H
Hymn (and hymn verses if listed together in the same record)
Mass / Office:
Office
Rite:
Franco-Roman
Related chants
Displaying 1351 - 1400 of 1750 chants| Cantus ID | Genre | Full text | Usual feast |
|---|---|---|---|
| ah43047 | H | Christus vere noster cibus Christus vere noster potus Caro Dei vere cibus Sanguis Dei vere potus | Caro cara quam sumimus Quam assumpsit de virgine Verus sanguis quem bibimus Quem effudit pro homine | Vere tali mysterio Verbum caro comeditur Per quod viget religio Per quod nobis ingreditur | Panis iste dulcedinis Totus plenus est gratiae Alvo gestatus virginis Rex est aeternae gloriae | Cujus panis angelici Saginemur pinguedine Et tam pii viatici Delectemur dulcedine | O caeleste convivium O beatorum gloria O requies humilium Aeterna confer gaudia | Praesta pater per filium Praesta per almum spiritum Quibus hoc das edulium Prosperum serves exitum | Corporis Christi |
| ah50025 | H | Quid est quod artum circulum sol jam recurrens deserit Christusne terris nascitur qui lucis auget tramitem Heu quam fugacem gratiam festina volvebat dies quam paene subductam facem sensim recisa extinxerat Caelum nitescat laetius gratetur et gaudens humus scandit gradatim denuo iubar priores lineas Emerge dulcis pusio quem mater edit castitas parens et expers conjugis mediator et duplex genus Ex ore quamlibet patris sis ortus et verbo editus tamen paterno in pectore Sophia callebas prius Quae prompta caelum condidit caelum diemque et cetera virtute verbi effecta sunt haec cuncta nam verbum Deus Sed ordinatis saeculis rerumque digesto statu fundator ipse et artifex permansit in patris sinu Donec rotata annalium transvolverentur milia atque ipse peccantem diu dignatus orbem viseret | Nativitas Domini |
| ah50026 | H | Corde natus ex parentis ante mundi exordium alpha et o cognominatus ipse fons et clausula omnium quae sunt fuerunt quaeque post futura sunt saeculorum saeculis O beatus partus ille virgo cum puerpera edidit nostram salutem feta sancto spiritu et puer redemptor orbis sacratum protulit saeculorum saeculis Psallat altitudo caeli psallant omnes angeli quidquid est virtutis usquam psallat in laudem dei nulla linguarum silescat vox et omnis consonet saeculorum saeculis Ecce quem vates vetustis concinebant saeculis quem prophetarum fideles paginae spoponderant emicat promissus olim cuncta collaudent eum saeculorum saeculis Te senes et te juventus parvulorum te chorus turba matrum virginumque simplices puellulae voce concordes pudicis perstrepant concentibus saeculorum saeculis Tibi Christe sit cum patre hagioque spiritu hymnus melos laus perennis gratiarum actio honor virtus victoria regnum aeternaliter saeculorum saeculis | Nativitas Domini |
| ah50026:cs | H | Narozený od věčnosti (...) | Nativitas Domini |
| ah50031 | H | Inventor rutili dux bone luminis qui certis vicibus tempora dividis merso sole chaos ingruit horridum lumem redde tuis Christe fidelibus | Quamvis innumero sidere regiam lunarique polum lampade pinxeris incussu silicis lumina nos tamen monstras saxigeno semine quaerere | Ne nesciret homo spem sibi luminis in Christi solido corpore conditam qui dici stabilem se voluit petram nostris igniculis unde genus venit | Pinguis quos olei rore madentibus lychnis aut faucibus pascimus aridis quin et fila favis scirpea floreis presso melle prius conlita tingimus | Vivax flamma viget seu cava testula succum linteolo suggerit ebrio seu pinus piceam feret alimoniam seu ceram teretem stuppa calens bibit | Nectar de liquido vertice fervidum guttatim lacrimis stillat olentibus ambustum quoniam vis facit ignea imbrem de madido flere cacumine | Splendent ergo tuis muneribus pater flammis mobilibus scilicet atria absentemque diem lux agit aemula quam nox cum lacero victa fugit peplo | Sed quis non rapidi luminis arduam manantemque deo cernat originem Moyses nempe deum spinifera in rubo vidit conspicuo lumine flammeum | O res digna deus quam tibi roscidae noctis principio grex tuus offerat lucem quam tribuis nil pretiosus lucem qua reliqua praemia cernimus | Tu lux vera oculis lux quoque sensibus intus tu speculum tu speculum foris lumen quod famulans offero suscipe tinctum paciferi chrismatis unguine | Per Christum genitum summe pater tuum in quo visibilis stat tibi gloria qui noster dominus qui tuus unicus spirat de patrio corde paraclitum | Per quem splendor honor laus sapientia majestas bonitas et pietas tua regnum continuat numine triplici texens perpetuis saecula saeculis | Sabbato Sancto |
| ah50031.1 | H | Inventor rutili dux bone luminis qui certis vicibus tempora dividis merso sole chaos ingruit horridum lucem redde tuis Christe fidelibus | Per Christum genitum summe pater tuum in quo visibilis stat tibi gloria qui noster dominus qui tuus unicus spirat de patrio corde paraclitum | Splendent perspicuo lumine ardua flammis mobilibus scilicet atria absentenque diem lux agit emula noctem clarificans fulgore previo | Nos festis trahimus per pia gaudia noctem concliis votaque prospera concentu parili suave sonantibus hymnorum modulis ore resolvimus | O res digna deus quam tibi roscidae noctis principio gres tuus offered lumen quod tribuis nil pretiosius luce qua reliqua premia cernimus | Tu lux vera oculis lux quoque sensibus intus tu speculum tu speculum foris lumen quod famulat plebs tua suscipe | Flagrant et redolent Christi sacraria ambustaque fumant thurea virgula lignum quod superat gratia balsamum guttam vel folium rorentque cinnamum | Quamuis innumero sidere regiam sit lunari polum lampade pinxeris incussu silicis lumina no stamen monstras saxigeno semine querere | Nesciretque homo spem sibi luminis in Christi solido corpore conditam qui dici stabilem se voluit petram nostris igniculis unde genus venit | Pinguis olei rore madentibus lychnis aut faucibus pascimus aridis quin et fila favis scirpea floreis presso melle prius conlita tingimus | Vivax flamma juget seu cava testula sucum linteolo suggerit ebrio seu pinus piceam fert alimoniam seu ceram teretem stupa calens bibit | Nectar de liquid vertice fervidum guttiam lacrimis stillat olentibus ambustum quoniam vis facit ignea imbrem de madido flere cacumine | Sed quis non rapidi lumina ardua mentemque deo cernat originem Moyses nempe deo spinifero in rubo vidit conspicuo lumine flameum | Felix qui meruit sensibus in sacris caelestis solii vissere principem jussus nexa pedum vincula solver nec sanctum involucris pollveret locum | Per quem splendour honor laus sapitentia magestas bonitas et pietas tua regnum contineat nomini triplici texens perpetuis saecula saeculis | |
| ah50031.2 | H | Inventor rutilis lux bone luminis qui certis vicibus tempora dividis mersos sole chaos ingruit horridum lumen redde tuis Christe fidelibus | Splendent praespicuo lumine arduo flammis luminibus scilicet atria abscentemque diem lux ait aemula noctem in luminans fulgore praevio | Nos festis trahimur per pia gaudia noctem concilii votaque prospera concenta parilis suavi sonantibus hymnorum modulis orare solvimus | O res digna deus quam tibi roscidet noctis principio grextuus offeret lumen quod tribuis nil praetiosus luce qua reliqua praemia cernimus | Tu lux vera oculis lux quoque sensibus intus tu speculum tu speculum foris lumen quod delibat plebs tua suscipe tinctum pacifici crismatis unguine | Per Christum genitum summae pater tuum inquo visibilis stat tibi gloria qui noster dominus qui tuus unicus spirat depatrio corde paraclito | Per quem splendor honor laus sapientia majestas bonitas et pietas tua regnum continuat nomini triplici texens perpetuis saecula saeculis | Amen | |
| ah50031.3 | H | Inventor rutilis dux bone luminis qui certis vicibus tempora dividis mersos sole chaos ingruit horridum lumen redde tuis Christe fidelibus | Per Christum genitum summae pater tuum inquo visibilis instat tibi gloria qui noster dominus qui tuus unicus spirante patrio corde paraclito | Per quem splendor honor laus sapientia majestas bonitas et pietas tua regnum continuat nomini triplici texens perpetuis saecula saeculis | Amen | |
| ah50052 | H | Cantemus socii domino cantemus honorem dulcis amor Christi personet ore pio | Primus ad ima ruit magna de luce superbus sic homo cum tumuit primus ad ima ruit | Unius ob meritum cuncti periere minores salvantur cuncti unius ob meritum | Sola fuit mulier patuit qua janua leto et qua vita redit sola fuit mulier | Frater iniquus erat justum qui perculit olim damnator Christi frater iniquus erat | Transitus ille monet quid prima amisit origo quid ventura parent transitus ille monet | (...) | Dunstani |
| ah50069 | H | Salve festa dies toto venerabilis aevo qua deus infernum vicit et astra tenet | Tempora florigero rutilant distincta sereno et majori poli lumine porta patet | Altius ignivomum solum caeli orbita ducit qui vagus oceanas exit et intrat aquas | Armatis radiis elementa liquentia lustrans adhuc nocte brevi tendit in orbe diem | Splendida sincerum producunt aethera vultum laetitiamque suam sidera clara probant | Terra favens vario fundit munuscula foetu cum bene vernales reddit et annus opes | Mollia purpureum pingunt violaria campum Prata virent herbis et micat herba comis | Paulatim subeunt stillantia lumina florum arridentque oculis gramina tincta suis | Semine deposito lactans seges exilit arvis spondens agricole vincere posse famem | Caudice defecto lacrimat sua gaudia palmes unde merum tribuat dat modo vitis aquam | Cortice de matris tenera lanugine surgens praeparat ad partum turgida gemma sinum | Tempora sub hiemis foliorum crine revulso jam reparat viridans frondea tecta nemus | Mirta salix abies corilus siler ulmus acernus plaudit quaeque suis arbor amoena comis | Construitura favos apes hinc alvearia linquens floribus instrepitans poplite mella rapit | Ad cantus revocatur avis quae carmina clauso pigrior hiberno frigore muta fuit | Hinc philomena suis adtemperat organa cannis fitque repercusso dulcior aura melo | Ecce renascentis testatur gratia mundi omnia cum Domino dona redisse suo | Namque triumphanti post tristia tartara Christo undique fronde nemus gramina flore favent | Legibus inferni oppressis super astra meantem laudant rite Deum lux polus arva fretum | Qui crucifixus erat Deus ecce per omnia regnat dantque creatori cuncta creata precem | Nobilitas anni mensum decus arma dierum horarum splendor scripula puncta fovent | Hinc tibi silva comis plaudit hinc campus aristis hinc grates tacito palmite vitis agit | Hinc tibi nunc avium resonant virgulta susurro has inter minimus passer amore cano | Christe salus rerum bone conditor atque redemptor unica progenies ex deitate patris | Inrecitabiliter manans de corde parentis verbum subsistens et penetrare potens | Aequalis consors socius cum patre coaevus quo sumpsit mundus principe principium | Aethera suspendis sola congeris aequora fundis quaeque locis habitant quo moderante vigent | Qui genus humanum cernens mersisse profundo ut hominem eriperes es quoque factus homo | Nec voluisti etenim tantum te corpore nasci sed caro quae nasci pertulit atque mori | Funeris exequias pateris vitae auctor et orbis intras mortis iter dando salutis opem | Tristia cesserunt infernae vincula legis expavitque chaos luminis ore premi | Depereunt tenebrae Christi fulgore fugatae et taetrae noctis pallia crassa cadunt | Pollicitam sed redde fidem precor alma potestas tertia lux rediit surge sepulte meus | Non decet ut humili tumulo tua membra tegantur neu pretium mundi vilia saxa premant | Indignum est cujus clauduntur cuncta pugillo ut tegat inclusum rupe vetante lapis | Lintea tolle precor sudaria linque sepulchro tu satis es nobis et sine te nihil est | Solve catenatas inferni carceris umbras et revoca sursum quicquid ad ima ruit | Redde tuam faciem videant ut saecula lumen redde diem qui nos te moriente fugit | Sed plane implesti remeans pie victor ad orbem tartara pressa jacent nec sua jura tenent | Inferus insaturabiliter cava guttura pandens qui rapuit semper sit tua praeda Deus | Eripis innumerum populum de carcere mortis et sequitur liber quo suus auctor adit | Evomit absorptam trepide fera belua plebem et de fauce lupi subtrahit agnus oves | Hinc tumulum repetens post tartara carne resumpta Belliger ad caelos ampla trophea refers | Quos habuit poenale chaos jam reddidit in te et quos mors peteret hos nova vita tenet | Rex sacer ecce tui radiat pars magna triumphi cum puras animas sacra lavacra beant | Candidus egreditur nitidis exercitus undis atque vetus vitium purgat in amne novo | Fulgentes animas vestis quoque candida signat et grege de niveo gaudia pastor habet | Additur hac Felix consors mercede sacerdos qui dare vult Domino dupla talenta suo | Ad meliora trahens gentili errore vagantes bestia ne raperet munit ovile Dei | Quos prius Aeva nocens infecerat hos modo reddit ecclesiae partus ubere lacte sinu | Mitibus alloquiis agrestia corda colendo munere felici de vepre nata seges | Aspera gens Saxo vivens quasi more ferino Te medicante sacer bellua reddit ovem Centeno reditu tecum mansura per aevum messis abundantis horrea fruge reples | Immaculata tuis plebs haec vegetetur in ulnis atque Deo purum pignus ad astra feras | Una corona tibi de te tribuatur ab alto altera de populo vernet adepta tuo | Dom. Resurrectionis |
| ah50070 | H | Tibi laus perennis auctor baptismatis sacrator qui sorte passionis das praemium salutis | Nox clara plus et alma quam luna sol vel astra quae luminum corona reddis diem per umbram | Dulcis sacrata blanda electa pura pulchra sudans honore mella rigans odore chrisma | Accedite ergo digni ad gratiam lavacri quo fonte recreati refulgeatis agni | In qua redemptor orbis de morte vivus exit et quos catena vinxit sepultus ille solvit | Hic gurges est fidelis purgans liquore mentes dum rore corpus fudat peccata tergit unda | Quam Christus aperuit ad gentium salutem cujus salubre cura redit novata plasma | Gaudete candidati electa vasa regni in morte consepulti Christi fide renati | Sabbato Sancto |
| ah50122b | H | Omnipotentem semper adorant et benedicunt omne per aevum | Astra polorum cuncta chorique Solque sororque lumina quaeque | Frigus et aestus cauma roresque Nix glacies noxque diesque | Luxque tenebrae fulgura nec ne Montes et colles flumina fontes | Maria nec non aquae cunctaque Sic quoque nymfae quaeque supernae | Psallat et arva laudet et oret Coetus et ipsae volucres cunctae | Bestiae cuncte simul et omnes Spiritus et cuncta sacrata |Tres puerique simul honeste Sidrac et Misac Abdenagoque | Ternam personam unum collaudem | Sabbato Q.T. Adventus |
| ah50142 | H | Adest dies sanctus dei claro resplendens lumine quo victor ad caelos potens rex Christus exsultans petit Quem turba tunc cum laudibus fortem resultans praedicat regem triumphantem sequens intrat polorum januas Hoc tunc videntes principes hinc obstupescunt protinus quis sit tonans interrogant tanti ducis hic transitus Reddunt quibus mox praevia haec angelorum tum agmina rex gloriae fortis potens est iste virtutum deus Claustra ast patent mox omnia gaudent in alto milia Christum sedentem cum vident laetum superna gloria O rex supernae gloriae qui patris in dextra sedes tu nos vide clemens tuos nunc deprecantes servulos Da spem fidem et catholicam da caritatis munera grates pias rite ut tibi reddamus omni tempore | Ascensio Domini |
| ah50143 | H | Festum nunc celebre magnaque gaudia compellunt animos carmina promere cum Christus solium scandit ad arduum caelorum pius arbiter Conscendit jubilans laetus ad aethera sanctorum populus praedicat inclitum concinit pariter angelicus chorus victoris boni gloriam Qui scandens superos vincula vinxerat donans terrigenis munera plurima districtus rediet arbiter omnium qui mitis modo transiit Oramus domine conditor inclite devotos famulos respice protegens ne nos livor edax daemonis obruat demergat vel in inferos Ut cum flammivoma nube reverteris occulta hominum pandere judicans non des supplicia horrida noxiis sed justis bona praemia Praesta hoc genitor optime maxime hoc tu nate dei et bone spiritus regnans perpetuo fulgida trinitas per cuncta pie saecula | Ascensio Domini |
| ah50155 | H | Qui sine peccato templi est oblatus ad aram a nobis clemens crimina quaeque demat | Quod chorus vatum venerandus olim spiritu sancto cecinit repletus in dei factum genetrice constat esse Maria | Haec deum caeli dominumque terrae virgo concepit peperitque virgo atque post partum meruit manere inviolata | Quem senex justus Simeon in ulnis in domo sumpsit domini gavisus ob quod optatum proprio videret lumine Christum | Tu libens votis petimus precantes regis aeterni genetrix faveto clara quae celsi retinens Olympi regna petisti | Sit deo nostro decus et potestas sit salus perpes sit honor perennis qui poli summa residet in arce trinus et unus | Purificatio Mariae |
| ah50180 | H | Laudes omnipotens ferimus tibi dona colentes Corporis immensi sanguinis atque tui | Pangimus ecce tuam rector sanctissime mensam tu licet indignis propitiare tuis [5] Propitiare pius peccata absolve benignus prosit ut invictis appropiare sacris | Angelus aethereis sanctus descendat ab astris purificans corpus cor pariterque pius | Haec medicina potens caeli nos ducat in arces [10] interea terris dans medicamen opis | Quod colimus fragiles salvator respice clemens summeque pascentes protege pastor oves | Protege quas recreas hostis ne propterat illas consolidans dono nos sine fine tuo [15] Nam sumus indigni quos ornes munere tali tu pietate tua rex rege castra tua | Hoc pater omnipotens cum Christo perfice clemens spiritus atque potens trinus et unus apex | |
| ah50181 | H | Aurea lux terrae dominatrix inclita salve Quae domibus nostris nunc benedicta venis Larga maneto tuis semper clarissima servis Qui tibi mente canunt carmen et ore ferunt [5] Plus hodie solito radiat sol clarus in alto Cumque serena venis nubila cuncta teris Floribus arva nitent quia te nos visere cernent Fetibus atque solum germinat omne bonum Gloria magnificae rutilas celsissima romae [10] Atque Italos radiis comis amoena tuis At tibi se famulam praebet Germania fidam Saepius et facie te cupit aspicere Caesaris ipsa decus populorum corrigis actus Pluribus et validis imperitans populis [15] Nunc sine fine vale miserans et nostra tuere Sit tibi magna salus laus honor atque decus | |
| ah50182 | H | Annua sancte Dei celebramus festa diei Qua pater e terris sydera Galle petis | Ecce dies populis micat haec sanctissima nostris Quorum tu princeps auctor ad astra meas | Finibus occiduis abiens succedis eois Dans lucem plebi dogmatis igne tui | Quae tenebrosa fuit fidei nec luce refulsit Per te caelestem coepit habere diem | Hic ubi nocticulae tenuere cubilia larvae Ad laudem Christi psallit ubique chorus | Hic fuit ecce feris statio gratissima saevis Nunc sedes sanctis te respuente manet | Tu pater huc veniens fers tecum pacis honores Hinc totum pellens quicquid adesse nocet | Expuleras nocuum complens dulcedine totum Quo corpus linquens spiritus astra petit | En hodie meritam tu post certamina palmam sumpsisti Galle protege nos hodie | Jam super astra nitens famulorum suscipe laudes Qui te devoto nunc jubilant modulo | Aspice propitius venerantes nobile pignus Corpus praeclarum GALLE beate tuum | Accipe quae canimus expurga corda benignus In rebus cunctis rector adesto tuis | Hinc Domino trino laeti pangamus in uno Qui nos hunc talem fecit habere patrem | Galli |
| ah50185 | H | Rex benedicte veni visens habitacula Galli Otmari tectis accipiende sacris | Istud sanctorum concludit milia templum quam subiens aedem experiaris opem | Jugiter ista suis te servet turba sub alis cujus reliquias haec tenet aula pias | Francia te Suevis o rex direxit alendis jam pecuare tuum pasce diu viduum | Noricus et Sclavus Bemanus Saxo Toringus corde manent alacri te dominante sui | Occiduae gentes Hispani Gallia triplex se studeant propere sub tua sceptra dare | Italiae populus diverso sanguine mixtus ad te pigmentis palliolisque ruat | Ebrus Thermoodon Thrax Nuchul Bosforus Ufens sumant maxilis jam tua frena suis | Hos inter populos nostri miserere monarchos commonitus fido a Salomone tuo | Fias placatus nobis maneasque misertus quos stirps Scottorum suasit in hanc heremum | De Regum |
| ah50186 | H | Imperatorem genimen potentum macte regnorum novitate mira semper antiquis famulis benigne rex miserere | Franciae reges micuere patres fulgidi regis Caroli per orbem nec minus matres Alemanna tellus misit honoras | Hic domus hac est patria creatus fautor Othmarus benedictus abba Gallus ex Scotis veniens beavit omnia nostra | Barbaros terrens proprios foveto cum quibus omnes orientis artes immo quadrati superabis arvi summa vel ima | Juris et pacis moderator aequus temperans fortis vigeas per omne tempus hic degens super astra caeli hinc abiturus | De Regum |
| ah50187 | H | Votis supplicibus voces super astra feramns Trinus ut et simplex nos regat omnipotens | Sancte pater juva nos sancte fili salva nos compar his et spiritus ungue nos intrinsecus | Sancta virgo virginum stella maris Maria tu pro nobis filium ora Christum dominum | Summae sedis minister quis ut deus Michael cum supernis civibus sis nobis propitius | Praeco Christi Johannes agni dei ostensor redemptoris baptista tu nos deo commenda | Sancte Petre ac Paule cunctique apostoli vos orate pro vestris christianis populis | Juncti sancto Stephano universi martyres estote auxilio populo catholico | Sancte Galle succurre sancte Ottmare subveni nos cum confessoribus adjuvando precibus | O martyr Felicitas cohors atque virginum postulate pro nobis majestatis Dominum | Omnes sancti Domini angeli et homines vos ad aures divinas ferte preces sedulas | Ut nobis remissio peccatorum donetur aeris temperies terraeque fertilitas | Pacem nobis imploret vestra intercessio sanitatem corporum et perenne gaudiurn | Ut famem et morbi vim amovere dignetur omnipotens dominus obtinete precibus | Ut saeviens gladius et paganus populus depellatur a nobis te rogamus domine | Ut pastorem tueri nostrum velis et clerum omnes simul oramus Jesu Christe audi nos | Ut rex noster Chuonradus ejus et exercitus hinc et inde servetur oramus Christe audi nos | Ut cruore redemptum pretioso populum conservare digneris oramus Christe audi nos | Animas catholicas in aeterna requie confoveri jubeas oramus Christe audi nos | Omnes tibi canimus universi clamamus vocibus et cordibus oramus Christe audi nos | Oramus Christe audi nos Christe Christe audi nos Kyrie eleison canimus Christe eleison psallimus | In Letaniis maj. |
| ah50189 | H | Salve lacteolo decoratum sanguine festum salvete innocua corpora fusa neci | Concinit ecce Deus tibimet grex iste pusillus festivum laude praeveniendo diem | In qua morte pia puerorum maxima turba occidit et victrix regna superna capit | Nam quia terrenum metuit disperdere regnum impius immani rex feritate furit | Audierat regem quem cuncta oracula dudum spondebant vatum virgine matre satum | Judaicae gentis cui debita regna manerent hocque magos stella testificare nova | Nec mora pestifera succenditur efferus ira dum sibi praeripier regia jura timet | Mox jubet innocuam ferro prosterne plebem destinat atque neci corpora lacteola | Perderet ut Christum dum nemo evaderet ipsum inter et innumeros sterneret hunc pueros | |
| ah50190 | H | Cum natus esset dominus turbatur rex incredulus Magi tulerunt munera quos stella duxit praevia | Herodes rex interrogat quo Christus nasci debeat Locumque dici flagitat ut hunc necare valeat | Adorant magi Dominum viamque carpunt aliam Nec saevi regis impiam ultra vident praesentiam | Tunc rex Herodes fervida succenditur insania mandatque sterni milia lactantium innumera | Completur saeva jussio mactatur omnis pusio Aetatis bimae parvuli vel infra subduntur neci | Mas omnis infans occidit quem novus partus protulit Scrutatur ah cunabula ac ipsa matrum ubera | Quid furis crudelissime o carnifex et pessime Hic solus qui requiritur impune Christus tollitur | Pectus tenellum rumpitur matrum sinus perfunditur Sed lactis plus quam sanguinis de loco stillat vulneris | Salve lactans exercitus flores sanctorum martyrum Ad aram summi numinis qui laeti semper luditis | Nos vos laudantes pueros semper juvate precibus Vobiscum uti jugiter possimus laeti psallere | Nat. Innocentium |
| ah50192 | H | Suscipe clementem plebs devotissima regem ducque canens Galli tecta sub alta pii | Jam benedicte veni rector dignissime mundi Dextera te Christi protegat arce poli | Actibus in cunctis tibi prospera cuncta superne proveniant votis et sine fine piis | Hoc nos instanter rogitamus pectore fido Hoc petimus omnes nocte dieque simul | Te nobis blandum dederat dilectio Cbristi Qui nosmet tanta sedulitate foves | Insita te nobis bonitas et sancta voluntas Ante dedit carum quam quoque visus eras |Cernere nunc faciem liceat virtute nitentem Optio quod nostra saepe cupita fuit | Rex dominus regum factor rectorque potentum Qui te terreno praetulit imperio | Hic te confortet semper virtute polorum Et secum regno laetificet supera | De Regum |
| ah50193 | H | Mire cunctorum deus et creator mitis et fortis solidator orbis Vota servorum tibi dubditorum aspice clemens | Pangimus clarum cupidi triumphum mente gaudentes simul et precantes Sanctus ut praesens super astra gaudens nos benedicat | Ille dum vita fruitur caduca lucis aeternae radios videre Visibus cordis studuit subimis fretus ab altis | Nomen hic MAGNI reserando plebi viribus magnis colitur celebris Auctus a Gallo superis amando dogmate largo | Hostis immitem domuit furorem pacis auctorem comitando suavem omnibus sanctae placidaeque vitae normula factus | Ille post clarum remanens magistrum ejus exemplis inhians beatis Turbidum mundi reprobans honorem terrea sprevit | Spiritu pauper fuit hic minister hinc et in regno micat illi dexter Mitis exstabat tenet atque terram viva gerentem | Fervido planctu simul hic dolebat inde solatum Dominus coronat Tristibus spretis lacrimisque tersis perpete regno | Famis en justae pariter sitisquae damna perpessus fuit hic beatus Unde divinis dapibus repletus gaudet in astris | Hic fuit clemens miserans misellos ejus et judex miseretur altus Tota cum mundi species obibit fine sub uno | Corde nam mundo fuit atque puro hinc Deum clare meruit videre Filius summi simul et vocari pacifer ipse | Persecutorum toleravit iste justa dum vovit Dominoque reddit Inde caelestem merito decorem possidet ipse | Bis quater summis speciebus ecce praeditus splendet pater hic beatus Omnibus nobis veniam benignus conferat idem | Inde nunc caeli rutilans in aula civis aeternae sociusque turmae Nostra placatus pius et benignus crimina tergat | Praestet hoc nobis genitor perennis natus et plenus patrii vigoris Spiritus sancti moderante nostros lumine sensus Amen | Magni |
| ah50194 | H | Jam fidelis turba fratrum voce dulci consonet Hymnum dicat et serena partiatur dramata Dulce pondus et beatum in lectica deferens | Scandens et descendens inter montium confinia Silvarum scrutando loca valliumque concava Nullus expers ut locus sit istis solaminis | Jamque caelum jamque terra jamque pontus laudibus plaudant atque circumquaque vox emissa plebibus Auctorem patremque tanti tamque clari luminis | Hinc exsultent astra caeli lacteusque circulus Signa tum bis sena saltent et corona nobilis Ornatusque totus soli conditori cognitus | Nos istorum semper clara consecuti munia Sanctitati tantae cantu personemus bombico Exaudire quod delectet cuncti plasten saeculi | His inceptis assit alma felix et theotocos Assit Petrus hunc sequatur omnis atque apostolos Martyr en confessor atque turba sancta virginum | Nunc redemptor et creator auctor veri gaudii Largiatur aptam vobis virtutis fiduciam Ut sibi volendo digna captemus perennia | Magni |
| ah50195 | H | O rector invictissimae regumque sator inclite nostras preces cum carmine intende nunc piisime | Timenda res est denique praesumimus quam tangere artus et horum pandere quos tu beasti in aethere | Absterge nostra quaesumus peccata quae commisimus ut sancta membra tangere non poena sit sed praemium | Adest fides promptissima spondens per ista munia nos adjuvari certius discedat hinc jam perfidus | Nam spiritus ex sidere haec creditur revisere gaudens honore provehi quandoque reddendum sibi | Nunc MAGNUS iste nomine majorque Christi munere defendat alma gratia plebis viantis pectora | Portamus ecce cernui pignus decoris splendidi nunc plana nunc per ardua ad sedis aptae culmina | Hic civium caelestium lux clara splendet obvia ac compares fidissime junguntur ore nobili | Illic parentis gloriam summique nati gratiam cum claritate spiritus laetis canamus vocibus Amen | Magni |
| ah50196 | H | Christus ad nostras veniat camenas Christus et vocem tribuat salubrem Christus ad vitam vehat et perennem se modulantes | Audiat nosmet chorus angelorum protegat nos plebs et apostolorum patriarchae omnes simul et prophetae luce perenni | Martyrum turbas petimus serenas sanguinis palma pretioque claras vocis ut nostrae modulis receptis gaudia praestent | Nunc sacerdotes monachosque claros ad preces nostras cupidi vocamus nosmet ut semper foveant et nostra pace suavi | Virginum dulces nitidosque flores semper in nostro petimus favore esse praesentes simul et fugantes noxia quaeque | Omnium sane rutilus piorum coetus ad nostram vigilet salutem invidum pellens rapidumque furem munere Christi | Christe nunc servos miserare fidos ob precem sanctae nitidaeque plebis inter hos MAGNI meritum recordans maxime judex | Per crucem sanctam moderare nostram conditor vitam tribuens quietam perditis culpa veniam reprendens luminis auctor | Pacis augmentum tribuas rogamus utque salvemur pariter precamur ac remittendi decus exhiberi te miserante | Aetheris blanods facilesque motus frugis et largos remeare quaestus regibus vitam populisque pacem da pater orbis | Praesuli nostro dominans faveto huisque caelestem tribuens honorem posthumum Petri facito perenni laude beatri | Agne qui tollis facinus reorum conditor lucis miserere nobis Christe nos audi patris alme fili Kyrieleison | Magni |
| ah50197 | H | Carmina nunc festis psallamus rite choreis obvia laetantes pectora qui ferimus | Aurea jam resonent redimitis carmina bombis quae variis mixtim vocibus aura ferat | Nil sic perspicuum poterit vox clara referre Ut decet in tali nunc patris obsequio | Sic devota tamen pandamus ora canentes pectore de puro hos referendo sonos | Istuc jam properans Domini dilecte propinqua Quo tibi condigna corporis aula nitet | Hic tibi perpetuis resonant concentibus aedes Ossibus et sacris semper habetur honos | Dum laeti famuli celebrant hic festa benigni Laudibus instantes nocte dieque tuis | Laetus ob hoc nostros blandusque invisito fines Atque pius servis auxiliare tuis | Jam nunc servitiis famulum consuesce tuorum Prosper et huc vultum flecte serene tuum | Dirige corda pius et tempora dirige nostra Atque dies laetos ducere da famulos | Ut semper valeant tibimet cantare quieti Te quoque caelesti cernere luce poli | Sternere supplicibus istaec modo patria votis Et venerans tanti suscipe membra viri | lpsas omnigeno decorans cum flore plateas Lumine perpulchris obvia lampadibus| Adveniunt pariter necnon comitantur euntem Perspicui fratres angelici proceres | Qui sancti feretrum circumvolitando beatum Alarum expansu undique membra tegunt | Inde Columbanus noster pater atque magister Alpibus excursis aeriisque viis Hic aderit praesens alacrisque ad gaudia tanta Agmina conjungit consociata simul | Conjunguntur ei celeres gressusque fatigant Tres quoque Francorum Scottigenae pariles | Quos volitans fama asciscens ad gaudia tanta Unitos tulerat dulcibus obsequiis | Obvius hinc proprios Gallus producit alumnos Longius occursu approperans rapido | Hunc circum medium numerosis coetibus auctus Densatur nitidus caelicolum populus | Omnes qui pariter saneta te voce salutant Et proprios lares Magne subire rogant | Ut quos aetheriis retinet communio templis Hic quoque consortis jungat honoris amor | Interea Otmari praestabit cura beati Mansio construeta quoque parata fiat | Ut nil displiceat venientis hospitis ori Omina splendenti sed niteant facie | De Regum |
| ah50198 | H | Miles ad castrum properes novellum pridem et notos repetas locellos posside terram tibi praeparatam jam comes Galli sociare illi | Nos sua Magne pignora Gallus miserat ad te teque venire oppido poscit Miles* | Nunc studet ille rus laquearque te veniente comere laute nil remoreris Miles* | Sexus uterque vir mulierque turba pedestris coetus equestris vociferantur Miles * | Te pater aetas expetit omnis ut veniendo cuncta mederis et modulantur Miles* | Quando parata ingrediaris tecta patrone nos famulantes ipse tuere Miles* | Ad tua quisquis limina stratus te sibi poscat sancte favere esto misertus Miles * | Igne nocivo grandine morbo daemonis astu marte fameque protege cives Miles * | Corporis ut qui reliquiarum condere partem promeruerunt juveris illos Miles * | Magni |
| ah50215 | H | Chorus novae Jerusalem novam meli dulcedinem promat edens cum sobriis paschale festum gaudiis Quo Christus invictus leo dracone surgens obruto dum voce viva personat amore functos excitat Quam devorarat improbus praedam refundit tartarus captivitate libera Jesum sequuntur agmina Triumphat ille splendide et dignus amplitudine soli polique patriam una facit rem publicam Ipsum canendo supplices regem precemur milites ut in suo clarissimo nos ordinet palatio Per saecula metae nescia patri supremo gloria honorque sit cum filio et spiritu paraclito | Dom. Resurrectionis |
| ah50216 | H | Organum mentis tibi quaeso nostrae temperans plectro moderare linguae cujus ad laudem cupide movemur spiritus alme | Invocatio Sancti Spiritus |
| ah50233 | H | Salve crux sancta salve mundi gloria vera spes nostra vera ferens gaudia signum salutis salus in periculis vitale lignum vitam portans omnium Te adorandam te crucem vivificam in te redempti dulce decus saeculi semper laudamus semper tibi canimus per lignum liberi Originale crimen necans in cruce nos a privatis Christe munda maculis humanitatem miseratus fragilem per crucem sanctam lapsis dona veniam Protege salva benedic sanctifica populum cunctum crucis per signaculum morbos averte corporis et animae hoc contra signum nullum stet periculum Laus deo patri sit in cruce filii laus coaequali sit sancto spiritui civibus summis gaudium sit angelis honor in mundo sit crucis inventio. | Inventio Crucis |
| ah50235 | H | Christe cunctorum pariter tuorum palmitum vitis deus alme nobis praebe Maioli celebrare tanti festa patroni | Quem tibi nostris placuit diebus pluribus signis meritisque dignis regibus coram hominumque turmis glorificare | Annuas istisque sic interesse faudiis nos perpetuis et amplis pro reis gestis merito career ut nequeamus | Quaesumus rector pietatis auctor noster hic pastor tibi sit precator quo tua nobis pietate cunctis crimina dones | Cujus in tanto pia vota festo congruit nobis jugiter canendo super paschae tibi duplicatas solvere laudes | Trinitas deus unus atque summus sit tibi rex gloria sempiterna qui regis tanta bonitate cuncta omne per aevum | Amen | |
| ah51067 | H | Sic ter quaternis trahitur horis dies ad vesperum occasu sol pronuntians noctis redire temporum | In tempore Quad. |
| ah51067a | H | Jam ter quaternis trahitur horis dies ad vesperum occasu sol pronuntians noctis redire temporum | In tempore Quad. |
| ah51186b | H | Ave beati germinis Invicte rex et inclyte omnis tibi militia occurrat ovans caelitum | Intacta Christi genitrix mater honora virginum chorum pudicum socians tibi procedat obviam Ave * | Agonithetae apostoli victoriosi martyres omnesque sancti ordines semper vocent te laudibus Ave *| Nos pro statu parvi loci reisque modo pauperis laetantes pio Domino occurrimus in omnibus Ave* | Haec ipsa gaudent tempora floreque verno germinant adventus omni gaudio quando venit optatior | De Susceptione Regum |
| ah52042 | H | In Mariam vitae viam matrem veram viventium pie venit qui redemit peccata delinquentium | Visitatio Mariae |
| ah52137 | H | Jam regina discubuit sedens post unigenitum nardus odorem tribuit Bernhardus tradens spiritum | Dulcis reginae gustui fructus sui suavitas dulcis ejus olfactui nardi Bernhardi sanctitas | Venit sponsa de Libano coronanda divinitus ut Bernhardus de clibano veniret sancti spiritus | Quae est ista progrediens velut aurora rutilans quis est iste transiliens colles sancti conjubilans | Haec gloria terribilis sicut castrorum acies haec gratia mirabilis ut Assueri facies | Ora pro nobis dominum praedulcis fumi virgula inclina patrem luminum pastor ardens ut facula Amen | Bernardi |
| ah52352 | H | Exsultet mentis jubilo laudans turba fidelium errorum pulso nubilo per novi solis radium | Thomas in mundi vespere fudit thesauros gratiae donis plenus ex aethere morum et sapientiae | De cujus fonte luminis verbi coruscant faculae scripturae sacrae numinis et veritatis regulae | Fulgens doctrinae radiis clarus vitae munditia splendens miris prodigiis dat toti mundo gaudia | Sit patri laus ac genito simulque sancto flamini qui sancti Thomae merito nos caeli jungat agmini | Thomae de Aquino |
| ah52353 | H | Thomas insignis genere claram ducens originem subit aetatis tenerae praedicatorum ordinem | Typum gessit Luciferi splendens in coetu nubium plus quam doctores caeteri purgans dogma gentilium | Profunda scrutans fluminum in lucem pandit abdita dum supra sensus hominum obscura facit cognita | Fit paradisi fluvius quadripartite pervius fit Gedeonis gladius tuba lagenae radius | Sit laus patri ac genito simulque sancto flamini qui sancti Thomae merito nos caeli jungat agmini | Thomae de Aquino |
| ah52354 | H | Lauda mater ecclesia Thomae felicem exitum qui pervenit ad gaudia per verbi vitae meritum | Fossa nova tunc suscipit thecam thesauri gratiae cum Christus Thomam efficit heredem regni gloriae | Manens doctrinae veritas et funeris integritas mira fragrans suavitas aegris collata sanitas | Monstrant haec dignum laudibus terrae ponto et superis nos juvet suis precibus deo commendet meritis | Sit patri laus ac genito simulque sancto flamini qui sancti Thomae merito nos caeli jungat agmini | Thomae de Aquino |
| ah52355 | H | Superna mater inclyta novis exsulta gaudiis quae tibi plebs haec subdita laetis offert praecordiis | Clausum thesaurum gratiae Urbanus praesul reperit quem jam in orbis facie cunctis patentem efficit | Thesaurum hunc quem edidit ordo clarus Dominici idem Urbanus reddidit Eliae voto supplici | Colendum in occiduis transmittens mundi partibus ubi signis assiduis succurrit invocantibus | Sol solem caeli sequitur dum Thomas ab Italia tibi Tolosa vehitur quo decoratur Gallia | Aeterno regi gloriam laetis canamus vocibus qui nobis praestet veniam beati Thomae precibus | |
| ah52356 | H | Jubar caelorum prodiens perlustrat hemisphaerium per solis iter gradiens sidus petit Hesperium | Cum oriente oritur decus et lux Campaniae et in Tolosa conditur lustrans oram Hispaniae | Unde pater Dominicus sumpsit vitae praeconium illuc doctor Italicus suum legit hospitium | Altam profundens gratiam divina virtus corpori salutis efficaciam dat omni morbi generi | Nam claudos reddit gressui leprososque munditiae vitae redduntur mortui maesti quoque laetitiae | Aeterno regi gloriam laetis canamus vocibus qui nobis praestet veniam beati Thomae precibus | |
| ah52357 | H | Aurora pulchra rutilans splendorem defert roseum nosterque chorus jubilans doctorem canit laureum | Dum claram lucem aperit caeleste sidus oculis Thomae figuram ingerit dati pro luce saeculis | Jam occidentem radiis implere caelum incipit dum multis vectum stadiis Thomam Tolosa recipit | Ad hujus lucis radium lustranda mittit dubia ad sancti Thomae studium hortans mater ecclesia | Veram protestans solidam doctrinam ejus inclytam securam firmam lucidam divinis verbis insitam | Aeterno regi gloriam laetis canamus vocibus qui nobis praestet veniam beati Thomae precibus | |
| g00523 | H | Benedictus es domine deus patrum nostrorum et laudabilis et gloriosus in saecula | Et benedictum nomen gloriae tuae quod est sanctum et laudabile et gloriosum in saecula | Benedictus es in templo sancto gloriae tuae et laudabilis et gloriosus in saecula | Benedictus es super thronum sanctum regni tui et laudabilis et gloriosus in saecula | Benedictus es super sceptrum divinitatis tuae et laudabilis et gloriosus in saecula | Benedictus es qui sedes super cherubim intuens abyssos et laudabilis et gloriosus in saecula | Benedictus es qui ambulas super pennas ventorum et super undas maris et laudabilis et gloriosus in saecula | Benedicant te omnes angeli et sancti tui et laudent te et glorificent in saecula | Benedicant te caeli terra mare et omnia quae in eis sunt et laudent te et glorificent in saecula | Gloria patri et filio et spiritui sancto et laudabili et glorioso in saecula | Sicut erat in principio et nunc et semper et in saecula saeculorum et laudabili et glorioso in saecula | Benedictus es domine deus patrum nostrorum et laudabilis et gloriosus in saecula | Sabbato Q.T. Adventus |
| g00523.1 | H | Benedictus es domine deus patrum nostrorum | Et laudabilis et gloriosus in saecula | Et benedictum nomen gloriae tuae quod est sanctum | Et laudabile et gloriosum in saecula | Benedictus es in templo sancto gloriae tuae | Et laudabilis | Benedictus es super thronum sanctum regni tui | Et laudabilis | Benedictus es super sceptrum divinitatis tuae | Et laudabilis | Benedictus es qui ambulas super pennas ventorum | Et laudabilis | Benedictus es qui sedes super cherubim intuens abyssos | Et laudabilis | Benedicant te omnes angeli et sancti tui | Laudabilem et gloriosum in saecula | Benedicant te caeli terra mare et omnia que in eis sunt | Laudabilem et gloriosum in saecula | Gloria patri et filio et spiritui sancto | Laudabili et glorioso in saecula | Sicut erat in principio et nunc et semper et in saecula seculorum amen | Et laus et honor potestas et imperium | Benedictus es | Domine deus | |
| g00523.2 | H | [...] | Benedictus es infirmamento caeli et laudabilis et gloriosus in saecula | Benedicite omnia opera domini dominum | Benedicite caeli dominum | Benedicite angeli domini dominum | Hymnum dicite et super exaltate eum in saecula | Benedicite aque que super caelo sunt dominum | Benedicite omnes virtutes domini dominum | Benedicite sol et luna dominum | Benedicite imber et ros domino | Benedicite omnes spiritus dominum | Benedicite ignis et estus dominum | Benedicite noctes et dies dominum | Benedicite tenebre et lumen dominum | Benedicite frigus et cauma dominum | Benedicite pruina et nives dominum | Benedicite fulgora et nubes dominum | Benedicat terra dominum | Benedicite montes et colles dominum | Benedicite omnia nascentia terra dominum | Benedicite maria et flumina dominum | Benedicite fontes dominum | Benedicite cete et omnia que moventur in aquis dominum | Benedicite volucres caeli dominum | Benedicite bestie et universa pecora dominum | Benedicite filii hominum dominum | Benedicat Israel dominum | Benedicite sacerdotes domini dominum | Benedicite servi domini dominum | Benedicite spiritues et animae justorum dominum | Benedicite Anania Azaria Misael dominum | Sabbato Q.T. Adventus |
| g00959 | H | Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet | |
| g00961 | H | De parentis protoplasti fraude Factor condolens quando pomi noxialis In necem morsu ruit ipse lignum tunc notavit damna ligni ut solveret |