | Justae et Rufinae |
| a03040 | H | Adeste sacrae virgines quas cura fecit pervigil Sponso vocante ad nuptias claras referre lampades | Jam nigra noctis orbita ad mane clarum vertitur vincant timores turbidos aeterna lucis gaudia | Aperta vobis janua Sponsus vocat succedite sparsasque nostris fletibus offerte palmas nobiles | Offerte fusum sanguinem Christo immolatae victimae quo martyres sanctissime vestram beastis Hispalim | Vt ipse nostrae Ecclesiae preces benignus audiat et donet indulgentiam vestris rogatus civibus | Virtus honor laus gloria Deo Patri cum Filio et Spiritui Paraclito in saeculorum saecula | Justae et Rufinae |
| a03048 | H | Gentis Hispanae pater atque doctor digna praeclari soboles Severi digne Leandri similisque sancta indole frater | Dum tuas curat soror alma cunas lucida examen veniens ab aethra vidit infantis nitidis liquare mella labellis | Dulce facundi fuit hoc leporis atque doctrinae specimen supernae qua pios pascis stimulisque sontes pungis acutis | Pungis infectum genus Arrianae pestis ultores minitantis ignes nec furor regum juvenis resistit fortibus ausis | Praesul instauras fidei triumphum perfidos ejus quoque perduelles pellis Hispanis pavidos ab oris fulmine linguae | O pater cleri populique pastor orphanis tutor viduis levamen virginum custos monachis severae regula vitae | Nunc in excelso residens Olympo sidus o nostrae columenque gentis compari priscis fidei magistris luce refulges | Sis memor chari gregis et patronus esto ad aeternam Triadem precamur cuncta cui dignas resonent per orbem saecula laudes | Isidori Episcopi Confessoris et Ecclesiae Doctoris |
| a03051 | H | Quid pater caros populos relinquis missus ad celsam Legionis urbem quae tibi fido posuit patrono regia templa | An times hostem fidei rebellem Barbarus fugit liceat reverti aut tuos saltem juvet inde missa luce fovere | Civitas felix spoliis opimis corporis sacri tua mira pictis gesta percenset tabulis, tholisque munera regum | Quae tuo partis merito triumphis grata non uno retulere bello namque te nostris et adesse castris fama vetusta est | Huc ades fessis pater alme rebus nosque commenda Triadi potenti cujus in cunctas resonat perennis gloria gentes | Isidori Episcopi Confessoris et Ecclesiae Doctoris |
| a03053 | H | Sol ab occasu roseos ad ortus luce qui terras meliore lustrans noctis Hispanae nebulas et atras discutis umbras | Cujus exortu tenebrosus error fraus et inconstans furor et profanus luxus et vanae sitiens profugit ambitus aurae | Sed redit fas et pietas revixit et fides casto redimita cultu paxque cum sancta probitate et aequi conscia virtus | Hispalis clarum iubar Isidore redde virtutes vitiis repulsis fac et ad priscos redeant caduca saecula mores | Haec rogat sacras tua gens ad aras dum Deo vero pia vota fundunt qui tibi festum peragunt ovantes Betis alumni | Laus honor virtus tibi sit perennis celsa majestas hominum creatrix quem Deum trinum celebrant et unum rite fideles | Isidori Episcopi Confessoris et Ecclesiae Doctoris |
| a03054 | H | Audit tyrannus anxius adesse regum principem qui nomen Israel regat teneatque David regiam | Exclamat amens nuntio successor instat pellimur satelles i ferrum rape perfunde cunas sanguine | Quid proficit tantum nefas quid crimen Herodem juvat unus tot inter funera impune Christus tollitur | Gloria tibi Domine qui natus es de virgine cum patre et sancto spiritu in sempiterna saecula | Nat. Innocentium |
| a03058 | H | Jesu velatus facie fuisti sol justitiae flexis illusus genibus cesus quoque verberibus | In flagelis potum fellis bibisti amarissime pro peccatis perpetratis aeterne rex altissime | Spina decora fulgida ornata regis purpura electa dignissima que tam sanctum caput tangere | Hora qui ductus tertia fuisti ad supplicia Christe ferendo humeris crucem pro nobis miseris | Sucurre nobis domine quos redemisti sanguine et duc nos ad suavia aeterne pacis gaudia | Te summa deus trinitas collaudet omnis spiritus quos per crucis mysterium salvas rege per saecula Amen | De Corona Spinea |
| a03096 | H | Christe sanctorum gloria certantium victoria nos confessoris precibus culparum solve nexibus|Fac nos imitabilia ejus sequi vestigia tu sis commune praemium qui factus es et pretium|Nam hic in imo positus celsis praestabat moribus humilis erat ordine claro sublimis opere|Intenta mens caelestibus mundanos horret strepitus nil jam delectat anxiam quod non ducit ad patriam|Accensus illuc spiritus totis anhelat nisibus jam cernit in aenigmate lumen inaccessibile|Gloria tibi domine qui surrexisti a mortuis cum patre et sancto spiritu in sempiterna saecula | Petri Damiani Episcopi, Conf., Ecclesiae Doctoris |
| a03097 | H | Vocibus laetis tua festa pangat odo psallentum pia turba fratrum ordinis clari pater has benigne suscipe laudes | Praesuli magno turonum voveris te sacerdotum radians adoptat gemma martinus nitidis clientem dotibus ornat | Saeculo nondum licet expeditus jamque nursinae studet odo legi et jugum praefert monachale christo sub duce currens | Claustra dum mores penetrant profani regulae vinclis sapiens magister sub sacra lege retinens rebelles frenat habenis | Congregat fratres regimen sub unum fit pater magnam subolem gubernans et greges tendunt ad ovile multi cluniacense | Te deus mundi moderator alme concinant juncti monachis fideles voce solemni triadi resultent cantica laudis | |
| a03098 | H | Fortis en praesul monachus fidelis laurea doctor redimitus astat festus Anselmo chorus aemuletur dicere carmen | Ante maturos sapiens hic annos saeculi florem pereuntis horret atque lanfranci documenta quaerens intrat eremum | Intimum pulsans penetrale verbi fertur immotae fidei volatu dogmatum puros latices an ullus altius hausit | Munus abbatis pater alme sumens te voves carae soboli benignis debiles portas humeris alacres praevius hortans | Praesulum defert tibi rex cathedram quid times luctam properant triumphi exteras gentes generosus exsul lumine reples | Sacra libertas ovibus redemptis parta cui christus nihil anteponit urget anselmum studio quis aequo vindicat ipsam |Clara fit romae tua fama praesul pontifex summus tibi fert honores te fides poscit siluere patres dogma tuere |sis memor sancti gregis et patronus sis ad aeternam triadem precamur cuncta cui dignas resonant per orbem saecula laudes | Anselmi |
| a03099 | H | Laudemus christi gratiam confessorum constantiam quorum doctrina fulgida splendet mater ecclesia |Qui carnis continentiam servantes propter dominum fragrantes velut lilium reddunt odorem optimum |Quorum deus suffragiis absolve nos a vinculis peccaminum resticulis quibus gravamur nimium |Intenta mens caelestibus mundanos horret strepitus nil jam delectat anxiam quod non ducit ad patriam |Accensus illuc spiritus totis anhelat nisibus jam cernit in aenigmate lumen inaccessibile |Gloria tibi domine qui surrexisti a mortuis cum patre et sancto spiritu in sempiterna saecula | |
| a03100 | H | Virgo prudentum comitata coetum obviam sponso veniens parata noctis horrendae removet tenebras lampade pura | Ille fulgentem nitidis lapillis annulum miri tribuit decoris virgini dicens tibi trado sancti pignus amoris | Mota flagrantis stimulo caloris mentis excessu rapitur frequenti fixa dum portat catharina membris vulnera christi | Unde ter felix quater et beata in sinu sponsi requievit almi inter illustres animas relata lux nova caeli | Sit deus caeli residens in arce trinus et simplex benedictus ille qui potens totum stabili gubernat ordine mundum | Catharinae Senensis |
| a03101 | H | En adest pastor vigil et superno spiritu plenus gladioque verbi conteret tetros zabuli minantis fortior astus | Jam sicambrorum dominator audax gestit henricus monitis supremi patris abscedens veterum furorum flare favillas | Sed reluctantem cohibes gregori e sacra fulmen jaculatus arce et potestatis tumidos caducae despicis ausus | Mox ab indignis manibus revulsa sceptra regnantis regimenque transfers a fide cives relevans tyranno jure negata | Sis memor cari gregis et patronus sis ad aeternam triadem precamur cuncta cui dignas resonent per orbem saecula laudes | Gregorii VII Papae Confessoris |
| a03102 | H | Aureliani turribus frustra premuntur hostium intrat joanna milites hymnos precesque concinunt | Quam vellet hosti parcere hunc voce amica praemonet sponte ut recedens liberum regnum relinquat galliae | Negat sed agmen gallicum ruit joanna sanguinem profundit icta vulnere deusque dat victoriam | Urbes et agros occupat rursus nitescunt liliae turmae fugantur hostium rhemos patescit semita | O sancta et una trinitas firmans movensque pectora contra malum certantibus dona vigorem et praemium | Joannae de Arc Virginis |
| a03103 | H | O pontifex egregie Pothinus insignis senex spectanda fortitudinis exempla demonstrat gregi | Ardore poenarum flagrans raptatur ad praetorium hunc impetunt clamoribus cum plebe saevi principes | Tunc Christus ore praesulis effata promit libera succenditur verbis furor senatus indignans fremit | Raptant prehendunt verberant pugnis premunt et calcibus conclusus atro carcere exhalat astris spiritum | Sit laus patri laus filio sit par tibi laus spiritus quo dante certatrix cohors torquentibus fit fortior | |
| a03104 | H | Festivas age gratias christicolarum concio in Barnabae apostoli festivo natalitio | Hunc fide vita sequere laudabili vestigio quem deus apostolico aggregavit collegio | Iste terrena despicit caduca sibi subicit cum deus ipse sufficit sibi nil unquam deficit | Hic infimis renuntiat hic se supernis sociat se propriis exspoliat ut christum lucrifaciat | Hic agrum vendens proprium apostolis dat pretium ut commune subsidium cunctorum sit fidelium | Hic sublimatus Barnabas ad culmen apostolicum verbi doctrinae pabulo gregem pavit dominicum | Gloria tibi domine qui scandis super sidera cum patre et sancto spiritu in sempiterna saecula | |
| a03105 | H | Aeterne sol qui lumine creata comples omnia suprema lux et mentium te corda nostra concinunt | Tuo fovente spiritu hic viva luminaria fulsere per quae saeculis patent salutis semitae | Quod verba missa caelitus nativa mens quod exhibet per hos ministros gratiae novo nitore claruit | Horum coronae particeps doctrina honestus lucida hic vir beatus splenduit quem praedicamus laudibus | Ipso favente quaesumus nobis deus percurrere da veritatis tramitem possimus ut te consequi | Praesta pater piissime patrique compar unice cum spiritu paraclito regnans per omne saeculum | |
| a03106 | H | Fulget in caelis celebris sacerdos stella doctorum rutilat corusca lumen intactum fidei per orbis climata spargens | Cive tam claro sion o superna laeta dic laudes domino salutis qui modis miris sibi vinxit ipsum lumine complens | Hic fidem sacram vigil usque firmat arma et errorum subigit potenter sordidos mores lavat et repellit dogmate claro | Laus honor virtus triadi beatae cujus in terris studuisti amanter alta scrutari nitidaque in astris luce potiris | Augustini |
| a03114 | H | Nocte surgentes virginum laudes canamus dulciter ut nos a lapsa criminum custodiant perenniter | Quae monitae per somnium Coloniam perveniunt in qua dirum supplicium a barbaris excipiunt | Tandem fugatis hostibus divino beneficio sepultae sunt a civibus urbis magno cum gaudio | O beata Colonia persolve deo gratius qui tua salvat moenia per virginum reliquias | XI milium Virginum |
| a03119 | H | Quae tanta patres gloria vos nimbo adornat caelico in nos redundat lucida quos foedus idem congregat | Quos patris immortalia dent jussa fructus uberes per vos patet clarissimis gestis loquelis moribus | Hortus venustus floribus agerque laete frugifer virtutibus cluniacus per vos amoenus splenduit | Pii sagaces providi prodesse aventes fratribus quot comparastis incolas caeli beatitudinis | Adeste nobis regulae quam vos amastis asseclis ut hanc tenentes seduli Christum sequamur principem | In patria cum gaudio vestrae cohortis particeps et nostra turma concinat in trinitatis gloriam | |
| a03124 | H | Jucunda patrum rediit festivitas illustrium confessione cordium qui respuerunt sǽculum | Quorum colentes annuam solemnitatem candidam ipsos precamur humiles ut nostras mundent maculas | Oratione sedula votisque nostris subditis det nobis indulgentiam eorum intercessio | Gloria tibi domine qui surrexisti a mortuis cum patre et sancto spiritu in sempiterna sǽcula | |
| a03129 | H | Pontifex magnus populo stupente sub columbina specie loquentis spiritus sancti documenta sensit actibus implet | Fortis occurrit mulier Mathildis quae patri summo tribuens juvamen inclytae sedis studio fideli jura tuetur | Triticum cernens loliis scatere praesul et messem manibus profanis objici zelo rapiente saevit alter Elias | Ut viam currant patriae supernae libero gressu populi fideles anteit pastor propriam paratus tradere vitam | Murus Israel domui stetisti criminum vindex columenque Romae inter aerumnas placida Gregori morte potiris | Martyres pergis prope laureatus firmus et constans fidei tenacem o pater praebes animum triumphi gaudia sumas | Sis memor cari gregis et patronus sis ad aeternam triadem precamur cuncta cui dignas resonent per orbem saecula laudes | Gregorii VII Papae Confessoris |
| a03131 | H | Te triumphanti celebramus ore inclytum Romae jubar o Gregori corde qui magno superans procellas littora tengis | Gaudeat coetus Benedicti patris qui tot et tantos generavit orbi filios nullus simili refulsit laude verendus | Nuntium latae ditionis adfert dextra ludentis pueri dolantem dum secus fabrum domino regente segmine scribit | Alta conscendas pater oriaris sol novus mundum radiis serenans pontifex Petri sedeas cathedra arbiter orbis | In latebrosos fugiant recessus quotquot hostili rabie furentes in gregem christi satagunt nefanda tela vibrare | Sis memor chari gregis et patronus sis ad aeternam triadem precamur cuncta cui dignas resonent per orbem saecula laudes | Gregorii VII Papae Confessoris |
| a03147 | H | Te Catharina maximis nunc veneramur laudibus cunctae lumen ecclesiae sertis ornata plurimis | Magnis aucta virtutibus et vita florens inclita humili mente ac strenua per crucis pergis tramitem | Stella videris populis salubris pacis nuntia mores restauras optimos feroces mulces animos | Sancto compulsa Spiritu ignita verba loqueris quae lucem sapientiae aestus amoris ingerunt | Tuis confisos precibus virgo dilecta Domino nos caritate concitos fac Sponsi regna quaerere | Gloria tibi Domine qui surrexisti a mortuis cum Patre et Sancto Spiritu in sempiterna saecula | Catharinae Senensis |
| a03152 | H | Ostium victrix properante cursu Carolum ad sanctam comitaris aedem ut tri umphantem sacra rite signet unctio regem | Gaudio fundens lacrimas Joanna Principi plaudis Domino rependis debitas grates retinesque dextra nobile signum | Erigens longa populum ruina mira fecisti generosa virgo jure te nostrae patriae parentem saecla vocabunt | Sed manet major meliorque merces te novus poscit labor et triumphus te Deus mittens dabit ipse vires atque coronam | Qui dedit presso populo salutem laude ter sanctum Dominum colamus semper ut tantae meritis patronae Gallia vivat | Joannae de Arc Virginis |
| a03155 | H | Salve cordis intrepidi virgo mitis et pudica tormenta dira sustinens Christi refers imaginem | Voces supernas audiens Jesu repleta lumine dum fata pandis patriae silent paventque judices | Oppressa flammis clamitas Jesum crucemque fortiter amplexa ad ipsum simplicis instar columbae pervolas | Sit laus patri sit filio sancto decus paraclito qui corda amore sauciat vires et auget languidis | |
| a03156 | H | Salve cordis intrepidi virgo mitis et pudica tormenta dira sustinens Christi refers imaginem | Voces supernas audiens Jesu repleta lumine dum fata pandis patriae silent paventque judices | Oppressa flammis clamitas Jesum crucemque fortiter amplexa ad ipsum simplicis instar columbae pervolas | Sit laus patri sit filio sancto decus paraclito qui corda amore sauciat vires et auget languidis | Joannae de Arc Virginis |
| a03164 | H | Mox ad theatrum prodiens turbis palam spectantibus mature cum sancto truces ad bestias expostus es | Immensa scindunt verbera mordent furentes belluae ignita sedes ustulat detruncat audax ascia | O martyres o victimae his Attalus conjungitur refert coronas ponticus palmasque victrices metit | Nos o juvate supplices quos dente discissos fero tormenta post et barbara caelo securis addidit | Sit laus patri laus filio sit par tibi laus spiritus quo dante certatrix cohors torquentibus fit fortior | |
| a03165 | H | Interrogatus a praeside beatus Photinus quisnam esset christianorum Deus respondit si dignus fueris cognosces | |
| a03166 | H | Triumphat mundi principem Blandina cunctis fortior immota coram judice lassat manus torquentium | Duro ligata stipiti distenta per crucis modum et devoranda concitis paratur esca bestiis | Sed nulla vel contingere corpus sat audax bellua recedit impasta fame ipsis tyrannis mitior | Sic per ferinos impetus per carceres per verbera per flammeas sartagines ovans ad astra convolat | Sit laus Patri laus Filio sit par tibi laus Spiritus quo dante certatrix cohors torquentibus fit fortior | |
| a03169 | H | Quam Christus ora sitiit cruce vel inqua subiit quos praestat in hoc psallere ditet siti justitiae | Quibus sit ut esuriet qua ipse dere satiet crimen sit ut fastidium virtusque desiderium | Carisma sancti spiritus sint influat psallentibus ut carnisa estus frigeat et mentis algo ferveat | Praesta beata trinitas concede simplex unitas ut fructuosa sint tuis jejuniorum muner | |
| a03174 | H | Barnabae clarum colimus trophaeum quo micat celsus merita corona multa pro Christi vehementer usque passus honore | Abdicans agro generosus urget ut fide vivax ope caritatis nominis plebes nova christiani laeta virescat | Quam libens noscit petit atque defert maximum Paulum socio labore Spiritus nutu peragrans fidelis litora multa | Nil sibi parcit cupidusque Christo plurimos affert bonus atque pascit donec effuso rutila probatur sanguine palma | Da deus tanto famulo rogante nos sequi fortes iter ad salutem ut domo aeterna tibi concinamus cantica laudis | Barnabae |
| a03221 | H | Inclytus rector pater atque prudens cujus insignem colimus triumphum iste confessor sine fine laetus regnat in astris | Qui Petri summa cathedra residens praesul immensi gregis et magister regna per claves Domini potenter caelica pandit | Qui sacerdotis ducis ac magistri munus insumpsit populis sacratum praesul et vitae sapiens paravit dona beatae | Ipse dux clarus fuit et magister exhibens sacrae documenta vitae ac Deo semper satagens placere pectore mundo | Nunc eum nisu rogitemus omnes abluat nostrum pius ut reatum et sua ducat prece nos ad alta culmina caeli | Sit Deo soli decus et potestas laus in excelsis honor ac perennis qui suis totum moderans gubernat legibus orbem | |
| a03228 | H | CHriste pastorum caput atque princeps gestiens hujus celebrare festum debitas sacro pia turba psallit carmine laudes | Quas oves Petro dederas ovile orbis ut totus fieret sacratum hic tuo nutu positus supremo culmine rexit | Strenuum bello pugilem superni chrismatis pleno tuus unxit intus Spiritus dono posuitque sanctam pascere gentem | Hunc tibi electum faciens ministrum ac sacerdotem socians dedisti dux ut astaret populo fidelis ac bonus altor | Hic gregis ductor fuit atque forma lux erat caeco misero levamen providus cunctis pater omnibusque omnia factus | Christe qui sanctis meritam coronam reddis in caelis docili magistrum fac sequi vita similique tandem fine potiri | Aequa laus summum celebret parentem teque salvator pie rex per aevum Spiritus Sancti resonet per omnem gloria mundum | |
| a03229 | H | Salvete cedri Libani plantae virentes ordinis quae prata nunc caelestia impletis almo germine |Vos Trinitatis gloria aeterna circumplectitur vos aura matris Virginis mulcet piis favoniis | Vos angelorum curiae cingunt chorea perpetim et irrigant purissimi aeternitatis rivuli | O inclytae propagines vestros juvate filios in valle maesta debiles nos roborate surculos | Sit laus Patri cum Filio simulque dulci flamini laeti quibuscum vivitis in sempiterno lumine | Omnium Sanctorum |